Éxodo 19:6 - Bible in Tzotzil de Chamula

⁶ Va'i unbi, ta xac'otic ta paleetic, ta t'ujbil calab jnich'nab.” Albo ya'i scotol ti israeletic ti va'i s'elan taje.

Bible in Tzotzil de Chenalhó with Deuterocanon

⁶ Vo'oxuc pale c'otemoxuc cu'un, xchi'uc vo'oxuc jun lum ti voc'biloxuc o ta jtojole’, xi li Diose, uto li achi'iltaque —x'utat li Moisese.

Éxodo 19:6 Iomraidhean Croise

1 Reyes 3:8

Xi s'elan oyun ta o'lol yu'un ti ateclumal ti vo'ot laj at'uje: ti mu albajuc yepal ti jteclume, ti mu xa stac' na'el c'u s'elan ta chapel ti jun yepalic ta j'ech'ele.

1 Reyes 8:53

Yu'un ti vo'ote, Dios, c'otemic ta avu'un. Laj ach'aquic loq'uel ta stojol scotol ti lumetic ti oy ta banomile, ti laj aval ta sventa ti avajtunel Moisese, ti c'alal laj aloq'ues talel ta Egipto ti jmolmuc'totcutic ta vo'nee.”

1 Crónicas 17:22

Yu'un vo'ot laj atsob loq'uel ti Israele yo' jech ta xc'ot ta ateclumal sbatel osil. Ti vo'ote, Cajval, ta xac'ot ta Dios yu'unic.

Salmos 114:2

ti Dios une, c'ot ta naquiel ta yosilal ti Judae. Ti Israele, ventainbil lec c'ot yu'un.

Éxodo 15:26

Xi albatique: “Mi ta xats'etan lec achiquinic ta ya'yiel ti c'usi ta xcal ti vu'un Ajvalil Diosun avu'unique, mi ja' ta xapasic ti c'usi lec ta xquile, mi ta xc'ot ta ch'unel avu'unic ti jmantaltaque, mi ta xc'ot ta pasel avu'unic ti oy c'usi tsots sc'oplal albil cu'une, mu'yuc ta jtac talel jtosuc ta atojolic ti c'usi chopol jech c'u cha'al laj jpas ta stojol ti egipcioetique. Yu'un vu'un jpoxtavanejun, jcoltavanejun, ti Ajvalil Diosun avu'unique.”

Éxodo 22:31

“Ti vo'oxuque, t'ujbil cajtunel lac'otic. “Mu xati'ic sbec'tal ti chon bolometic ti lajemic ta ti'el yu'un ti jti'oval chonetic ti oy ta osiltique. Ac'beic sti' ti ts'i'etique.

Éxodo 28:36

“Meltsano junuc uni pech-pech bats'i oro. Ts'ibao tey ti co'ol s'elan seyo ta xc'ote: ‘C'otem ta yajtunel Dios li'e’ ti xiuc ti c'ope.

Isaías 43:4

Yu'un mu tuch'bajucot ta o'ntonal ta xca'i. Ech'em atunel, toj c'ux ta xca'iot. Ti jech ventainbilote, ti jech mu xa'aq'ue ta milele, laj cac' ta c'abal ti jnaclejetique, ti muc'tiquil lumetique.

Isaías 61:6

Ti vo'oxuc une, ta xa'albat ac'oplalic paleoxuc yu'un ti Ajvalile, jtuneloxuc yu'un ti Dios cu'untique. Ta xatunesic ta sc'upinel sc'ulejal ti yan muc'tiquil lume, xach'aletic no'ox ta xac'otic xchi'uc ti slequilalique.

Isaías 62:12

“Ch'ul jteclum le'e”, “Ti buch'utic c'otic ta colel yu'un ti Diose”, xi ta x'albat sc'oplalic ti israeletique. “Juteb ta o'ntonal ma' ti le'e”, “Ma'uc xa ma' ti jteclum jipbil tenbil une”, xi ta x'albat sc'oplal ti Jerusalene.

Isaías 66:21

Oy jlom yu'unic ta jt'ujic yo' ta x'ochic ta paleetic, xchi'uc ta xtunic jech c'u cha'al ta xtunic ti levitaetique”, xi ti Diose.

Jeremías 13:11

Jech to ox oyic ta jtojol scotol ti jteclum Israele xchi'uc scotol ti jteclum Judae, ti jmoj vololic jech c'u cha'al ti chuquil ti syomoj ta chuquel ti chuquile, yo' jech ta xc'otic ta jteclumale, yo' ta xiyaq'uic ta ojtiquinel ti mu'yuc xa buch'u xtaun o ta xca'i yu'unic ta sventa ti jlequil cutsilale. Le' une, mu'yuc laj yaq'uicun ta venta. Jech xcal ma' ti vu'un Diosune.

Jeremías 2:3

Ti Israele cu'un to ox jtuc, cuni t'ujbil ts'unubil to ox. Mi oy buch'u laj soquese, laj jtsits, laj jtacbe talel ta stojol ti cuxul ilbajinvanej vocole. Ti vu'un Diosune, mu stselbuj ma' ti jc'op une.”

Jeremías 7:23

Ti bu laj calbeique, ti ac'o xisch'unbeicun ti c'usi ta jc'ane. Jech Diosun yu'unic unbi. Ti stuquique, ja' jteclumaltac. Laj calbeic ya'iic xtoc, ti ac'o stamic ta spasel jech c'u cha'al laj calbeique yo' jech lec ta xc'ot ta stojolic.

Levítico 19:2

“Xi xcholet xavalbe ya'iic scotol ti c'u yepal oy ti israeletic jech c'u cha'al li'e: Oyuc alequilalic avutsilalic, yu'un ti vu'un Ajvalil Diosun avu'unique, jelavem jlequilal cutsilal ta j'ech'el.

Levítico 20:24

Ta xcac' que jti' ti vo'oxuc ta xac'otic ta yajval ti slumalique. Yu'un ta jva'an jba jtuc ti ta xcac'boxuc ti jteclum taje, ti bu co'ol s'elan vo' ta xbein ti chu' vacaxe, ti ajapome. “Yu'un vu'un ti Ajvalil Diosun avu'unique, ti ch'acbiloxuc cu'un xchi'uc ti yan lumetique.

Levítico 20:26

Oyuc alequilalic avutsilalic ta jtojol. Yu'un vu'un ti Ajvalilune, Ch'ul Diosun, ch'acbiloxuc cu'un xchi'uc ti yan lume yo' jech ta xac'otic ta cu'un.

Levítico 21:23

Ja' no'ox un, mu xu' ta x'och batel ta spat ti bu lich'il ti muc' ta poq'ue, mi ja'uc ti ta xnopaj ta sts'el ti altare yo' jech mu spec'tsanbe sc'oplal ti Axibalna cu'un ta scoj ti ma'uc ts'acal vinique. Yu'un vu'un ti Ajvalilune, ti jech t'ujbil c'otic cu'une.”

Amós 3:2

c'ajomal no'ox vo'oxuc laj jt'ujoxuc loq'uel ta stojol scotol ti jteclumetic ti c'u yepal oy ta banomile. Jech o xal ta xquich' ave ati'ic yu'un scotol ti c'usitic chopol laj xa apasique.”

Hageo 2:5

Mu jel ti c'u s'elan laj cal c'alal laloq'uic talel ta Egiptoe. Staoj yav chi'inbiloxuc cu'un. Mu xaxi'ic.

Números 16:3

Scotolic ti va'i yepal taje laj svol sbaic batel ta stsaquel ta c'op ti Moisese xchi'uc ti Aarone, ti xi laj yalbeique: —¡Li' xa no'ox c'alaluc lajuc sc'oplal ti ich'biloxuc ta muq'ue! Yu'un scotol jteclum t'ujbil ono'ox yu'un ti Diose. Oy ta jtojol jcotoltic ti Diose. ¿C'u cha'al ya'yel un cha'e ti co'ol to s'elan banquilal ajvalil xava'i abaic ta stojol ti xnich'nab Diose?

Romanos 12:1

Ja' yu'un un, Jchi'iltac, ta sventa syail xc'uxul yo'nton ti Dios ta jtojoltique, ta jc'anboxuc vocol, cuxul ac'o abaic ta tunel jech c'u cha'al ti matanal ti c'otem ta sventa ti Diose, ti jun yutsil slequil ta xich' aq'uel ta stojole. Taje, ja' jech ta ich'el ta muc' ti Diose.

1 Corintios 3:17

Mi oy buch'u ta soquesbe xch'ulna ti Diose, ac'o sna' ya'i ti ta x'ac'bat svocol yu'un ti Diose. Yu'un ti ch'ulna taje, c'otem ta sventa ti Diose. Ti ch'ulna taje, ja' ac'oplalic vo'oxuc.

Deuteronomio 14:21

“Ta j'ech'el mu stac' xati'ic scotol ti c'usiuc no'ox chon bolomal ti ta xcham stuque. Yu'un le' cha'e, oy ac'oplalic ti ja' jun lum ti t'ujbiloxuc yu'un ti Ajvalil Dios avu'unique. Ja'uc c'otuc ta pasel avu'unic ti ac'beic ti jyanlumetic ti nacal ta alumalique. Yu'un ti stuquique xu' ta sti'ic. Mi mo'oje, xu' xachonbeic xtoc ti j'ech'el-be jyanlumetique. “Mi ja'uc capal xalacanic xchi'uc ya'lel xchu' sme' ti ch'in tentsune.,

Deuteronomio 26:19

Ta xc'ot ta pasel yu'un ti ta xac'otic ta jun muc' ta lum ti jelavem ta j'ech'el ti alequilal avutsilalique, ti ta spuc ti ac'oplalique, ti ich'biloxuc ta muc' ta xac'otique, ti ja' mu sta sc'oplal ti yan muc'tiquil lum ti laj yac'anbe xch'ulele. Yu'un ja' jech ta xata ac'oplalic jech c'u cha'al laj yale, ti ja' jun jteclum ti yac'oj sbaic ta tunel yu'un ti Ajvalil Dios avu'unique.”

Deuteronomio 28:9

“Mi ta xc'ot avu'un ta yabtelanel spasel ti smantaltaque, mi jun avo'nton ta stojole, jech ti Ajvalil Dios avu'une staoj yav ti st'ujojot ta steclumal jech c'u cha'al laj yal ti laj sva'an sba ta rextico ti stuque.

Deuteronomio 7:6

Yu'un ti vo'oxuque, ja' jun lum ti ch'acbiloxuc ti tsots ac'oplalic c'otemoxuc yu'un ti Ajvalil Dios avu'unique. Yu'un ti ta scotol ti lumetic ti oy ta banomile, laj st'ujoxuc loq'uel ti Diose yo' jech ta xc'otic ta steclumal stuc.

1 Tesalonicenses 5:27

Ti jech ac'bil cabtel yu'un ti Cajvaltique, ta jc'anboxuc vocol ta sventa ti Cajvaltique, avtaic ti jvun li'e ta stojolic scotol ti jch'unolajeletique.

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

Apocalipsis 1:6

Yu'un ta sventa Cristo, lijc'ot ta ajvalil, ta pale yo' jech ta xijtun ta stojol ti Diose, Stot ti Cajvaltic Jesucristoe. Jechuc o sbatel osil, ich'biluc ta muc' ti slequil yutsile, ti smuc'ul stsatsale. Jechuc.

Apocalipsis 20:6

Yan yutsil ti buch'u oy sc'oplalic ba'yel ta xcha'cuxiique, yu'un c'otemic ta steclumal ti Diose. Yu'un laj to sc'oplal ti q'uelel ta stojolic ta xchamic ta xcha'cojale, c'otemic xtoc ta yajpale ti Diose xchi'uc ti Cristoe, jmil jabil ta spasic mantal xchi'uc.

Apocalipsis 5:10

Ta aventa li'ochcutic ta ajvalil, ta paleal ta stojol ti Dios cu'untique, xchi'uc ta spasel mantal ta banomil.”