Éxodo 19:5 - Bible in Tzotzil de Chamula

⁵ Ja' yu'un un, mi ta xavac'beicun ta venta scotol ti c'usi ta xcale, mi ta xc'ot ta pasel avu'unic ti jtratee, xac'otic o lec ta calab jnich'nab, ja' mu sta ti yan jteclumetique. Yu'un ti banomile, ja' cu'un scotol.

Bible in Tzotzil de Chenalhó with Deuterocanon

⁵ Ja' yu'un me chach'unic scotol li c'usi caloje, xchi'uc me chavich'ic ta muc' li c'usi chapanbil cu'une, vo'oxuc no'ox atuquic lec chaquiloxuc ta scotol li yantic lumetique yu'un ja' cu'un scotol li banamile.

Éxodo 19:5 Iomraidhean Croise

Génesis 17:9

Ja' jech xtoc ti Diose xi to laj yalbe ti Abrahame: —Ja' yu'un un, ti vo'ote xchi'uc scotol ti anitilultaque, mu me stselbuj avu'unic ti jtratee.

1 Reyes 8:53

Yu'un ti vo'ote, Dios, c'otemic ta avu'un. Laj ach'aquic loq'uel ta stojol scotol ti lumetic ti oy ta banomile, ti laj aval ta sventa ti avajtunel Moisese, ti c'alal laj aloq'ues talel ta Egipto ti jmolmuc'totcutic ta vo'nee.”

1 Crónicas 17:22

Yu'un vo'ot laj atsob loq'uel ti Israele yo' jech ta xc'ot ta ateclumal sbatel osil. Ti vo'ote, Cajval, ta xac'ot ta Dios yu'unic.

Job 41:11

¿Mi cuxul to van, mi mu'yuc c'usi snuptanoj ti buch'u ta stsal sba ya'i xchi'uque? Mu junuc un, sbejel banomil sna'ic lec.

Job 41:3

¿Mi xvocolet xa van ta atojol ti c'uxubajan yu'une, ti stsulet ye ta sc'anbot ti vocole?

Salmos 135:4

Laj st'uj ti Jacob ti ja' Israele, ti tsots stunel c'ot yu'un ta stojole.

Salmos 24:1

Scotol ti banomile, ti c'usi ta xch'ie, xchi'uc scotol li c'usi cuxule, ja' yu'un ti Diose.

Salmos 25:10

Ta syail xc'uxul yo'nton, ta sventa melel, ta sliques yabtel ta stojolic ti buch'u ta spasbeic ti c'usi yaloje, xchi'uc ti smantaltaque.

Éxodo 15:26

Xi albatique: “Mi ta xats'etan lec achiquinic ta ya'yiel ti c'usi ta xcal ti vu'un Ajvalil Diosun avu'unique, mi ja' ta xapasic ti c'usi lec ta xquile, mi ta xc'ot ta ch'unel avu'unic ti jmantaltaque, mi ta xc'ot ta pasel avu'unic ti oy c'usi tsots sc'oplal albil cu'une, mu'yuc ta jtac talel jtosuc ta atojolic ti c'usi chopol jech c'u cha'al laj jpas ta stojol ti egipcioetique. Yu'un vu'un jpoxtavanejun, jcoltavanejun, ti Ajvalil Diosun avu'unique.”

Éxodo 23:22

Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Éxodo 24:7

Ts'acal to un, laj stsac svunal ti tratee. Tey laj yavtabe ya'i ti israeletique. Ti stuquique xi laj yalique: —Ta jts'etan lec jchiquincutic ta ya'yiel ta spasel ti c'u s'elan ta xal mantal ti Diose.

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Éxodo 8:22

Ja' no'ox un, c'alal jech ta xc'ot ta pasel taje, ti jnich'nab ti nacalic ta Gosene, mu xlajic ta ti'el ta jts'uts'-ch'ich' vov. Yu'un mu jcotuc ta xc'ot tey. Yu'un ch'acbilic cu'un. Ja' to jech xana' ti li' oyun ta alumal ti Vu'un Ajvalilune.

Éxodo 9:29

Ti Moisese xi laj staq'ue: —Mi liloc' batel ta jteclume, ta ora no'ox ta jtoy jc'ob ta sc'oponel ti Diose. Ja' yu'un un, ta xpaj ti chauque xchi'uc ti bote yo' jech xana' ti ja' yu'un Dios ti banomile.

Cantares 8:12

Ti jmil (1,000) ta sepe, ja' avu'un Salomón. Yan ti lajunvinic (200) ta sepe, ja' ta xich'ic ti jchabiej ts'unubaletique. Ti vu'une, cuni uva no'ox jtuc ta jchabi.

Isaías 1:19

Mi teq'uel ta xc'ot avo'ntonic ti jch'unej-mantaloxuque, ta xatun xalajesic ti c'usitic lec ta xloc' ta banomile.

Isaías 41:8

“A'yio ava'iic lec, Israel, steclumal Jacob ti cajtunel laj jt'uje, steclumal snitilul ti Abrahame, ti lec xquil jba xchi'uque.

Isaías 43:1

Avi tana une, Israel, steclumal Jacob, ti Dios ti laj yac'bot ach'ulel avanimae, xi ta xalbote: “Mu xatsiq'ues avo'nton, yu'un lac'ot xa ta pojel colel cu'un. Laj jbiiltasot, cu'un lac'ot.

Isaías 56:4

Yu'un xi ta xal ti Diose: “Mi ta xich'ic ta muc' sc'ac'alil cuxob o'ntonal ti buch'u caponetique, mi ta xc'ot ta pasel yu'unic ti c'usi oy ta co'ntone, mi staoj yav jun yo'ntonic xchi'uc ti jtratee,

Jeremías 10:16

Ja'uc ti Dios yu'un ti Jacobe, cajal sc'oplal ta j'ech'el, yu'un ja' laj smeltsan scotol ti c'usitic oye, xchi'uc laj st'uj ti Israele yo' ta xc'ot ta yu'un. Xi ti sc'oplale: Ajvalil Dios ti scotol xu' yu'une.

Jeremías 13:11

Jech to ox oyic ta jtojol scotol ti jteclum Israele xchi'uc scotol ti jteclum Judae, ti jmoj vololic jech c'u cha'al ti chuquil ti syomoj ta chuquel ti chuquile, yo' jech ta xc'otic ta jteclumale, yo' ta xiyaq'uic ta ojtiquinel ti mu'yuc xa buch'u xtaun o ta xca'i yu'unic ta sventa ti jlequil cutsilale. Le' une, mu'yuc laj yaq'uicun ta venta. Jech xcal ma' ti vu'un Diosune.

Jeremías 7:23

Ti bu laj calbeique, ti ac'o xisch'unbeicun ti c'usi ta jc'ane. Jech Diosun yu'unic unbi. Ti stuquique, ja' jteclumaltac. Laj calbeic ya'iic xtoc, ti ac'o stamic ta spasel jech c'u cha'al laj calbeique yo' jech lec ta xc'ot ta stojolic.

Ezequiel 16:8

“ ‘Ts'acal to un, li'ech' ta ats'el, yorail xu' xa xamalij laj quil un. Laj jmacot ta jc'u'. Pixil lac'ot cu'un ti jech t'analote. Laj cac' que, laj jpas jtrate ta atojol, lac'ot ta cu'un. Ti vu'un Ajvalilune, mu lo'iluc no'ox ta xcal.

Levítico 20:24

Ta xcac' que jti' ti vo'oxuc ta xac'otic ta yajval ti slumalique. Yu'un ta jva'an jba jtuc ti ta xcac'boxuc ti jteclum taje, ti bu co'ol s'elan vo' ta xbein ti chu' vacaxe, ti ajapome. “Yu'un vu'un ti Ajvalil Diosun avu'unique, ti ch'acbiloxuc cu'un xchi'uc ti yan lumetique.

Amós 3:2

c'ajomal no'ox vo'oxuc laj jt'ujoxuc loq'uel ta stojol scotol ti jteclumetic ti c'u yepal oy ta banomile. Jech o xal ta xquich' ave ati'ic yu'un scotol ti c'usitic chopol laj xa apasique.”

Amós 6:1

Mu xa ono'ox cha'bel un, ti buch'utic mu'yuc no'ox svocolic ta xa'iic ti nacalic ta jteclum Sione. Mu xa ono'ox cha'bel un, ti buch'utic mu'yuc c'usi sna' ta xa'iic ti nacalic ta jteclum Samariae, ti banquilaletic ti ich'bil ye sti'ic yu'un ti muc'tiquil lum taje, ti xc'uletic ta sc'anic coltael ti israeletique.

Malaquías 3:17

Ti Dios ti scotol xu' yu'une, xi ta xale: “Yacalun ta xchapanel jun c'ac'al ti xu' ta xcha'sutic talel yo' ta xc'otic ta jteclumale. Jech c'u cha'al junuc totil ti ta xc'uxubaj yo'nton yu'un ti xnich'on ti yac'oj sba ta tunel yu'une, ja' jech ta x'ayan syail xc'uxul co'nton yu'unic ec.

1 Corintios 10:26

Sbejel ti banomile xchi'uc scotol ti c'usi ta xch'i talele, ja' yu'un ti Cajvaltique.

1 Corintios 10:28

Mi oy buch'u xi ta xalbote: “Ti beq'uet li'e, ac'bil ta smoton ti c'usi meltsanbil ta c'abale”, mu xati'ic yo' jech mu xyanij yo'nton avu'un ti buch'u jech laj yale.

Deuteronomio 10:14

Tuc'ulanic lec avilic, yu'un ti Ajvalil Dios avu'unique, ja' yu'un ti vinajele, ti x'ech' to jelavel ti bu oy ti vinajele, ti banomile, xchi'uc scotol ti c'usitic oy ta stojole.

Deuteronomio 11:27

C'uxubinel lequilal ta xavich'ic mi ta xach'unbeic smantaltac ti Ajvalil Dios avu'unic ti laj calboxuc ava'iic ti c'ac'al li'e.

Deuteronomio 14:2

Yu'un ti vo'oxuque, ja' jun jteclum ti ch'acbiloxuc loq'uel yu'un ti Ajvalil Dios avu'unique. Yu'un ja' stuc laj st'ujoxuc loq'uel ta stojol scotol ti yan lumetic ti oy ta banomile yo' jech ta xac'otic ta steclumal stuc.

Deuteronomio 14:21

“Ta j'ech'el mu stac' xati'ic scotol ti c'usiuc no'ox chon bolomal ti ta xcham stuque. Yu'un le' cha'e, oy ac'oplalic ti ja' jun lum ti t'ujbiloxuc yu'un ti Ajvalil Dios avu'unique. Ja'uc c'otuc ta pasel avu'unic ti ac'beic ti jyanlumetic ti nacal ta alumalique. Yu'un ti stuquique xu' ta sti'ic. Mi mo'oje, xu' xachonbeic xtoc ti j'ech'el-be jyanlumetique. “Mi ja'uc capal xalacanic xchi'uc ya'lel xchu' sme' ti ch'in tentsune.,

Deuteronomio 26:18

Ja' jech ti Dios xtoque laj yal ta jamal avi tana li' eque, ti vo'ote, Israel, steclumaloxuc ti c'otemoxuc ta yu'untaque, jech c'u cha'al yaloj ono'oxe, ti c'otuc ta pasel avu'unic scotol ti smantaltaque.

Deuteronomio 26:19

Ta xc'ot ta pasel yu'un ti ta xac'otic ta jun muc' ta lum ti jelavem ta j'ech'el ti alequilal avutsilalique, ti ta spuc ti ac'oplalique, ti ich'biloxuc ta muc' ta xac'otique, ti ja' mu sta sc'oplal ti yan muc'tiquil lum ti laj yac'anbe xch'ulele. Yu'un ja' jech ta xata ac'oplalic jech c'u cha'al laj yale, ti ja' jun jteclum ti yac'oj sbaic ta tunel yu'un ti Ajvalil Dios avu'unique.”

Deuteronomio 28:1

“Mi ta melel teq'uel ta xc'ot ta avo'nton ta xch'unel ti c'usi ta sc'an ti Ajvalil Dios avu'une, ti ta xlic avabtelan ta spasel scotol ti smantaltac ti laj calbot ava'iic tana li'e, va'i unbi, ich'bilot ta muc' ta xac'ot yu'un scotol ti jnaclejetic ta banomil yu'un ti Dios avu'une, ja' mu sta ti stuquique.

Deuteronomio 28:9

“Mi ta xc'ot avu'un ta yabtelanel spasel ti smantaltaque, mi jun avo'nton ta stojole, jech ti Ajvalil Dios avu'une staoj yav ti st'ujojot ta steclumal jech c'u cha'al laj yal ti laj sva'an sba ta rextico ti stuque.

Deuteronomio 4:20

Ja'uc ti vo'oxuc une, laj stsoboxuc ti Diose. Laj sloq'uesoxuc ti bu co'ol s'elan yunijesel taq'uin horno ti ja' sc'oplal ti Egiptoe. C'ot ta pasel ti xi ac'oplalic yu'un avi tana li' une: jteclum ti ja' yu'une.

Deuteronomio 5:2

“Yu'un ti Ajvalil Dios cu'untique laj spas trate ta jtojoltic ta stselej vits yu'un ti Horebe.

Deuteronomio 7:6

Yu'un ti vo'oxuque, ja' jun lum ti ch'acbiloxuc ti tsots ac'oplalic c'otemoxuc yu'un ti Ajvalil Dios avu'unique. Yu'un ti ta scotol ti lumetic ti oy ta banomile, laj st'ujoxuc loq'uel ti Diose yo' jech ta xc'otic ta steclumal stuc.

Deuteronomio 9:29

Ja'uc ti stuquic une, ja' alumal, ja' avu'untac, laj aloq'ues talel ta Egipto ta sventa ti la laman talel ti amuc'ul atsatsaele.’

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 11:8

Ti jech c'otem ta yo'nton ta xch'unel ti Abrahame, ti c'alal tae ta iq'uel yu'un ti Diose, laj xch'un, loc' batel yo' ta xbat ta banomil ti bu ta x'ac'bat ti xrexto yu'un ti Diose. Laj yicta comel ti yosil sbanomile c'alal mi ja'uc sna' ti bu ta xbate.

Hebreos 8:9

Ti trate ta jpas ta stojolique mu xa jechuc jech c'u cha'al laj jpas ta stojol ti smolmuc'totique, ti c'alal laj jnitbe loq'uel talel sc'obic ta Egipto banomile. Yu'un laj jip laj jtenic comel ta scoj ti mu'yuc xc'ot ta pasel yu'un ti jba'yel tratee.

Josué 24:24

Xi tac'bat yu'un ti jteclume: —Ta jbel sc'oplal ta xcac' jbacutic ta tunel yu'un ti Ajvalil Dios cu'untique. Ta jch'uncutic ta spasel scotol ti c'usi ta xiyalbuncutique.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

1 Samuel 15:22

Va'i un, ti Samuele xi laj yale: “Ja' jun yutsil ta xil ti Dios ti ta xch'unbat ti c'usi ta xale, ja' mu sta sc'oplal ta x'ac'bat ti milbil chic'bil matanale. X'ech' xjelav sc'oplal ti xch'unbate, ti ts'etel lec chiquinal ta xich' a'yibele, peq'uel sc'oplal ta xc'ot ti milbil matanale xchi'uc ti xepu'al chij ti ta xich' ac'bele.