Éxodo 19:3 - Bible in Tzotzil de Chamula

³ Ti bu taj une, muy batel ti Moisese yo' ta snup sbaic ta be xchi'uc ti Diose. Va'i un, ti Diose ta jol vits to ti xi laj yalbe talele: —Ti c'u s'elan jaybel c'opetic li'e, ja' no'ox jech xi xcholet xavet'es jelavel ta stojol ti israeletic ti ja' snitilultac ti Jacobe:

Bible in Tzotzil de Chenalhó with Deuterocanon

³ Li Moisese imuy batel yo' bu oy li Dios te ta vits Sinaie. Te ic'opanat yalel tal yu'un li Muc'ul Diose. Jech i'albat: —Jech xavalbe ya'yic scotol li smomnich'nabtac Jacobe, ja' li israeletique:

Éxodo 19:3 Iomraidhean Croise

Éxodo 19:20

Ti Diose c'ot ti bu xa c'alal slajeb toyol ti jol vits Sinaie. Albat ti Moisese ti ac'o muyuc batel ti bu oye. Jech ti Moisese muy batel.

Éxodo 20:21

C'alal nom va'alic ti israeletique, jech ti Moisese nopaj batel ti bu oy ti pimil toc ti ja' tey oy ti Diose.

Éxodo 24:12

Va'i un, ti Moisese xi albat yu'un ti Diose: —Muyan batel ta vits ti bu oyune. Tey xamalaun, yu'un ta xcac'bot jpech cha'pechuc ton, ti bu laj jts'iba ti oy c'usi tsots sc'oplal albile, xchi'uc ti jmantaltaque yo' jech ta xachanubtas ti israeletique.

Éxodo 24:13

Jech ti Moisese, xchi'uc ti Josué ti ja' yajcoltaobbae, muyic batel ta vits yu'un ti Diose.

Éxodo 3:12

Ti Diose xi laj staq'ue: —Ta jchi'inot, yu'un xi s'elan svinajeb ti vu'un ta jtacot batele: Ja' yu'un un, acotolic ta xtal avich'icun ta muc' li' ta ch'ul vits c'alal mi laj xa aloq'ues talel ta Egipto ti calab jnich'nabe.

Éxodo 3:4

C'alal laj yil Dios ta xnopaj batel ti Moisés ta sq'uelele, xi biiltasat talel bu oy ti ch'ixe: —¡Moisés! ¡Moisés! —¿C'usi ta xaval? —xi laj stac' ti Moisese.

Éxodo 34:2

Chapano aba xtoc sob oc'om yo' jech ta xamuy batel ta vits Sinaí, ti ta xc'ot ava'an aba ta jtojol ti bu xa slajeb toyol ti vitse.

Éxodo 34:4

Jech ti Moisese laj yan ta meltsanel ti chib pech-pech tone, co'ol jech c'u cha'al ti ta ba'yele. Ta yoc'omal un, sob xa ta jmec, laj yich' batel ti cha'pech tone, muy batel ta vits Sinaí jech c'u cha'al albat yu'un ti Diose.

Levítico 1:1

Ti ta Axibalna ti bu nupel ta bee, xi albat ti Moisés yu'un ti Dios ti c'alal c'oponat talele:

Hechos 7:38

Ja' ono'ox ti Moisés taje laj svol ti jchi'iltic ta xocol banomile, ti c'opanat talel yu'un ti ánjel ta jol vits Sinaie, ti buch'u ac'bat sbain ta yalel ti c'op sventa cuxlejale, ti laj yet'esbotic talel ec une.