Éxodo 19:21 - Bible in Tzotzil de Chamula

²¹ Va'i un, xi albat yu'un ti Diose: —Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep.

Bible in Tzotzil de Chenalhó with Deuterocanon

²¹ Jech laj yalbe: —Yalan batel; bat albo ya'yic achi'iltac ti mu me xjelovic tal ti bu oy senyail sventa chtal sq'uelicune, yu'un naca me toj ep ichamic.

Éxodo 19:21 Iomraidhean Croise

Éxodo 3:3

Ja' yu'un un, xi laj snope: “¿C'u cha'al le'e? Mu'yuc bu xquil o jech. Chba jq'uel c'u cha'al ti mu xc'ac' ti ch'ix te'e.”

Éxodo 3:5

Va'i un, ti Diose xi laj yale: —Mu xanopaj talel. Loc'o ti axonobe, yu'un ti bu oyote c'otem ta cuxul banomil.

Éxodo 33:20

Jamal ta xcalbot ava'i, ti mu xu' ta xaq'uelbun ti jsate. Yu'un mu'yuc buch'u cuxul ta xcom junuc vinic ti buch'u ta xilbun ti jsate.

Eclesiastés 5:1

C'alal ta xabat ta xch'ulna ti Diose, xi s'elan sc'an xatuc'ulan abae: mu xavac' ti milbil matanal jech c'u cha'al ta spasic ti jnaclejetic ti mu xa'i sbaic ta spasel ti c'usi chopole. Ja' lec sjunuluc avo'nton, nopajan ech'el ta yich'el ta muc' ti Diose.

Números 4:15

C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:18

“Mu xavac' ave ati' ti ta xtub sts'unubalic jujuchop snitilultac ti Coat ta stojol ti levitaetique.

Números 4:19

Yo' jech mu sta svocolic ta xchamic ta scoj ti ta spiquic ti c'usitic ac'bil xa jelavel ta ventainele, tsots sc'oplal ti xi s'elane: Ti Aarón xchi'uc ti xnich'nabe, ja' ta sbainic ta yalbel ta jujun tal ti c'usi spasique, xchi'uc ti c'usitic ta xich'ic batele.

Números 4:20

Ja' yu'un un, mi sbalin to xa'i sbaique, mi ja'uc xu' x'ochic ta sq'uelelic ti c'usitic ac'bil xa jelavel ta ventainele.”

Deuteronomio 5:5

Yu'un vu'un lic'ot ta j'et'esej-c'op yu'un ti Dios ta atojolique yo' jech ta xcalboxuc ava'iic ti sc'ope. Ti vo'oxuc une ochemoxuc xa ta xi'el yu'un ti leb c'oq'ue. Mi ja'uc lamuyic ech'el ta stselej vits. Va'i un, xi laj yal ti Dios une:

1 Samuel 6:19

Ja'uc ti jnaclejetic ta Bet-semese, ti buch'utic xvechetic ta sq'uelel ti c'usitic tiq'uil ta yut caxae, oy jlom tubbat sc'oplalic yu'un ti Diose. Yu'un chamic lajuneb xchanvinic (70) ta vo' viniquetic. Lic oq'uicuc ti jteclum ta scoj ti c'ot ta stojolic yu'un Dios ti ep cham ti xchi'ilique.