Éxodo 19:18 - Bible in Tzotzil de Chamula

¹⁸ Va'i un, sjunul vits Sinaí xtomet no'ox liquel ta xloc' xch'ailal ta sventa ti yal talel ti Dios ta c'oq'ue. Ti xch'ailale, co'ol s'elan xch'ailal jorno ti xtomet ta xmuy batele. Ja' jech xtoc xnicnun sbejel ti vits ta j'ech'ele.

Bible in Tzotzil de Chenalhó with Deuterocanon

¹⁸ Li vitse iloc' ep xch'ayilal yu'un iyal tal ta c'oc' li Muc'ul Diose. Li xch'ayilale xco'laj xchi'uc xch'ayilal tocalte'. Li vitse tsots inic.

Éxodo 19:18 Iomraidhean Croise

Génesis 11:5

Jech ti Diose yal talel sq'uel ti jteclume xchi'uc ti natil luchlebal yacal ta smeltsanic ti jnaclejetique.

Génesis 15:17

C'alal ic'ub xa ox ti osile, ic' ta j'ech'el ti banomile, laj yac' sba iluc jun jorno xtomet no'ox ti xch'ailale, xchi'uc jch'ob tiletel toj xloquet no'ox ta x'ech' ta sba bu oy ti jechbiquil chon bolometique.

Génesis 19:28

Laj sq'uel batel ta stuq'uil bu oy ti jteclum Sodomae, xchi'uc ti jteclum Gomorrae, xchi'uc scotol ti stenlejaltique. Laj yil ti xtomet no'ox ta xmuy batel xch'ailal ti co'ol s'elan xch'ailal jun jornoe.

Nehemías 9:13

“Ta ts'acal to un, layal talel ta vits Sinaí, ta toyol to ta vinajel lac'opoj talel ta stojolic ti laj avac'be sna' ti c'usitic nopbil avu'un ti oy stuq'uile, ti chanubtasel ti ja' melele, xchi'uc ti oy c'usi jbel tsots albile, xchi'uc ti lequil mantaletique.

Salmos 104:32

Xnicnun no'ox ti banomil c'alal ta xq'uele yu'une; xtomet no'ox liquel xch'ailal ti vitsetic c'alal ta sta ta tijele.

Salmos 114:4

Ti muc'tiquil vits xchi'uc ti stselejaltique, xbitic no'ox liquel jech c'u cha'al ti chijetique, ti mimi'etique.

Salmos 114:7

Banomil, nican ta xi'el ta sba ta sat ti Dios yu'un ti Jacobe.

Salmos 144:5

Cajval, jamo talel smac ti vinajeletique, yalan talel un, ac'o avoc ac'ob ti tometuc no'ox liquel xch'ailal ti vitsetique.

Salmos 18:9

Laj sjambe smac sti' ti vinajele, yal talel un. Ta yolon ti yoque, oy pimil lumal toc ta j'ech'el.

Salmos 68:9

Ch'ul Dios, yepal no'ox laj avac' ti vo'e, yo' ta xcha'ich' yip ti taquin banomil avu'une.

Salmos 77:18

Xvinaj to ta muc' ta sutub ic' xc'avlajet no'ox avu'un ti chauque; sac jaman no'ox ta sac tsel c'ot avu'un ti banomile, c'uy ta niquel ti banomil une.

Salmos 77:19

Laj ajam ech'el abe ta nab un; yepal no'ox vo' laxani ech'el, le' une, mu'yuc buch'u laj sta ta tunel ti yav avoque.

Éxodo 19:13

Ti jech taje, mu'yuc me buch'u xu' xc'ot yoc sc'ob tey. Yan ti mi mu xch'une, ta xich' milel ta ton, mi ta yolob. Mu'yuc sc'oplal mi ja' jun vinic, mi ja' jcot chon bolom, laj to sc'oplal ma' ti ta xcole. Ja' no'ox xu' ta xmuyic batel ta vits ti jteclum mi ta xa'iic ti ta xich' oq'uesanel ti xulub chije.

Éxodo 19:17

Ja' yu'un un, ti Moisese laj yic' loq'uel ti israeletic ti bu vololique yo' jech chba snupic ta be ti Diose, ti ubul c'otic ta yoc ti vitse.

Éxodo 20:18

Ja' rexticoetic scotol ti israeletic ti laj yilic ti xc'avlajet ti chauque, ti xjaplajet ti sac tsele, ti xvochet yech'omal ti oq'uesetique, ti xtomet no'ox xch'ailal ti vitse. Nom va'ajtic ta scoj ti xi'ele.

Éxodo 24:17

Ti yutsilal slequilal ti Diose, laj yac' sba iluc ta sba ta sat ti israeletique jech c'u cha'al junuc c'oc' ti ta xchic'van ti c'ot ta toyol vitse.

Éxodo 3:2

Ti bu taje, laj yac' sba iluc jun yaj'ánjel ti Dios ta jpets ch'ix te' ti volol ta o'lol leb c'oc' yilele. Jech ti Moisese laj stuc'ulan lec. Laj yil ti natic no'ox sleb c'oc' ta xtil ta ch'ix te'e. Ja' no'ox un, mu'yuc ta xc'ac'.

Éxodo 34:2

Chapano aba xtoc sob oc'om yo' jech ta xamuy batel ta vits Sinaí, ti ta xc'ot ava'an aba ta jtojol ti bu xa slajeb toyol ti vitse.

Isaías 6:4

C'alal jech tsots ti sc'opojele, nic sti'tac ti ch'ulnae. Noj com ta ch'ail ti ch'ulnae.

Isaías 64:1

Oyuc la ta alel xach'ac ta jamel ti vinajel ti ta xayal talele, ti nicnunuc no'ox avu'un ti vitsetic ta atojole,

Jeremías 4:24

Laj quil ti xnicnun no'ox ta j'ech'el ti muc'tic vitsetique, ti xc'uyc'un no'ox ta j'ech'el scotol ti bic'tal vitsetique.

Habacuc 3:6

Xnicnun no'ox yu'un ti banomil ti c'alal ta sva'an sbae. C'alal ta xilic ti muc'tiquil lumetique, ta xniquic yu'un. Chlaj lomuc yalel yu'un ti vitsetic ti mu'yuc sc'oplal ta xtube; chlaj jinuc yalel ti stselejaltic ti c'alal mu'yuc sc'oplal ta xtube, ja'uc ti c'usi snopoj ta spas ti Diose, sbatel osil mu xtub.

Zacarías 14:5

Ti bu taje ta xajatavic batel ta stenlejal yu'un ti vitse, ti ta xc'ot c'alal to ti bu sbiinoj Asal ti xi oy ta jot xchiquine. Xabitetic no'ox ta jatobal jech c'u cha'al jatavic ti amolmuc'totic ta vo'ne ta scoj ti ech' ti niquel ti c'alal ja' o yorail ochem ta ajvalilal yu'un jteclum Judá ti Uziase. Ti jech taj une, ja' o ta xvul ta loq'uel ti Ajvalil Dios cu'une ti chi'inbil talel yu'un ti yajtuneltaque.

San Mateo 24:7

Ti jun muc' ta lume ta xlic scontrain sbaic xchi'uc yan muc' ta lum. Ti jun ajvalile ta xlic scontra sbaic xchi'uc ti yan ajvalile. Ta xtal vi'nal. Ta xtal chamel. Buyuc no'ox oy ti niquele.

Deuteronomio 33:2

ti xi xcholet lic yale: “Lic talel ta vits Sinaí ti Diose; yu'un ta Seir to, sac jaman no'ox talel ti jbetic yu'une. Yu'un xojobin no'ox vulel ta vits Parán, ti sac jaman no'ox ech'el yu'un c'alal ta Mariba-cadés, ti xtuchoj talel ta sbats'i c'ob ti co'ol s'elan junuc c'oc' sc'oplal ti oy jbel c'usi albil yu'une.

Deuteronomio 4:36

Yu'un ta vinajel to, laj sc'oponoxuc talel yo' jech ta xastojobtasoxuc. Ja'uc ti li' ta banomile, laj yac' avilic ti muc'ul c'oc' yu'une. Laj ava'ibeic ti c'opoj talel ta o'lol leb c'oq'ue.

Deuteronomio 5:22

“C'alal tsoboloxuc acotolic ta yoc ti vitse, ja' jech s'elan tsots lic c'opojuc ti Dios ti vinaj talel ta o'lol leb c'oq'ue xchi'uc ti volibil ta jun lumal ic'al toque. Ts'acal un, mi ja'uc oy xa c'usi laj yal, c'ajomal laj sts'iba talel ti c'opetic ta chib pech-pech tone. Laj yac'bun talel.

Deuteronomio 5:4

Yu'un ti Diose, aq'ueloj ta aba ta asatic ti c'alal laj sc'oponoxuc talel ta o'lol leb c'oc' ta stselej vitse.

2 Tesalonicenses 1:7

Ti yacaloxuc ta vocol avi tana li'e, oy bu ta xc'ot sc'ac'alil ta xac' acux avo'ntonic xchi'uc ti vu'uncutique. Taje, ja' to mi sta sc'ac'alil ta xcha'sut talel ti Cajvaltique, xchi'uc ti yaj'ánjeltac ti jelavem xu' yu'unic ti ta xvinaj ta vinajel ti volibil ta leb c'oc' ta xyal talele.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

Hebreos 12:18

Ti vo'oxuque mu jechuc lanopajic talel jech c'u cha'al ti israeletic nopajic batel ta vits ti bu ta xtil ti c'oq'ue, ti bu ic'uneb ti osil ta j'ech'ele, ti bu xjumet ti iq'ue, ti bu xc'avlajet ti chauque.

Hebreos 12:26

C'alal c'opoj ti Dios ta vo'nee, inic yu'un ti banomile. Ja'uc avi tana li'e, xi ta xale: “Yan to velta ta jniques scotol. Ma'uc no'ox ta jniques ti banomile, ta jniques xtoc ti vinajele.”

2 Pedro 3:10

Ja'uc ti sc'ac'alil ta xtal ti Cajvaltique, mu na'baj, ja' to xava'ie, li' xa ono'ox oy jech c'u cha'al junuc j'elec' ti ta xtal ta ac'ubaltique. Va'i un, ti vinajele, xvo'o'et no'ox ta xac' xi'el ta sac ch'ay batel. Ta xlaj ta c'oc' scotol ti c'usitic oy ta stojole. Jech ec ti banomile xchi'uc scotol ti c'usitic oy ta stojole, j'ech'el ta xlaj stsuts sc'oplal ta c'oc'.

Apocalipsis 15:8

Ti ta ch'ulnae, noj ta ch'ail ti lic talel ta sventa yutsilal smuc'ul stsatsal ti Diose. Mu'yuc buch'u ta x'och batel, mi junuc mi mu'yuc to ech' ti vuctos cuxul j'ilbajinvanej vocol ti yich'ojic batel ti vucub anjele.

Apocalipsis 9:2

Laj sjambe sti' ti xa'ab ti mu'yuc spajeb snatile. Mu no'ox albajuc xtomet loc' talel xch'ailal ti co'ol s'elan xch'ailal jun muc' ta jornoe. Xch'ayilal ti xa'abe, laj quil ti laj smacbe sat ti c'ac'ale, ic' cuntaj ti banomile.

Jueces 5:5

Ti vo'ote, Ajvalil, Dios yu'un ti Israele, nic avu'un ti vitsetique, c'uy avu'un ti Sinaie.