Éxodo 19:13 - Bible in Tzotzil de Chamula

¹³ Ti jech taje, mu'yuc me buch'u xu' xc'ot yoc sc'ob tey. Yan ti mi mu xch'une, ta xich' milel ta ton, mi ta yolob. Mu'yuc sc'oplal mi ja' jun vinic, mi ja' jcot chon bolom, laj to sc'oplal ma' ti ta xcole. Ja' no'ox xu' ta xmuyic batel ta vits ti jteclum mi ta xa'iic ti ta xich' oq'uesanel ti xulub chije.

Bible in Tzotzil de Chenalhó with Deuterocanon

¹³ Pero mu me boch'o xac' sc'ob avu'unic. Ja' tsc'an ta ton, o me ta flecha ta xich' milel. Ac'o me cristiano, o me ats'unub avovolic te chbat, persa ta xich' milel. Ja' to xu' chmuyic tal ta vits me laj ya'yic laj yich' jupanel cachue —x'utat li Moisese.

Éxodo 19:13 Iomraidhean Croise

Éxodo 19:14

Va'i un, ti Moisese sut yalel tal ti ta vitse, tal xchapan ti israeletique yo' jech ta spasbeic yich'el ta muc' ti Diose. Jech ti israeletique laj xchuc' ti sc'u'ique.

Éxodo 19:16

Va'i un, ta sacubel osil ta yoxibal (3) c'ac'ale, xc'avlajet no'ox liquel ti chauque. Xjaplajet no'ox liquel ti sac tsele. Volol vul jun ic'al lumal toc ta sjol ti vitse. Tsots xvochet xa liquel ti oq'uesetique, ti xniquic xa liquel ta xi'el scotol ti c'u yepal tey vololique.

Éxodo 19:17

Ja' yu'un un, ti Moisese laj yic' loq'uel ti israeletic ti bu vololique yo' jech chba snupic ta be ti Diose, ti ubul c'otic ta yoc ti vitse.

Éxodo 19:19

Yantic stsatsaj talel yech'omal ti oq'uesetique. Jech ti Moisese ta xc'opoj. Ja' no'ox ti co'ol s'elan chauc yech'omal ta xtac'bat talel yu'un ti Diose.

Éxodo 34:3

Mi ja'uc oy buch'u xachi'in muyel. Mi ja'uc xtoc ti oy buch'u xvul ta loq'uel li' ta sjunul ti vitse. Mi ja'uc xu' xlamet xtal ve'uc ti chijetique, ti vacaxetic ta yoc ti vitse.

1 Corintios 15:52

ta jliquel no'ox co'ol s'elan jech c'u cha'al ta jviq'uel ta jmuts'el jsatic c'alal yorail slajeb ta xich' oq'uisanel ti oq'uese. C'alal ta x'oc' ti oq'uese, ta xich' cha'cuxesel ti animaetique yo' jech mu xa xchamic. Ti vo'otique ta xijoybijotic ta ach'.

1 Tesalonicenses 4:16

Yu'un ba'yel ta xvinaj oy Buch'u tsots x'avet ta spas mantal, ta xvinaj sc'oplal ti ánjele, ta xvinaj ta x'oc' yoq'ues ti Diose, ja' o ta xyal talel ta vinajel ti Cajvaltic une. Ti buch'utic c'otem ta yo'ntonic ti Cajvaltic c'alal cham lajique, ja' ba'yel ta xcha'cuxiic.

Hebreos 12:20

Yu'un mu xcuch sts'ic yu'unic ti mantal ti xi ta x'albatique: “Ti buch'u ta xbat va'luc ta yoc vitse, ta xich' milel ta ton, mi ta lanza, ac'o mi jcotuc chon bolom.”

Jueces 20:37

Ti viniquetic taje, ch'ayal yo'ntonic c'ot stsaquic ta leto ti Gabaae, ti laj smilic ta espada scotol ti jnaclejetic ta jteclume.