Éxodo 19:12 - Bible in Tzotzil de Chamula

¹² Va'i un, ac'bo senyail ta sjoylej ti vitse yo' jech mu xjelavic batel. Albo ya'iic ti tsots me sc'oplal ti xi'bil ac'o c'otuc yu'unic ti vitse, ti mu xmuyic batele, ti mu xjelavic batel ti bu c'alal ac'bil ta joyob ti senyaile. Yu'un scotol ti buch'u ta xnopaj batele, chapal sc'oplal ta xlaj ta milel.

Bible in Tzotzil de Chenalhó with Deuterocanon

¹² Ac'bo senyail ti bu no'ox c'alal xu' tset sbaic ta sjoyobal li vitse yu'un jech mu xjelovic tal. Albo ya'yic noxtoc ti mu me xmuyic tal li' ta vitse, xchi'uc ti mu me xjelovic tal ti bu senyaile. Li boch'o ta xjelov tale milic.

Éxodo 19:12 Iomraidhean Croise

Éxodo 10:28

Ma'uc no'ox taje, yu'un ti faraone xi lic yalbe ti Moisese: —Loc'an batel li'e. Mi latal yan velta ta jtojole, q'uelo aba. Yu'un c'usiuc no'ox ora mi latale, ta xacham.

Éxodo 19:21

Va'i un, xi albat yu'un ti Diose: —Yalan batel, bijubtaso ti israeletic ti mu me xjelavic talel ti bu c'alal albil sc'oplale. Mi ja'uc stac' ta sq'uelicun, naca mi chamicuc ep.

Éxodo 19:23

Ja' yu'un un, ti Moisese xi laj stac'be ti Diose: —Ti israeletique mu teyuc sq'ueloj sbaic ta xmuyic talel li' ta vits Sinaie. Yu'un laj aval mantal ti bu c'alal xu' ta xpajique. Yu'un laj yich' alel ti ja' ch'ul vitse.

Éxodo 24:2

Yu'un ja' no'ox vo'ot xu' xanopaj talel ta jtojol. Ja'uc ti yane tsots sc'oplal ti mu me xnopajic talele. Mi ja'uc xtoc ti oy yan achi'iltac xachi'in muyel talele.

Éxodo 34:12

“Mu me xaco'oltas ajolic ta spasel mi junuc trate xchi'uc ti yajval lumetic ti nacalic ta banomil ti bu ta xcac' ochanic batele, yo' jech mu xa syac'oxuc ta spets'ique.

Éxodo 34:3

Mi ja'uc oy buch'u xachi'in muyel. Mi ja'uc xtoc ti oy buch'u xvul ta loq'uel li' ta sjunul ti vitse. Mi ja'uc xu' xlamet xtal ve'uc ti chijetique, ti vacaxetic ta yoc ti vitse.

Deuteronomio 2:4

Xi s'elan xavalbe ya'iic mantal ti jteclume: Ta xa'ech'ic ta yosilic snitilultac ti Esaú ti nacalic ta Seire, ti ja' avuts' avalalic xtoque. Ti stuquique batem xch'ulelic ta xi'el avu'unic. Ac'o mi jech un, bijanic me un.

Deuteronomio 4:9

Ja' yu'un un, bijanic ti mu xch'ay ta avo'ntonic ti c'usitic laj avilic ti c'ot ta pasele, ti mi ja'uc ta j'ech'el ta xaten ta apat ta axoconique. Ja'uc le'e, albeic ya'iic smelol ti anich'nabique xchi'uc ti amamubtaquique.

Hebreos 12:18

Ti vo'oxuque mu jechuc lanopajic talel jech c'u cha'al ti israeletic nopajic batel ta vits ti bu ta xtil ti c'oq'ue, ti bu ic'uneb ti osil ta j'ech'ele, ti bu xjumet ti iq'ue, ti bu xc'avlajet ti chauque.

Josué 3:4

Ja' to jech ta xana'ic ti bu sc'an ta xatamic batele. Yu'un mi ja'uc oy buch'u junuc xanavem avu'unic ta be li'e. Ja' no'ox un, mu me loq'ueluc xanopajic ech'el ta sts'el ti caxae, ti nom nom no'ox xa ts'acliic ech'el ti nopoluc lajuneb cien (1,000) metro xavilic ech'ele.”