Éxodo 19:10 - Bible in Tzotzil de Chamula

¹⁰ Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Bible in Tzotzil de Chenalhó with Deuterocanon

¹⁰ Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Éxodo 19:10 Iomraidhean Croise

Génesis 35:2

Va'i un, ti Jacobe xi laj yalbe ya'i ti c'u yepalic ta nacleje xchi'uc scotol ti c'u yepal oy ta stojole: —Loq'uesic scotol ti jnabel diosetic ti c'u yepal oy avu'unique. Atinanic, jeltao lec ac'u'ic.

2 Samuel 19:24

Ja' jech xtoc bat snup ta be ti Mefi-bosete, xnich'on ti Saule. Ti sc'ac'alil ti c'alal loc' ech'el ti ajvalile, ti c'alal lec sut ech'ele, mu'yuc c'usi laj spas. Mi ja'uc oy bu spocoj ti yacane. Mi ja'uc oy bu xch'uloj ti yisime. Mi ja'uc oy bu xchuc'oj sc'u' ti Mefi-bosete.

2 Crónicas 29:34

Ja'uc le' une, mu'yuc epic ti paleetique, mu xa jay loq'ueluc c'usi xut sbaic ta xcho'el ti chon bolometic sventa ta xich' chiq'uele. Coltaatic yu'un ti yan levitaetic ti svinquilel sbaic ta stsutsesel ti abtele. Lic smes stus sbaic ma' ti yan paleetic une. Ti levitaetique mu xch'ajeticuc laj smes stus sbaic, mu sta ti paleetique.

2 Crónicas 29:5

Xi lic yalbe ya'iic une: “A'yio ava'iic, levitaetic: Poco tuso abaic avi tana li'e. Mesic tusic xch'ulna ti Ajvalil Dios yu'unic ti amolmuc'totic ta vo'nee. Loq'uesic talel ta ch'ulna scotol ti albil sc'oplal mu xtune.

Job 1:5

C'alal ta stsuts ti ve'el uch'ubajel c'u sjalile, ta stsob xnich'nab ti Jobe. Sob xa ta xlic ta sva'an sba ta yaq'uel chic'bil matanal ta sventa ti jujunic yo' ta smese stuseic yu'un ti smulique. Jech stalel ta spas ti Jobe, ti ta snopilan ti oy bu xu' laj sta smul ti xnich'nab ta scoj ti mi oy bu ta yut yo'ntonic laj sbisic ta cotol chaval ti Diose.

Levítico 11:25

“Buch'uuc no'ox ta xchech loq'uel jtosuc ti chamem chonetic taje, ac'o xchuc' ti sc'u'e, yu'un ta smalil to c'ac'al ta xlaj yip ti staoj svocol ta soquesel sba xchi'uque.

Levítico 15:5

“Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Números 11:18

Ja' yu'un un, albo mantal ti jteclume ti ac'o stus smes sbaique. Yu'un ti oc'ome, ta sti'ic ti beq'uete. Yu'un laj xa ca'i ti xi x'oc'lajet ta xalique: ‘¡Toj lec ti oyuc ti beq'uet jti'tique! ¡Ja' to ox toj lec oyotic ti c'alal oyotic ta Egiptoe!’ Lec oy, ta xcac'be ti beq'uete yo' ta sti'ic.

Números 19:19

Jech ti vinic ti smesoj stusoj sbae, ta yoxibal c'ac'al, xchi'uc ta yucubal c'ac'al, ta svits'ulta ta vo' ti buch'u mu'yuc mesbil tusbile. Va'i un, ti ta yucubal c'ac'al une, ta sta ti mesbil tusbil ta xc'ote. Jech ti buch'u xcuchoj ti sbolile, ta xchuc' sc'u', ta x'atin lec ta vo', ac'o mi ta smalil to c'ac'al ta xlaj yip ti xcuchoj ti sbolile.

Números 31:23

ti xcaltique, ja' scotol ti c'usiuc no'ox xcuch yu'un ti c'oq'ue, tsots sc'oplal ta xich' tiq'uel ochel ta c'oc' yo' ta stam stuq'uil, xchi'uc ta xich' poquel ta jtunel vo'. Ja'uc ti bu mu xcuch yu'un ti c'oq'ue, ja' no'ox ta xich' poquel ta jtunel vo'.

Números 31:24

Ta yucubal c'ac'al un, ta xachuc' lec ac'u'ic. Yu'un ja' to jech mesbil tusbil ta xac'otic. Ts'acal to un, xu' xa'ochic batel ti bu lamaloxuc ta nacleje.

Números 8:21

Va'i un, ti levitaetic une laj yich'ic mesel tusel. Laj xchuc' sc'u'ic. Jech ti Aarone laj sva'an laj yac' jelavel jech c'u cha'al junuc lequil matanal ta stojol ti Diose ti c'alal sye'ilan xa ti sc'ob ti ja' sc'oplal yu'un ti mesel tusele.

Números 8:7

Ti smelol ti mesel tusele, xi s'elan jech c'u cha'al li'e: Ta xavijbe ti jmesvanej jtusvanej vo'e. Ts'acal to un, ta xch'ul sbaic lec sjunul. Ta xchuc' sc'u'ic. Va'i un, mesbil tusbil ta xc'otic.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Josué 3:5

Ti Josuee xi laj yale: “Ac'o abaic ta mesel tusel. Yu'un ti oc'ome, ta xavil ta aba ta asatic ti ch'ayal ta xc'ot avo'ntonic yu'un ti c'usi ta spas ti Diose.”

Josué 7:13

Lican, va'lan, tsobo ta sc'oponel ti jteclume. Albo ya'iic ti ac'o xchapan sbaic ti taluc sva'an sbaic ta jtojol ti oc'ome. Yu'un xichi ta xcalbe ya'iic ti vu'un Ajvalil Diosun yu'un ti israeletique: ‘Ti vo'ote, Israel, laj atam ti c'usi albil sc'oplal ti ta xich' lilinel ta j'ech'ele. Ti mi jech mu xaten loq'uel ta atojole, mi mu xaliline, mu xu' avu'unic xatsac ta c'op ti avajcontrae.’

Apocalipsis 22:14

Yan yutsil ti buch'utic laj yaq'uic ta chuq'uel ti sc'u'ique yo' xu' ta slo' ti sat te' ta xac' ti cuxlejale, yo' ta x'ochic batel ta sti'tac ti jteclume.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.

1 Samuel 16:5

—Ja' jech —xi laj stac' ti Samuele—. Yu'un tal cac'be milbil matanal ti Diose. Poco tuso abaic, ba chi'inicun ta yaq'uel ti milbil matanale. Ts'acal to un, ti Samuele lic spoc stus ti Isaí xchi'uc ti xnich'nabe. Laj yic' batel ta yaq'uel ti milbil matanale.