Éxodo 18:9 - Bible in Tzotzil de Chamula

⁹ Jech ti Jetroe xmuyubaj xa ti laj ya'i ti ep laj yac' ta ilel xc'uxul yo'nton ti Dios ta stojol ti israeletic ti laj spoj loq'uel ta yoc ta sc'ob ti egipcioetique.

Bible in Tzotzil de Chenalhó with Deuterocanon

⁹ Li Jetroe toj xcuxet no'ox yo'nton c'alal laj ya'ay ti toj ep laj yac' ta ilel slequil yo'nton Muc'ul Dios ta stojol li israeletique; ja' ti la scolta loq'uel tal ta sc'ob li egiptoetique.

Éxodo 18:9 Iomraidhean Croise

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

Isaías 44:23

Jech ec, ch'ul vinajel, avanan ta muyubajel ta sventa ti oy c'usi laj spas ti Diose. Natiquil ch'enetic ti oyoxuc ta banomile, bal to xca'itic ma' le' une, chianic. Vitsetic, abnaletic xchi'uc scotol ti te'etic avu'une, avananic ta muyubajel ti bu xa c'alal xac' ti yipal avu'unique. Yu'un ti Diose laj xa yac' ta q'uelel ti yutsilal slequilale. C'ot xa ta pojel yu'un ti Israel steclumal ti Jacobe.

Isaías 63:7

Ta jc'an ta xcalbe sc'oplal syail xc'uxul yo'nton ti Diose, ta sq'uejintael lametel q'uejimol ta sventa scotol ti c'usi laj xa spas ta jtojoltique, ta sventa ti mu albajuc yutsilal yo'nton ta stojol yalab xnich'nab ti Israele, ta sventa ti oy c'usi laj spas ta yutsil slequilale, ta sventa xtoc ti mu albajuc ti syail xc'uxul yo'ntone.

Isaías 66:10

“Muyubajanic xchi'uc ti Jerusalene. Mu'yucuc c'usi xana'ic xchi'uc scotol ti buch'utic mu tenbaj tuch'baj ta yo'nton ta xa'iique. Volo abaic ta muyubajel xchi'uc scotol ti buch'utic oq'uic ta sventae.

Romanos 12:10

Lecuc xavil abaic ta jujun tal ta sventa ti co'ol achi'il abaique. Co'oluc xavil abaic. Ich'o abaic ta muc' ta jujun tal.

Romanos 12:15

Muyubajanic xchi'uc ti buch'u xmuyubajique. Jmoj oc'anic xchi'uc ti buch'u ta x'oc' x'avanique.

1 Corintios 12:26

Mi oy bu jtos ta xich' svocol ti jbec'taltique, jech ti yane ta xich' svocolic ec. Ja' jech xtoc mi oy bu jtos ich'bil ta muc' ti jbec'taltique, scotolic xmuyubajic xa.

1 Samuel 15:6

Va'i un, xi laj yalbe ti quenitaetique: —¡Pojo abaic! ¡Loc'anic ech'el ti jmoj capaloxuc xchi'uc ti amalecitaetique yo' jech mu jmojuc ta jtsutsesoxuc xchi'uquic! ¡Ti vo'oxuque mu'yuc c'usi chopol laj apasbeic ti israeletic ti c'alal loq'uic talel ta Egiptoe! Ti quenitaetique laj xch'ac sbaic loq'uel ta stojol ti amalecitaetique.