Éxodo 18:4 - Bible in Tzotzil de Chamula

⁴ Ti jun xtoque, laj yac'be sbi Eliezer, ja' ti xi ono'ox laj yale: “Ti Dios yu'un ti jtote tal ta jtojol, tal scoltaun. Yu'un laj spojun ta yoc ta sc'ob ti faraón ti sc'an ox ta smilun ya'i ta espadae.”

Bible in Tzotzil de Chenalhó with Deuterocanon

⁴ Li yane Eliezer sbi, yu'un jech laj yal: “Li Dios yu'un jtote ja' xchabiojun; ja' la scoltaun jech muc smilun li faraone”, xi.

Éxodo 18:4 Iomraidhean Croise

Génesis 49:25

Coliyal ti Dios yu'un atote, ti ja' ta scoltaote. Coliyal ti Dios scotol xu' yu'une, ta sva'an sba ta atojol. Ta xac'bot xch'ul lequilal ta xlic talel ta vinajel, ti xch'ul lequilal ta xlic talel ta nabe, ti xch'ul lequilal ta yepajesel ti avalab anich'nabe, xchi'uc ti chon bolometic avu'une.

1 Crónicas 23:15

Xnich'nabtac ti Moisese, ja' ti Gersone, xchi'uc ti Eliezere.

1 Crónicas 23:17

Ti Rehabiase, ja' sba xnich'on ti Eliezere. Mi ja'uc xa laj yil yan xnich'nab. Ja'uc ti Rehabiase laj yil ep xnich'nab.

Salmos 18:1

Ti vo'ote, Dios, jmuc'ul jtsatsalot ma' ti vo'ot une, mu xa jtuch'ot ta co'nton.

Salmos 18:48

C'otem ta jcoltavanej cu'un c'alal soquem sjolic ti jcontrataque, xchi'uc ti jtoyobbaetic laj syales yoc sc'obic ta jtojole. Ti vo'ot une, Dios, ta xapojun ta yoc ta sc'ob viniquetic ti buch'u xi'bilique.

Salmos 34:4

Laj jsa'ilan ta sc'oponel ti Dios une, laj stac'bun talel, ta jech yepal un, ch'ay ech'el ti xi'el ta xca'i une.

Salmos 46:1

Jnac'obbailtic, yip co'ntontic ma' ti Diose; jcoltavanej cu'untic c'alal yorail ti ilbajinele.

Éxodo 10:28

Ma'uc no'ox taje, yu'un ti faraone xi lic yalbe ti Moisese: —Loc'an batel li'e. Mi latal yan velta ta jtojole, q'uelo aba. Yu'un c'usiuc no'ox ora mi latale, ta xacham.

Éxodo 2:15

Ti jech laj spas taje, ya'binoj xa ti faraón ti laj smil jun egipcio ti Moisese. Laj yal mantal ti ac'o yich' sa'el yo' ta xich' milel ec. Ja' no'ox un, ti Moisese jatav loq'uel. Bat nacluc ta yosilal Madián. Ti bu taje, c'ot chotluc ta nopol joc'.

Éxodo 2:22

Ti antse laj yil jcot squerem. Ti Moisese laj yac'be sbi Gersón, yu'un xi laj yale: “Ti ta banomil li'e, jyanlumun.”

Éxodo 4:20

Jech ti Moisese laj scajan batel ta burro ti yajnile, ti xnich'nabe. Laj yic'anan batel c'alal sut batel ta Egipto. Stsacoj batel ti svaxton Diose.

Daniel 6:22

Ti Dios cu'une laj stacbun talel yaj'ánjel ti laj yalubtasbe ye ti leonetic yo' jech mu'yuc xisyayijesun jutebuque. Yu'un ti Diose yiloj ti mu jechuc ti jmule, ti mu'yuc c'usi chopol caloj ta stojol ti Jcuch abtele.”

Hechos 12:11

Va'i un, ti Pedro ja' to laj sna' lec ti melel ono'oxe, ti xi lic yale: —Avi tana une, ta xquil ta melel laj stac talel yaj'ánjel ti Diose yo' jech tal scoltaun loq'uel ta yoc ta sc'ob ti ajvalil Herodese xchi'uc ti c'usi snopoj ta spasbun ox ti israeletique.

Hechos 7:29

C'alal jech laj ya'i ti Moisese, jatav batel c'alal to yosilal Madián. Co'ol s'elan jyanlum naqui ti bu taje, ti laj yil cha'vo' xnich'nabe.

2 Timoteo 4:17

Yu'un ja' no'ox laj scoltaun laj yac'bun quip ti Cajvaltique yo' jech ic'ot ta pasel laj cal ti colebal ach' c'ope, yo' jech laj ya'iic scotolic ti jyanlumetique. Ja' yu'un un, ti Cajvaltique laj scoltaun loq'uel ta yoc ta sc'ob ti jti'oval leone.

Hebreos 11:34

Oy jlom mu'yuc xc'aq'uic ta c'oc' ti bu xlomlun ta xtil ta j'ech'ele. Cuch to yu'un spojel sbaic ti chapal sc'oplal ta xich'ic milel ta espadae. Ac'o mi oy jlom naca xa stamoj sba yilel, tsatsubic to ta stamel sbaic yo' jech laj stsalic ta ac'-leto ti scontraique.

Hebreos 13:6

Patetuc co'ntontic ti xi caltic un cha'e: “Mi ja'uc jtsiq'ues co'nton, yu'un ja' Cajcoltavanej ti Cajvale. ¿Mi oy la c'usi xu' chopol ta xispasbun ti vinique?”