Éxodo 18:12 - Bible in Tzotzil de Chamula

¹² Ti Jetroe laj stsac talel jcot chon bolom, ti ac'o yich' chiq'uel jmoj xchi'uc ti yan matanaletic ta sventa yich'el ta muc' ti Diose. Ts'acal to un, ti Aarone xchi'uc scotol ti moletic yu'un ti israeletique, jmoj batic ta ve'el xchi'uc smu'ni' ti Moisés ta sba ta sat ti Diose.

Bible in Tzotzil de Chenalhó with Deuterocanon

¹² Li Jetroe la xchic'be jcot smoton li Diose yu'un laj yich' ta muc', xchi'uc laj yac' yantic matanaletic. Li Aarón xchi'uc banquilaletic yu'un israeletique te italic; co'ol la xchi'inic ta ve'el ta stojol Dios li smuni' Moisese.

Éxodo 18:12 Iomraidhean Croise

Génesis 12:7

Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 26:25

Ja' yu'un un, ti Isaaque laj smeltsan jun altar. Laj sta ta na'el ti Diose. Com naquiuc ti bu taje. Jech ti smosovtaque lic sjoq'uic joc'.

Génesis 26:30

Va'i un, ti Isaaque lic spas jun muc' ta q'uin. Jech ti stuquique lic ve'icuc uch'ubajicuc.

Génesis 31:54

Ts'acal to un, ti Jacobe laj smil matanal ta vits. Laj yic' ta ve'el ti yuts' yalaltaque. Scotolic ve'ic, ech' yu'unic ti ac'ubal ta vitse.

Génesis 4:4

Ja' jech xtoc ti Abele laj yich' batel ta smoton Dios ti sba yol xchij ti lec t'ujome. Va'i un, ti Abele lec ilat yu'un ti Diose, lec ilat ti matanal laj yaq'ue.

Génesis 43:25

Jech ti stuquique lic xchapanic ti matanale. Laj smalaic ta xc'ot ti José ta o'lol c'ac'ale, yu'un laj ya'iic ti jmoj ta xve'ique.

Génesis 8:20

Ts'acal to un, ti Noee lic xchapan jun altar ta sventa yich'el ta muc' ti Diose. Laj stsac talel jujucot ta jujutos ti lequil chon bolometique xchi'uc ti mutetique. Laj xchic' ta matanal ta sventa yich'el ta muc' ti Diose.

2 Samuel 9:7

Xi laj yal ti Davide: —Mu xaxi', yu'un mu'yuc c'usi chopol ta jpasbot ta sventa ti mu ch'aybaj ta o'ntonal sc'oplal ti Jonatán ti ja' atote. Ta xcal mantal ti ac'o avich' sutesbel scotol yosil ti amuc'tot Saule, xchi'uc xata ti ta x'ech' ta ave ati' ti c'usi stac' tunel lajesel ta jmexae.

2 Crónicas 30:22

Ti Ezequías une laj smuq'uibtasbe yo'nton scotol ti levitaetique, ti laj yaq'uic ta ilel ti sjunul yo'ntonic ta xac' sbaic ta tunel yu'un ti Diose. C'alal chi'invan xa ta ve'el ti vucub (7) c'ac'al sjalil une, ti laj xa yac' matanal yu'un ti lajesobil o'ntonale, ti laj xa smuyubta ta yalbel slequil yutsilal ti Ajvalil Dios yu'unic ti smolmuc'totic ta vo'nee,

Job 1:5

C'alal ta stsuts ti ve'el uch'ubajel c'u sjalile, ta stsob xnich'nab ti Jobe. Sob xa ta xlic ta sva'an sba ta yaq'uel chic'bil matanal ta sventa ti jujunic yo' ta smese stuseic yu'un ti smulique. Jech stalel ta spas ti Jobe, ti ta snopilan ti oy bu xu' laj sta smul ti xnich'nab ta scoj ti mi oy bu ta yut yo'ntonic laj sbisic ta cotol chaval ti Diose.

Job 42:11

Va'i un, bat vu'lanatuc yu'un scotol ti xchi'iltac ta voq'uele, ta vinic, ta antsetic, xchi'uc ti buch'utic lec xil sbaic xchi'uque, xchi'uc ti buch'utic lec xojtiquin sbaic ta vo'nee, ti jech vololic xa ta vu'lanvanej une, lic yac' ve'el uch'bajel ta sna. Lic yalbeic ti mu stucuc jech c'ot ta stojole. Laj spatbeic yo'nton ti mu ech' xjelav laj ya'i vocol ti tac'bat talel yu'un ti Diose. Jujunic laj yac'beic jelavel ta sc'ob epal taq'uin xchi'uc jun ixtolal c'obil ti meltsanbil ta oroe.

Job 42:8

Avi tana une, bat vu'lanbeicun ti cajtunel Jobe. Iq'uic batel vuc-cot tot vacax, xchi'uc vuc-cot tot chij, ti ta xachiq'uic ta yac'belun ta sventa ti vo'oxuque. Ja' ta xc'opoj xti'in ti cajtunel Job ta aventaique. Ich'bil ta muc' ta xc'ot cu'un ti sc'opojel sti'inele. Jech o xal un, mu'yuc c'usi chopol ta xc'ot ta atojolic cu'un, ac'o mi ja' xatunic o ti jechuque ta scoj ti mu jamaluc laj avalic jc'oplal jech c'u cha'al laj spas ti cajtunel Jobe.”

Éxodo 18:13

Ta yan c'ac'al un, ti Moisese choti ta xchapanel c'opetic yu'un ti israeletique. Jech ti israeletique sjunul c'ac'al tey va'ajtic ta sts'el ti Moisese.

Éxodo 2:16

Ti Reuele, pale yu'un ti jteclum Madiane, oy vucub yantsiquil nich'on. Ti jech c'ac'al taje, ja' o bat spulic loq'uel vo' ta joc' yo' jech ta snojesic ti yavil yuch'ob vo' chijetique, yo' jech ta xac'be yuch' vo' xchij ti stote.

Éxodo 2:20

Ti Reuele xi laj yale: —¿Bu oy ti vinic taje? ¿C'u cha'al laj avictaic comel? Ba iq'uic talel. Ac'o tal ve'uc.

Éxodo 20:24

Ja' yu'un un, meltsanbeicun junuc altar ti meltsanbil no'ox ta latsbil lume. Cajanic tey ti chon bolometic ti oy ta acorralique, ti avacaxique, ti ta xich' svocol ta chiq'uel ta sventa ti lajesobil o'ntonale. Ta xtal jts'uiltas ta jujun ti bu ta jc'an ta xich' na'el ti jbie.

Éxodo 24:11

Ti Diose mu'yuc c'usi chopol laj spasbe ti banquilaletic yu'un ti israeletic ti c'alal laj yilic ti Diose. Ve'ic yuch'ic vo' xtoc.

Éxodo 24:5

Laj taj une, laj yalbe mantal jun chibuc querem israeletic ti ac'o smilic tot vacaxetic ti ta xac'beic ta smoton ti Diose, ti ta xchiq'uic ta sventa ti lajesobil o'ntonale.

Éxodo 3:1

Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Éxodo 33:7

Ti Moisese laj spet loq'uel ti Axibalnae. Bat yac' ta loq'uebal xa ti bu lamalic ta nacleje. Laj yac'be sbi Axibalna ti ja' nupel ta be yu'un ti Diose. Yu'un mi oy buch'u ta sjac' ya'i sba ta stojol ti Diose, ta xbat ta Axibalna ti oy ta loq'ueltic ti bu lamalic ta nacleje.

Daniel 10:3

Mu'yuc laj jtun laj jlajes ti lequil ve'liletique. Yu'un mu'yuc laj jlajes ti beq'uete, ti vinoe. Mi ja'uc laj cac'be jba muil poxil ech' ti oxib (3) xemuna taje.

Números 10:29

Oy jun c'ac'al, ti Moisese xi laj yalbe ti Hobabe, ti ja' sbole, xnich'on ti Reuele, ti ja' jun madianita vinique: —Ti vu'uncutique ta xibatcutic ta jteclum ti bu yaloj ti Dios ti ta xac'buncutique. La' chi'inotic. Lec ta jpas jbacutic ta atojol. Yu'un ti Diose yaloj ti ta xc'uxul yo'nton ta xc'uxubin ti Israele.

San Lucas 14:1

Oy jun c'ac'al, ja' o sc'ac'alil ti cuxob o'ntonale, bat ve'uc ti Jesús ta sna jun banquilal yu'un ti fariseoetique. Ta xpa'ie yu'un ti yan fariseoetic xtoque.

San Lucas 14:15

C'alal jech laj ya'iic taje, oy jun ta scotol ti chotol ta sts'el sti'il mexae, xi laj yalbe ti Jesuse: —Jun yutsil ti buch'u ta x'och ve'icuc ti bu ta xventainvan ti Diose.

1 Corintios 10:18

Nopic lec ti xi s'elan laj spasic ti israeletique: Ti buch'utic ta sti'ic ti chon bolometic ti laj yich' milel ta sventa smoton ti Diose, ja' svinajeb ti jun yo'ntonic xchi'uc ti Diose.

1 Corintios 10:21

Yu'un mi jun avo'ntonic ta xavuch'ic ti ya'lel uvae xchi'uc ta xave'ic ti pan ti ta xapasic sna'obil ti Cajvaltique, mu smeloluc ti c'alal jun xa avo'ntonic chotoloxuc ta xalajesic ti ve'lil ac'bil ta smoton ti pucujetique.

1 Corintios 10:31

Mi ta xave'ic, mi ta xavuch'ic vo', c'usiuc no'ox ti yan ta xapasique, ja'uc pasic scotol sventa yich'el ta muc' ti Diose.

Deuteronomio 12:7

Ti bu taje, ta xave' xavuch'ic vo' ta sts'el ta sba ta sat ti Diose, jmoj xchi'uc ti c'u avepalic ta nacleje. Jmoj xamuyubajic ta sventa ti oy c'usi lec ch'i ta sventa avabtelic ti jech laj sva'an sba ta atojolic ti Ajvalil Dios avu'unique.

Deuteronomio 27:7

Ma'uc no'ox taje, ta xamil ta yaq'uel matanal sventa ti lajesobil o'ntonale. Ti bu taj une, ta sba ta sat ti Dios avu'une, ta xave'ic, ta xapasic q'uin.