Éxodo 18:11 - Bible in Tzotzil de Chamula

¹¹ ti mu albajuc chopol ti c'usi laj spasboxuque. Avi ta un, ta jna' lec ti jelavem smuc'ul stsatsal ti Diose, ti ja' mu sta scotol ti yan diosetique.

Bible in Tzotzil de Chenalhó with Deuterocanon

¹¹ Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Éxodo 18:11 Iomraidhean Croise

1 Reyes 17:24

Xi tac'bat yu'un ti antse: —Avi tana une, ta jna' ti ja' jun xch'ul nich'onot ti Diose. Ti c'usi ta xavale, yu'un ja' jech ta xal ti Dios ta melel cac'tique.

2 Reyes 5:15

Va'i un, ti stuque xchi'uc ti xchi'iltaque sutic ech'el ta stojol ti Eliseoe. C'alal c'otic ta stojole, ti Naamane xi laj yale: —¡Avi ta une, c'ot ta jol ta jbaquil ti mu'yuc ta tael Dios ta sbejel ti banomile, yu'un ja' no'ox li' ta Israele! Avocoluc un cha'e, tsacbun, ich'bun ti matanal ti ta xac' ti avajtunel li'e.

1 Crónicas 16:25

Yu'un ti Diose, jelavem ti smuc'ul yutsile, sc'otebal o ti lequil c'optabile, ti xjelav to xi'bal sbae, ja' mu sta scotol ti yan diosetique.

2 Crónicas 2:5

Ja'uc ti ch'ulna ta jva'ane, tsots sc'oplal muc' ta jmeltsan. Ti Dios cu'uncutique, stuc no'ox ech'em cajal c'otem yu'unic ta scotol ti yan diosetique.

Nehemías 9:10

Muc'tic no'ox ti c'usi laj avac' ta ilel ti ch'ayal o'ntonal xc'ot yu'un ti c'usitic laj apas ta scontrainel ti faraone, ta stojol ti yajtuneltaque, ta stojol ti jnaclejetic yu'un ti steclumale. Laj avil ti jelavem xa'i sbaique, ti loq'uel ta xutilanic ti israeletique. Ja' jech puc ac'oplal avi tana ti jelavem xu' avu'une.

Nehemías 9:16

“Ja'uc ti stuquic une, xchi'uc ti jtot jme'cutic ti laj ech'uc ta vo'nee, toj toyobbaic. Mi ja'uc xa'ibeic xchiquinal. Mu'yuc laj yaq'uic ta venta ti amantaltaque.

Nehemías 9:29

Laj abijubtas ti xcha'tamicuc ta spasel ti oy c'usitic jbel tsots albil avu'une. Xtoyet no'ox xa'i sbaic ti yalojic une ti mu tsotsuc sc'oplal ta xa'iic ti amantaltaque. Naca sju'el no'ox ta teq'uel ti c'usitic nopbil avu'une, ti ta x'ac'bat xcuxlejal ti buch'utic ta xc'ot ta pasel yu'unique. Toyobba batic ta j'ech'el. Mi ja'uc xa'ibeic xchiquinal ti laj yaq'uic ta ventae.

Salmos 119:21

Ti vo'ote xu' avu'un ta spajesel ti buch'utic pimubemique, ti bisbil ta cotol chavale, ti sjipoj xa ta spat ta xoconic ti amantaltaque.

Salmos 135:5

Jna' lec, ti Cajvaltique, ja' Dios cu'untic, jelavem smuc'ul stsatsal, mu sta ti yan diosetique.

Salmos 31:23

C'uxuc xava'iic ti Dios ti yu'unoxuc xae. Chabibilic yu'un Dios ti buch'utic jamal lec ti yo'ntonique, ja'uc ti jtoyobbaetique, ja' jech yepal ta xac'be stoj ti c'u s'elan laj xa spasique.

Salmos 95:3

Yu'un ti Ajvalile, ja' muc'ul Dios, muc'ul Ajvalil yu'un ti diosetique.

Salmos 97:9

Ti vo'ote, Dios, ta toyol c'otemot, oyot ta toyol yu'un sbejel ti banomile; spajeb oyot ta toyol yu'un, mu sta ti yan diosetique.

Éxodo 1:10

La' jsa'betic smelolal c'usi ta xcutic yo' jech mu teyuc no'ox yantic ta x'epajic ta jmec. Yu'un mi xlic letoe, xu' chba sco'oltas sjolic xchi'uc ti cajcontratique. Ta stsalotic ta leto. Ja' jech xtoc ta xictaic comel ti jlumaltique.”

Éxodo 1:16

—C'alal ta xacolesic ta alajel ti hebreo antsetique, q'uelic lec c'usi ololal ti chlaj voc'uque. Ti mi ja' tsebe, ac'o ch'iuc. Yan ti mi ja' querem laj avilique, milic no'ox xch'a.

Éxodo 1:22

Yan ti faraone xi laj yalbe ya'i mantal ti steclumale: “Jipic batel ta uc'um ti jvoq'uel hebreo queremetique. Yan ti mi ja' tsebetique, ch'an utic.”

Éxodo 10:3

Jech ti Moisese xchi'uc ti Aarone batic ta stojol ti faraone, ti xi laj yalbeic ya'ie: —Xi ta xalbot ava'i ti Ajvalil ti ja' Dios yu'unic ti hebreoetique: “¿C'u to sjalil ti toyobbaot ta jtojole? Ac'o ave ati' ti xu' ta xloq'uic batel ti calab jnich'nabe yo' chbat xiyich'icun ta muc'.

Éxodo 12:12

Yu'un ti jech ac'ubal taje, ta xi'ech' ta stojol scotol ti egipcioetic ti ta jyayijesbe ta milel scotol ti sbanquilal nich'nabic ti jujuchop jnaclej egipcioetique, xchi'uc scotol ti sba yoltac ti xchon sbolomique. Yu'un ta jchapan ya'iic ti diosetic yu'un ti egipcioetique. Yu'un jech xcal ti Vu'un Ajvalilune.

Éxodo 14:18

C'alal mi laj xa cac'be yil jmuc'ul jtsatsal ti faraone, ta stojol ti scarretataque, xchi'uc ti jcajlejetic ta ca' yu'une. Jech ti egipcioetique ta sna'ic ti vu'un Ajvalilune.

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 15:11

Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Éxodo 5:2

C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Éxodo 5:7

—Mu xa xasa'beic talel sjobelic ti israeletic jech c'u cha'al ta xapasic to ox c'alal ta spasic ti xamite. ¡Ac'o ba sa' talel stuquic!

Daniel 4:37

“Avi tana une, ti Nabucodonosorune ta jlequil-c'opta, ta jnijan jba ta yich'el ta muc', ta xcac' ta toyol sc'oplal ti Ajvalil yu'un ti vinajele. Yu'un scotol ti c'usi ta spase, ja' melel, tuc' scotol. Yu'un xu' ta spec'tsanbe sc'oplal ti buch'u ta snop ti xu' xa yu'un ti yaloje.”

Números 33:4

Ti israeletique loq'uic batel ti c'alal ja' o ch'ayal yo'ntonic ti egipcioetic ta smuquic scotol ti sbanquilal nich'onique, ti c'alal c'ot ta pasel yu'un ti Dios ti milbatique, ti ac'bat yilic ti mu'yuc c'usi xu' yu'un ta xpojvan ti sdiosique.

San Lucas 1:51

Yu'un xi s'elan laj spas xchi'uc ti smuc'ul stsatsale: laj sjinesbe yip ti oy c'usi snopojic ti jtoyobbaetique.

Santiago 4:6

Ja'uc ti Diose, ta sventa slequil yutsil yo'nton, x'ech' to ta xiscoltaotic, yu'un xi ta xal ti ch'ul c'ope: “Ta scontrain ti buch'u jtoyobbaetique. Ja'uc ti buch'u biq'uit yac'oj sbae, ta xc'uxul yo'nton ta scolta.”

1 Pedro 5:5

Ja' jechoxuc ec, queremetic, ch'unbeic smantal ti buch'utic yich'oj yabtelic ta atojolique. Nijano chimano abaic ti jujunoxuque. Jmojuc avo'ntonic acotolic, yu'un xi ta xal ti ch'ul c'ope: “Ti Diose ta scontrain ti buch'u toyobba xa'i sbaique. Ta yutsil slequil yo'nton ta scolta ti buch'utic biq'uit ta xac' sbaique.”

1 Samuel 2:3

Mu'yuc buch'u ma' ti xu' ta stoy sba xchi'uc ti sc'ope, ti oy buch'u ma' ti cajal xa xa'i sba ta j'ech'ele. Yu'un ti Ajvalile, ja' ti Dios ti xojtiquin scotole. Ta sbis ta xchapan ti c'usi ta spas ti vinique.