Éxodo 18:1 - Bible in Tzotzil de Chamula

¹ Ti Jetro ti ja' pale yu'un ti Madiane, smuni' xtoc ti Moisese, laj ya'i scotol ti c'usi laj spas ti Dios ta stojol ti Moisese, xchi'uc ta stojol ti israeletique. Laj ya'i xtoc ti ja' loq'uesatic talel ta Egipto yu'un ti Diose.

Bible in Tzotzil de Chenalhó with Deuterocanon

¹ Li Jetroe, ja' li pale ta Madián banamile, ja' li smuni' Moisese, laj ya'ay scotol c'usi la spas Muc'ul Dios ta sventa li Moisese, xchi'uc c'u x'elan la scolta li israeletique, xchi'uc ti ja' la sloq'ues tal ta Egipto banamile.

Éxodo 18:1 Iomraidhean Croise

Salmos 105:43

Jech c'ot ta pasel ti laj sloq'ues talel st'ujbil-teclumal ti Diose, ti xmuyubajic no'ox ta avanele.

Salmos 105:5

Vo'oxuc snitilul Abraham ti c'otem ta yajtunele, vo'oxuc xnich'nab Jacob ti t'ujbil yu'une, vuleso ta avo'ntonic un, ti yabteltaque, ti c'usitic muc'tic ta spas ti ch'ayal o'ntonal ta xc'ot yu'une, ti scaj'aloj c'usitic nopbil yu'une.

Salmos 106:2

¿Mi oy la buch'u ta xal jtosucal c'u s'elan ta stsalvan ti Diose? ¿Mi oy la buch'u ta xalbe slequilal jech c'u cha'al sc'otebal oe?

Salmos 34:2

Jtuc xa no'ox ma' ti cajal xca'i jba c'otemun yu'un ti Dios une; chiquintaic ava'iic lec, muyubajicuc no'ox ti buch'u biq'uit yac'oj sbaique.

Salmos 44:1

Ch'ul Dios, c'otem ta jchiquincutic ti laj yalbuncutic ti jtot jme'cutic ti cuxulic to oxe, ti xi s'elan laj apas ta vo'nee:

Salmos 78:4

Ma'uc ma' ti mu jlo'iltabetic ya'iic ti calab jnich'nabtique. Ta sventa ti ts'acal jch'ieletic ta xtale, ta jlequil-c'optatic ti Dios xchi'uque; ta jlo'iltabetic ya'iic ti smuc'ul stsatsale, ti ch'ayal ta xc'ot o'ntonal yu'une.

Éxodo 2:16

Ti Reuele, pale yu'un ti jteclum Madiane, oy vucub yantsiquil nich'on. Ti jech c'ac'al taje, ja' o bat spulic loq'uel vo' ta joc' yo' jech ta snojesic ti yavil yuch'ob vo' chijetique, yo' jech ta xac'be yuch' vo' xchij ti stote.

Éxodo 2:18

C'alal sutic batel bu oy ti stotique, xi jac'batique: —¿C'usi laj avutic ti ja' to sob lasutic talele?

Éxodo 2:21

Jech ti Moisese laj xch'un ti iq'uele. Com nacluc ta sna ti Reuele. Ts'acal to un, ti Reuele laj yac' jun stseb ti Sefora sbie, laj yic' yu'un.

Éxodo 3:1

Ti Moisese och ta sq'uelbel xchij ti Jetro ti smuni'e, ja' pale yu'un ti Madiane. Oy jun c'ac'al, bat xchi'uc xchij ta sbajtical banomil. C'ot c'alal to ti bu oy ch'ul vits yu'un ti Dios ti Horeb sbie.

Éxodo 4:18

Ti Moisese sut batel ta sna ti Jetro ti ja' smuni'e, xi laj yalbee: —Tsots sc'oplal ta xisut batel ta Egipto bu oyic ti jvinquileltaque. Ta jc'an ta jq'uel ca'i mi cuxulic to. —Lec oy, tsotsan batel —xi laj stac' ti Jetroe.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Jeremías 33:9

Ti Jerusalene, mu'yuc xa buch'u xtaun o ta xca'i yu'un ti ximuyubaje, cutsilal quich'el ta muc' yu'unic ta sba ta sat ti muc'tiquil lumetic ti oy ta banomile. C'alal ta xa'iic ti naca lequilal ta xc'ot ta pasel cu'un ta stojol ti jnaclejetic ta Jerusalene, ti mu'yuc c'usi sna'ique, ta xniquic ta xi'el.”

Zacarías 8:23

Ti jech yorail taje, lajunvo' (10) jyanlumetic yu'un ti yan muc'tiquil lumetique, ti stsoylajetic no'ox ta sti'il sc'u' jun judá vinic ti xi ta xalbeic xtoque: ‘¡Yu'un chbat jchi'inotcutic, ja' ti c'ot ta jni' ta jchiquincutic ti chi'inbiloxuc yu'un ti Diose!’ ”

Números 10:29

Oy jun c'ac'al, ti Moisese xi laj yalbe ti Hobabe, ti ja' sbole, xnich'on ti Reuele, ti ja' jun madianita vinique: —Ti vu'uncutique ta xibatcutic ta jteclum ti bu yaloj ti Dios ti ta xac'buncutique. La' chi'inotic. Lec ta jpas jbacutic ta atojol. Yu'un ti Diose yaloj ti ta xc'uxul yo'nton ta xc'uxubin ti Israele.

Hechos 14:27

C'alal c'otic ta jteclum Antioquiae, laj stsobic talel ti jch'unolajeletic ta yalbeic ya'i ti c'usi laj spas ti Dios ta stojolique, xchi'uc ti c'u s'elan abtej ta sjamel be ta stojol ti jyanlumetique yo' ta xc'ot ta yo'ntonic ta xch'unic ec.

Hechos 15:12

Scotol ts'ijil comic. Lic sts'etan xchiquinic ta ya'yiel c'alal yacal ta yalel ti Bernabee xchi'uc ti Pabloe, ti c'u s'elan laj yac' iluc ti Dios ti oy c'usi ch'ayal ta xc'ot o'ntonal yu'unic c'alal oyic ta stojol ti jyanlumetique.

Romanos 15:18

Yu'un ma'uc yeilal xa cu'un ta yalel ti c'usi mu'yuc quiloj jpasoj ta sventa ti Cristoe. Ja' no'ox ta xcal ti c'usi laj jpas ta stojol ti jyanlumetique yo' jech c'otem ta yo'ntonic ta xch'unel ta spasel c'usi ta sc'an ti Diose. Taj une, c'ot ta pasel ti laj yich' ta muc' ti jc'ope, xchi'uc ti c'usitic lec laj jpas ta stojolique,

Josué 2:10

Jna'cutic lec ti c'alal laloq'uic talel ta Egiptoe, ti Diose laj staquijesbe ya'lel ti Tsajal Nabe yo' jech ta xajelavic. Jna'cutic lec xtoc ti laj atsutsesic ta j'ech'el ti Sehone, xchi'uc ti Oge, ja' ti chib ajvalil yu'un ti amorreoetic ti oy ta jot uc'um Jordane.

Josué 9:9

Ti stuquique xi laj staq'uique: —Ta namal banomil liliccutic talel ta sventa ti vinajem sc'oplal ti Ajvalil Dios avu'unique. Yu'un ca'binojcutic scotol ti c'usitic laj spas ta Egiptoe.

Jueces 1:16

Snitilultac Hobab ti quenita vinique, smuni' xtoc ti Moisese, jmoj loq'uic batel xchi'uc snitilultac ti Judá ta jteclum yu'un ti xantique. Batic ta sbajtical banomil yu'un Judá ti oy ta stuq'uil yolon ti yac'ol xocon sloq'ueb c'ac'al yu'un ti Arade, ti bu jmoj comic ta naclej xchi'uc ti yajval lume.

Jueces 4:11

Nopol ta Cedes, ti nopol xil sbaic xchi'uc ti tulan ti oy ta Zaanaime, lamalic ta naclej ti Heber ti ja' quenita vinique, ja' ti jvoc' ti laj xch'ac sbaic xchi'uc ti yan quenitaetique. Ti quenitaetique, ja' snitilultac ti Hobabe, smuni' ti Moisese.