Éxodo 17:7 - Bible in Tzotzil de Chamula

⁷ Ti bu taje, laj sbiin yu'un Meriba, yu'un ti israeletique toj tsots vulvanic. Laj yac'be sbiin Masá xtoc, yu'un xi laj yalic ti laj sq'uelbeic yo'nton ti Diose: “¿Mi li' oye, mi mu'yuc li' oy ti Dios ta jtojoltique?”

Bible in Tzotzil de Chenalhó with Deuterocanon

⁷ Jech Meriba laj yac'beic sbi li banamile, yu'un te iliquic ta bic'talvulajetel li israeletique. Masah laj yac'beic yan sbi noxtoc yu'un ja' te la sq'uelbeic yo'nton li Muc'ul Diose, jech laj yalic: “¿Me li' oy ta jtojoltic li Diose, o me mu'yuc?”, xiic.

Éxodo 17:7 Iomraidhean Croise

Salmos 106:32

Laj sliquesbeic sc'ac'al yo'nton Dios ta sts'el vo' ti Meriba sbie; laj sa' svocol yu'unic Moisés ta scoj taje.

Salmos 78:18

Laj slajeltsaic ta sc'anbel sve'elic ti bu xa c'alal xal ti yo'ntonique.

Salmos 81:7

Laj ac'anbun vocol ti ilbajinbilote, laj jtic' jba ta apojel un; laj jtac'bot talel ta toc ti bu xc'avlajet ti chauc une; laj jq'uelbot avo'nton ta sts'el vo' ti sbiinoj Meribae.

Salmos 81:8

Chiquintao ava'i, jteclumal, ti ta xajcaj-bijubtase; oc la ta alel un ti tauc xach'un une, Israel.

Salmos 95:8

“Mu xavac' yijubuc avo'ntonic jech c'u cha'al laj spasic ta Meribae, jech c'u cha'al yorail oyoxuc ta Masá ta sbajtical banomile.

Éxodo 17:2

Ja' yu'un un, xi xvulajetic liquel ti laj stsaquic ta il ti Moisese: —¡Ac'buncutic vo' cuch'cutic! Xi laj stac' ti Moisese: —¿C'u cha'al ta xatsaquicun ta utel? ¿C'u cha'al ta xaq'uelbeic ava'iic yo'nton ti Diose?

Éxodo 34:9

Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Miqueas 3:11

Ti jchapanvanejetic yu'un ti jteclume, toj lec xa'iic stsaquel ti mich'ob-c'abale; ti paleetique ta xchanubtasvanic c'alal mi ta x'ac'batic taq'uine. Jech ti j'alc'opetic xtoque ta sc'anic taq'uin yu'un ti c'usitic xu' ta scaj'alique, ti cajal xa ye sti'ic ta xalic ti ja' coltabilic yu'un ti Diose, yu'un xi ta xalique: “Ja' chi'inbiluncutic yu'un ti Diose, mi ja'uc ti oy c'usi chopol ta xc'ot ta pasele.”

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

Números 20:13

Ti taje, ja' sat vo' Meriba sbi. Yu'un ti israeletique, ja' ti bu laj stsaquic ta c'op ti Diose, xchi'uc laj yac' ta ilel ti slequilal yutsilale.

Números 20:24

“Ti Aarone ta xcham, mi ja'uc ta x'och batel ta jteclum ti bu caloj ti cac'ojbeic ti israeletique. Yu'un ti ta sti'il sat vo' Meribae, mu'yuc laj ach'unic ta spasel ti jmantaltaque.

Números 27:14

Yu'un achibalic ti vo'oxuque laj abajic ti jmantal ta sbajtical banomil yu'un Zin ti c'alal laj stsaquicun ta c'op ti jteclume. Mu'yuc xavaq'uicun ta ich'el ta muc' ti c'alal laj sc'anic ti vo'e. (Ti va'i s'elan taje, ja' sc'oplal ti sat vo' Meriba sbie ti oy ta Cades ta sbajtical banomil yu'un ti Zine.)

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Deuteronomio 31:17

Ja'uc le' une, ta xlic tiluc ti sc'ac'al co'nton ta stojolique. Ta jipic comel ya'iic stuquic. Mu ja'uc jset'uc ta jvulesic ta co'nton. Mu albajuc ta xlic ti svocolique, ti at-o'nton ta xtal ta stojolique, ti lajebale, ti ta xc'ot ta pasel ti xi ta xlic yalique: ‘¿Mi mu ja'uc xana' ti mu'yuc xa li' xchi'inojotic ti Dios ti vi s'elan ta xquich'tic ti jvocoltique?’

Deuteronomio 33:8

Ta sventa sc'oplal ti Levie, xi albate: “Ja' avu'untac, Ch'ul Dios, ti buch'u yich'oj ti Tumime ti Urime. Ja' avu'untac ti vinic ti buch'u jun yo'nton ta atojole, ti laj aq'uelbe yo'nton ta Masae, ti laj avul abaic xchi'uc ta vo' ti oy ta Meribae,

Deuteronomio 6:16

“Mu xaq'uelbeic ta slajeltsael yo'nton ti Ajvalil Dios avu'unique jech c'u cha'al laj apasic ti c'alal oyoxuc ta Masae.

Deuteronomio 9:22

“Ja' jech xtoc laj ono'ox aliquesbeic sc'ac'al yo'nton ti Dios ta Taberae, ti ta Masae, xchi'uc ti ta Kibrot-hataavae.

Josué 22:31

Va'i un, xi albatic yu'un ti Finees xnich'on ti pale Eleazare: —Avi tana li'e, ta jbel sc'oplal li' xchi'inojotic ti Diose. Yu'un ti vo'oxuque, vinaj lec ti ma'uc ta xatoy abaic ta stojole. Yu'un laj to atic' abaic ta spojeluncutic ti mu'yuc xquich'cutic tsitsel yu'un ti Diose.