Éxodo 17:6 - Bible in Tzotzil de Chamula

⁶ Tey ta jcaj-malaot ta vits Horeb ta sba jun muc' ta ton. C'alal ta xamaj ti muc' ta tone, ta xloc' talel vo' yo' jech ta xuch'ic ti jteclume. Va'i un, ti Moisese jech laj spas ta sba ta sat ti moletic yu'un ti Israele.

Bible in Tzotzil de Chenalhó with Deuterocanon

⁶ Te chajmalaot ta vits Horeb ta ba ch'en. Xc'ot amaj li ch'ene; te chloc' tal li vo'e, jech tsta yoxo' yuch'ic li achi'iltaque —x'utat li Moisese. Li Moisese te ta sat banquilaletic yu'un israeletic la smaj li ch'ene.

Éxodo 17:6 Iomraidhean Croise

Nehemías 9:15

Laj avac'be ti ve'lil ti lic talel ta vinajele yo' jech ta snojes ti xch'utic yu'un ti vi'nale. Laj avac'be ti vo' ti loc' talel ta ch'ene yo' jech ta x'ech' ti taqui ti'il ta xa'iique. Ta jech yepal un, laj avalbe ya'i ti ta x'ochic ta yu'ninel ti jteclum ti avaloj ono'ox ta xu'ninique.

Salmos 105:41

Jav ti ch'ene, va'i un, loc' talel ti vo'e, jun to uc'um xanav batel yoc ta sbajtical banomil.

Salmos 114:8

Ti lican ch'entique, laj sjoybin ta sts'anleb nabetic. Ti muc'tiquil tonetique, laj sjoybin ta tuquem vo'.

Salmos 46:4

Ta sventa ti tan puc yoctac ti muc' ta uc'ume, ta staic smuyubajel yo'ntonic Steclumal ti Diose, ja' ti ch'ul jteclum yu'un ti Buch'u oy ta toyole.

Salmos 74:15

Ta aventa, laj tucuc talel ti sat vo'etique, ti uc'umetique, ti ta aventa c'ot ta taquijel avu'un ti mu albajuc smuc'tiquil ti uc'ume.

Salmos 78:18

Laj slajeltsaic ta sc'anbel sve'elic ti bu xa c'alal xal ti yo'ntonique.

Salmos 78:20

Melel un, ti Diose, c'ot ta pasel yu'un ti laj spas ta cha'jav ti ch'ene, ti x'uc'ubinaj no'ox loc' talel ti vo'e, ti xbalaq'uin no'ox ech'el ta banomile. Le' une, ¿mi xu' yu'un ta yac'bel sve'ic ti pane? ¿mi xu' yu'un ta yac'bel sti'ic beq'uet ti steclumale?”

Salmos 81:7

Laj ac'anbun vocol ti ilbajinbilote, laj jtic' jba ta apojel un; laj jtac'bot talel ta toc ti bu xc'avlajet ti chauc une; laj jq'uelbot avo'nton ta sts'el vo' ti sbiinoj Meribae.

Éxodo 14:16

Jech ti vo'ote, tuneso ti avaxtone. lich'o batel ac'ob ta xtuchel ta toyol yo' jech ta xch'ac sba ta jujujot ti nabe, yo' jech taquin lec ta x'ech' xtuch'ic ti israeletique.

Éxodo 16:10

C'alal yacal ta xc'opoj ti Aarón ta stojol ti israeletique, scotolic laj sq'uelic batel ta stuq'uil sbajtical banomil. Ja' o vinaj talel ta toc yutsilal slequilal ti Diose.

Isaías 48:21

Ac'o mi ech'ic yu'un ta sbajtical banomil, mu'yuc ya'iic taqui ti'il. Ti stuque laj sjav ti ch'ene. Ta jech yepal loc' talel vo' yu'un, ti xbalaq'uin no'ox ti yoque.

Números 20:8

—Tsaco ti vaxtone, ac'o stsob talel ta volel jnaclejetic ti achi'il ta voq'uel Aarón ta scoltaelote. Mi laj taj une, ta sba ta satic scotolic, albo mantal ti tone ti ac'o ac'baticuc talel ti vo'e. Ta xavil xtoc ti ta xloc' talel ti vo' ta tone yo' jech ta xuch'ic ti stuquique xchi'uc ti chon bolometic yu'unique.

San Juan 4:10

Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

1 Corintios 10:4

Scotolic laj yuch'ic ti ch'ul vo' ti loc' talel ta ch'ene. Ti vo' loc' ta ch'ene, ja' Cristo stuc ti xchi'uquic batel ta yalel muyel ti jmolmuc'totcutique.

Deuteronomio 1:2

Ti ta xlic batel ta vits yu'un Horeb ti ta xc'ot c'alal to Cades-barneae, ja' yich'oj buluchib c'ac'al sjalil ti sbelel mi ja' ta xich' tamel ech'el sbelel ti vitstic Seire.

Deuteronomio 8:15

Yu'un laxanavic yu'un Dios ta xi'bal sba jamal sbajtical banomile, ti bu naca yavilal ti jti'oval chij chonetique, ti tsequetique, ti bu ch'abal ti vo' xtoque. Va'i un, ti stuque, loc' talel vo' yu'un ta jun ch'ut ton ti laj yac'boxuc avuch'ique.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.