Éxodo 17:2 - Bible in Tzotzil de Chamula

² Ja' yu'un un, xi xvulajetic liquel ti laj stsaquic ta il ti Moisese: —¡Ac'buncutic vo' cuch'cutic! Xi laj stac' ti Moisese: —¿C'u cha'al ta xatsaquicun ta utel? ¿C'u cha'al ta xaq'uelbeic ava'iic yo'nton ti Diose?

Bible in Tzotzil de Chenalhó with Deuterocanon

² Jech te lic yutic li Moisese; jech laj yalbeic: —Ac'bun vo' cuch'cutic —xutic. Itac'ov li Moisese: —¿C'u yu'un ti chavuticune? ¿C'u yu'un chaq'uelbeic yo'nton li Muc'ul Diose? —xut.

Éxodo 17:2 Iomraidhean Croise

Salmos 106:13

Le' une, ta jech yepal laj xch'ay ta yo'ntonic yabteltac ti Dios laj spas ta stojolic une, mi ja'uc laj smalaic c'usi snopoj ta spase.

Salmos 106:14

Ta sts'ijlajan sbajtical banomil xa une, lic sq'uelbeic yo'nton ti Diose; laj sujic ti ac'baticuc spasic c'usi xal ti yo'ntonique.

Salmos 78:18

Laj slajeltsaic ta sc'anbel sve'elic ti bu xa c'alal xal ti yo'ntonique.

Salmos 78:41

Lic no'ox slajeltsaic; laj yaq'uic ta at-o'nton ti Ch'ul Dios yu'un ti Israele.

Salmos 78:56

Le' une, lic slajeltsaic ti Dios oy ta toyole; lic stoy sbaic ta stojol un. Mu xch'unbeic ti smantaltaque.

Salmos 95:8

“Mu xavac' yijubuc avo'ntonic jech c'u cha'al laj spasic ta Meribae, jech c'u cha'al yorail oyoxuc ta Masá ta sbajtical banomile.

Salmos 95:9

Yu'un ti amolmuc'totic ta vo'nee, ac'o mi laj yilic ti c'u s'elan xu' cu'une, laj ono'ox sq'uelbeicun co'nton.

Éxodo 15:24

Ti c'u yepal svoloj sbaic batele lic chopol c'opojicuc ta stojol ti Moisese, ti xi lic sjac'beique: “¿C'usi ta xcuch'tic?”

Éxodo 16:8

Ti Moisese xi to laj sts'ac batel ti slo'ile: —Yu'un ti Diose ta xac' talel beq'uet ati'ic ta smalil c'ac'al. Ti ta sobe, ta xayac'boxuc ep ti c'usi xu' ta xameltsan ti avotique. Yu'un laj xa ya'i ta xchiquin ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e? Yu'un ti jech xabic'tal c'opojic xa ta scontraineluncutique, ma'uc ta xacontrainuncutic, yu'un ja' ta xacontrainic ti Diose.

Éxodo 17:7

Ti bu taje, laj sbiin yu'un Meriba, yu'un ti israeletique toj tsots vulvanic. Laj yac'be sbiin Masá xtoc, yu'un xi laj yalic ti laj sq'uelbeic yo'nton ti Diose: “¿Mi li' oye, mi mu'yuc li' oy ti Dios ta jtojoltique?”

Éxodo 5:21

Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Isaías 7:12

Ti Acaze xi laj staq'ue: “Mu jc'an jlajeltsabe yo'nton ti Dios ta sc'anbel ma' ta jchop o senyail ta yac'belun quile.”

Malaquías 3:15

Quilojtic lec ta jba ta jsatic ti xmuyubajic no'ox ti buch'utic jtoyobbaetique. Ja' jech no'ox xtoc, ti buch'utic mu'yuc xch'ulel xa'i sbaique, lec ti c'usi ta staique. Ja' jech no'ox xtoc, ti buch'utic ta slajeltsabeic yo'nton ti Diose, mi ja'uc jutebuc ta x'ac'bat stojic.’ ”

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

San Mateo 4:7

Ti Jesuse xi laj staq'ue: —Xi ta xal ti sc'op Dios xtoque: ‘Mu xalajeltsa ti Ajvalil Dios avu'une.’

San Lucas 15:12

Xi laj yalbe stot ti its'inale: ‘Tot, ac'bun ti jrexto ti c'u yepal ta ono'ox xavac'bune.’ Jech ti totile lic xch'acbe xnich'nab ti c'usi oy yu'une.

San Lucas 4:12

Xi laj stac' ti Jesuse: —Ts'ibabil ta ch'ul c'op: ‘Mu xalajeltsabe yo'nton ti Dios avu'une.’

Hechos 15:10

Va'i un cha'e, ¿c'u cha'al ta xatoy abaic ta stojol ti Diose, ta yac'bel alal icatsil ti jyanlum jch'unolajeletic li'e? Yu'un ti vo'otique mu'yuc xc'ot ta ch'unel cu'untic, mi ja'uc ti jmolmuc'totique.

Hechos 5:9

Xi albat yu'un ti Pedroe: —¿C'u cha'al jmoj avo'ntonic ta slajeltsael ti Ch'ul Espíritu yu'un ti Cajvaltique? Ti buch'utic ay smuquic ti amalale, le' xtalique. Avi tana ta xayiq'uic batel ec.

1 Corintios 10:9

Mi ja'uc jlajeltsabetic yo'nton ti Cajvaltic Cristo xtoque jech c'u cha'al laj spas jlom ti jmolmuc'totcutique, ti jech ti'bil lajic ta chone.

Deuteronomio 6:16

“Mu xaq'uelbeic ta slajeltsael yo'nton ti Ajvalil Dios avu'unique jech c'u cha'al laj apasic ti c'alal oyoxuc ta Masae.

Deuteronomio 9:22

“Ja' jech xtoc laj ono'ox aliquesbeic sc'ac'al yo'nton ti Dios ta Taberae, ti ta Masae, xchi'uc ti ta Kibrot-hataavae.

Hebreos 3:9

Ti bu taje, laj slajeltsaicun, laj sq'uelbeicun co'nton ti amolmuc'totic ta vo'nee, ac'o mi laj yilic cha'vinic (40) jabil ti c'usitic laj jpas ta stojolique.

1 Samuel 8:6

Mu lecuc laj ya'i ti Samuele ti ta xc'anbat ti ac'o va'anbaticuc junuc ajvalil yo' ta xventainatique. Lic c'opojuc ta sti'inel sc'oponel ti Diose.