Éxodo 17:13 - Bible in Tzotzil de Chamula

¹³ Va'i un, ti Josuee laj sq'ui ta milel ta espada ti epal soldado amalecitaetique.

Bible in Tzotzil de Chenalhó with Deuterocanon

¹³ Jech li Josuee ivu' yu'un la smilic ta espada scotol li amalequetique.

Éxodo 17:13 Iomraidhean Croise

Éxodo 17:12

Ta scoj ti jech taj une, yu'un lub xa ta j'ech'el sc'obtac ti Moisés ta xa'ie, jech o xal laj sa'ic talel jbej ton, tal sbejanbeic yo' jech ta xchotlebin yu'unic. Va'i un, ti Aarone xchi'uc ti Hure, jujun sc'ob laj yicbeic va'ajtic ta jujujot xocon. Ti jech laj spasic taje, ja' to jech cuch yu'un ti xlich'oj o sc'ob ti Moisese, ja' to c'alal xch'ay batel ti c'ac'ale.

Éxodo 17:14

Ja' yu'un un, ti Diose xi laj yalbe ti Moisese: —Ti jech le'e, ts'ibao ta jpoc vun yo' jech na'bil ta xcom sc'oplal. Albo ya'i xtoc ti Josuee ti vu'un ta jch'ay ta o'ntonal sc'oplal ti amalecitaetique.

San Lucas 21:24

Ti jlome espada xve' yu'unic. Ti jlome chucbil ta xbatic ta jujun muc'tiquil lum. Ti jyanlumetique ta soquesic ta xpech'ilanel ta teq'uel ti jteclum Jerusalene ja' to mi ts'aqui sc'ac'alil ti c'u sjalil ta x'ac'bat spasique.

Josué 10:28

Ta sc'ac'alil no'ox ti jech yorail taje, ti Josuee lic yu'ninic ti jteclum Maquedae. Laj slilin ta j'ech'el. Laj smil ta espada scotol ti buch'u tey nacalique. Mu ja'uc junuc ti cuxul laj yicta comele. Jech laj spasbe ti ajvalil yu'un ti Macedae jech c'u cha'al laj spasbe ti ajvalil yu'un ti Jericoe.

Josué 10:32

Ta xchibal c'ac'al un, ac'batic ta yoc ta sc'obic yu'un Dios ti jteclum Laquise. Ti israeletique laj smilic ta espada scotol ti jnaclejetique xchi'uc ti chon bolometique jech c'u cha'al laj spasic ta jteclum Libnae.

Josué 10:37

C'alal laj yu'ninique, laj slilinic ta j'ech'el. Laj smilic ta espada ti ajvalile, scotol ti jnaclejetique, ti chon bolometique. Ti jteclumetic ti nopol nacalic ta spat xocone, jech laj spasbeic jech c'u cha'al laj spasbeic ti jteclum Eglone.

Josué 10:42

Yu'un ti Ajvalile, ti ja' Dios yu'un ti israeletique, sva'anoj sba ta spasel leto ta spojel ti israeletique.

Josué 11:12

Yu'un ja' ono'ox jech laj spasbe ti jteclumetic ti jun sc'opic xchi'uque, ti xi s'elan c'ot ta stojolique: laj yu'nin, laj smilbe ti ajvaliletic yu'une. Ta j'ech'el laj stsutses jech c'u cha'al yaloj mantal ti Moisés ti yajtunel Diose.

Josué 8:26

Yu'un mu'yuc laj sjel jutebuc ti Josué ti laj yal mantal ta yu'ninel ti jteclume, ti ja' to c'uxi ta xc'ot ta lilijel yu'un ta j'ech'el ti jteclume.