Éxodo 17:1 - Bible in Tzotzil de Chamula

¹ Scotolic ti c'u yepal xvoletic ti israeletique, loq'uic batel ti oyic ta sbajtical banomil Sine. C'un c'un batic jech c'u cha'al yaloj ti Diose. Ts'acal to un, c'ot stsob sbaic ta Refidim. C'u stu un, mu'yuc vo' yo' ta xuch'ic ti lum israeletique.

Bible in Tzotzil de Chenalhó with Deuterocanon

¹ Scotol li israeletique iloq'uic batel ta xocol banamil ta Sin; c'unc'un ixanovic batel yu'un jech albilic yu'un li Muc'ul Diose. Te c'ot spas scarpanaic ta Refidim, pero mu'yuc la sta vo' yuch'ic te.

Éxodo 17:1 Iomraidhean Croise

Éxodo 15:22

Ti Moisese laj yal ti ac'o loq'uicuc batel ti israeletic ti jech oyic ta sti'il Tsajal Nabe. Jech o xal un, xanavic batel oxib c'ac'al ta sbajtical banomil yu'un Shur. Ja' no'ox un, mu'yuc laj staic batel vo' ti ta bee.

Éxodo 16:1

Scotol ti c'u yepal xvoletic ti israeletique, loq'uic batel ti ta Elime. Batic ta sbajtical banomil Sin ti oy ta o'lol yu'unic ti Elime xchi'uc ti Sinaie. Ja' xa ta yo'lajunebal (15) sc'ac'alil ti xchibal (2) yual ti loq'uic talel ta Egiptoe.

Éxodo 17:8

Ti amalecitaetique laj stam batel sbeic ta Refidim yo' jech ta stsaquic ta leto ti israeletique.

Éxodo 19:2

Yu'un c'ot svol sbaic ta yeloval vits ta sbajtical banomil yu'un Sinaí ti c'alal loq'uic ech'el ta Refidime.

Números 20:2

Ti jech ch'abal vo' yo' ta xuch'ic ti c'u yepal svoloj sbaic batele, xvoletic no'ox batel laj stsob sbaic yo' ta svulic ya'i ti Moisese xchi'uc ti Aarone.

Números 9:17

C'alal ta stoy sba muyel ti toc ta sba ti Axibalnae, jech ti israeletique ta stam batel sbeic. Ti bu ta spajtsan sba ti toque, ta slaman sbaic ta naclej xtoc ti bu taje.

Números 9:23

Ta jbel no'ox smantal ti Diose, ta svol sbaic ta naclej. Mi mo'oje, ta jbel no'ox smantal ti Diose, ta stam batel sbeic. Ac'o mi jech un, ta ono'ox stunesatic yu'un ti Diose jech c'u cha'al yaloj ono'ox mantal ta sventa ti Moisese.