Éxodo 16:8 - Bible in Tzotzil de Chamula

⁸ Ti Moisese xi to laj sts'ac batel ti slo'ile: —Yu'un ti Diose ta xac' talel beq'uet ati'ic ta smalil c'ac'al. Ti ta sobe, ta xayac'boxuc ep ti c'usi xu' ta xameltsan ti avotique. Yu'un laj xa ya'i ta xchiquin ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e? Yu'un ti jech xabic'tal c'opojic xa ta scontraineluncutique, ma'uc ta xacontrainuncutic, yu'un ja' ta xacontrainic ti Diose.

Bible in Tzotzil de Chenalhó with Deuterocanon

⁸ Li Moisese jech to laj yal: —Ta bat c'ac'al ta xac' tal ti'bol ati'ic li Muc'ul Diose. Ta sobe ta xac' tal ep manavaj ave'ic, yu'un laj yil ti chachopolc'opojic ta stojole. Yu'un li vu'uncutique mu'yuc c'usi xu' cu'uncutic. Mu ja'uc chachopolc'opojic ta jtojolcutic; ja' chachopolc'opojic ta stojol li Muc'ul Diose —xut.

Éxodo 16:8 Iomraidhean Croise

Éxodo 16:12

—Laj xa ca'i ti xbic'tal c'opojic xa ti israeletique. Ja' yu'un un, chi'ino ta lo'il ti xi xavalbe ya'ie: “Ta mal c'ac'al tanae, ta xave'ic ta beq'uet. Yan ti ta sobe, ta xave'ic ti jchop o ta vaje, ja' to ti c'uxi ta xnojic lec yu'une. Ja' to jech ta xana'ic ti vu'un Ajvalilune, ti ja' Diosun avu'unique.”

Éxodo 16:9

Laj taj une, ti Moisese xi laj yalbe ya'i ti Aarone: —Albo ya'i scotol ti israeletique ti ac'o nopajicuc talel ta stojol ti Diose. Yu'un laj xa ya'i ti xbic'tal c'opojic xa ta stojole.

Éxodo 17:2

Ja' yu'un un, xi xvulajetic liquel ti laj stsaquic ta il ti Moisese: —¡Ac'buncutic vo' cuch'cutic! Xi laj stac' ti Moisese: —¿C'u cha'al ta xatsaquicun ta utel? ¿C'u cha'al ta xaq'uelbeic ava'iic yo'nton ti Diose?

Isaías 32:6

Ti buch'u mu'yuc xchiquin xa'i sbae, s'esomaj no'ox ta sjol ti c'usi chopol ta snop ta spasele. Ta sa'ilan ti c'u s'elan ta xmilvane, ti sjuteluc no'ox c'op yu'un ta stojol ti Diose. Jeche' smeyoj batel yoc sc'ob yu'un ti buch'u ta xcham ta vi'nale. Sts'icoj uch' vo' yu'un ti buch'u oy ta taqui ti'ile.

Isaías 37:29

Ti jech xcojtiquin ti sti'emal ajole, ti atoyobbaile, ta jxojbot va'i xot-xot taq'uin snitobil ani'. Ta xcac'bot sprenoal ave ta joybinot sutel ta be ti bu latale.”

Números 11:18

Ja' yu'un un, albo mantal ti jteclume ti ac'o stus smes sbaique. Yu'un ti oc'ome, ta sti'ic ti beq'uete. Yu'un laj xa ca'i ti xi x'oc'lajet ta xalique: ‘¡Toj lec ti oyuc ti beq'uet jti'tique! ¡Ja' to ox toj lec oyotic ti c'alal oyotic ta Egiptoe!’ Lec oy, ta xcac'be ti beq'uete yo' ta sti'ic.

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.

Números 21:7

Va'i un, batic ti bu oy ti Moisese ti xi laj yalbeique: —¡Laj xa jta jmulcutic ti chopol lic'opojcutic ta stojol ti Diose, xchi'uc ti chopol lic'opojcutic ta atojole! ¡C'anbo ti Diose ti ac'o sloq'ues ech'el ti jti'oval chon ta jtojolcutique! Ti Moisese laj sc'anbe ti Diose ti ac'o xch'aybe smul scolo'ic ti israeletique.

San Mateo 10:40

“Buch'uuc no'ox ti ta xayich'ic ta muq'ue, ta xiyich'un ta muc' ec. Ti buch'utic ta xiyich'ic ta muq'ue, ta xich'ic ta muc' ti Buch'u laj stacun talele.

San Mateo 9:4

Ti Jesuse sna'oj xa ono'ox ti c'u s'elan ta snopique. Xi laj sjac'bee: —¿C'u cha'al toj chopol ti snopobil avu'unique?

San Lucas 10:16

“Ti buch'utic ta xa'iic ti c'usi ta xavalique, ta xa'ibun ti jc'ope. Ti buch'utic mu xayaq'uic ta ventae, mu xiyaq'uic ta venta ec. Ti buch'utic mu xiyaq'uic ta ventae, ja' mu xaq'uic ta venta ti Buch'u laj stacun talele.”

San Juan 13:20

Ta xcalboxuc ava'iic ta melel, ti buch'u ta xich' ta muc' ti buch'u ta jtac batele, ta xiyich'un ta muc'. Ti buch'u ta xich'un ta muq'ue, ta xich' ta muc' ti Buch'u laj stacun talele.”

Romanos 13:2

Jech un, ti buch'utic ta stoy sbaic ta stojol ti ajvalil ti yich'oj yabtele, ta scontrain ti c'u s'elan laj spas mantal ti Diose. Ti buch'utic ta stoy sba ta stojole, mu ono'ox xcol ta stsitsel.

1 Corintios 10:10

Mi ja'uc xabic'tal c'opojic ta scontrainel Dios jech c'u cha'al bic'tal c'opojic ti jlom ta vo'nee, ti lajic ta milel yu'un ti jmilvanej ánjele.

1 Tesalonicenses 4:8

Ja' yu'un un cha'e, mi oy buch'u ta sbaj ta sten ti chanubtasel taje, ma'uc ta sbajbe sc'op jun vinic, ja' ta sbajbe sc'op Dios ti Buch'u laj yac'botic ti Xch'ul Espíritue.

1 Samuel 8:7

Ja'uc le' une, xi tac'bat talel yu'un ti Diose: “A'yibo sc'op ti jteclum ti c'usi ta sc'anbote, yu'un ma'uc ta xayictaic comel. Ta xiyictaicun comel yo' jech mu ta jventainic.