Éxodo 16:6 - Bible in Tzotzil de Chamula

⁶ Jech ti Moisese xchi'uc ti Aarone xi laj yalbeic ya'i ti israeletique: —Ti mal c'ac'al tana li'e, ta xana'ic ti ja' stuc Dios laj sloq'uesoxuc talel ta Egiptoe.

Bible in Tzotzil de Chenalhó with Deuterocanon

⁶ Li Moisés xchi'uc Aarone jech laj yalbeic scotol li israeletique: —Ta mal c'ac'ale xana'ic ti ja' jech ora la sloq'uesoxuc tal ta Egipto li Muc'ul Diose.

Éxodo 16:6 Iomraidhean Croise

Salmos 77:20

Co'ol s'elan lametel chij, laj atojobtas ta beinel ti ateclumal ta sventa ti Moisese, xchi'uc ti Aarone.

Salmos 81:11

“Le' une, ti jteclumale mu sc'an xa'iic ti jc'ope. Mu sc'an xch'unic ti Israel une.

Éxodo 12:51

Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Éxodo 16:3

ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Éxodo 16:8

Ti Moisese xi to laj sts'ac batel ti slo'ile: —Yu'un ti Diose ta xac' talel beq'uet ati'ic ta smalil c'ac'al. Ti ta sobe, ta xayac'boxuc ep ti c'usi xu' ta xameltsan ti avotique. Yu'un laj xa ya'i ta xchiquin ti xabic'tal c'opojic ta scontrainele. Mu smeloluc, ¿buch'u laj sva'anuncutic un cha'e? Yu'un ti jech xabic'tal c'opojic xa ta scontraineluncutique, ma'uc ta xacontrainuncutic, yu'un ja' ta xacontrainic ti Diose.

Éxodo 32:1

C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Éxodo 32:11

Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 32:7

Ja' yu'un un, ti Diose xi laj yalbe ti Moisese: —Batan, yalan batel, yu'un ti achi'iltac ti laj aloq'ues talel ta Egiptoe, laj xa soques sbaic.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Números 16:28

Va'i un, ti Moises xi lic yalolane: —Ti jech le'e, ta xcac' avilic ti ja' tacbilun talel yu'un ti Dios ta yaq'uel avilic ti c'usi ta xc'ot ta pasele, ti mu ja'uc jutebuc loq'uem ayanem ta co'nton jtuque.

Números 16:30

Yan ti mi oy c'usi ch'ayal ta xc'ot o'ntonal yu'un ti Dios ta spas ti ta sjav sba ech'el ti banomil yu'une, ti ta xbajic ochel xchi'uc scotol ti c'usi x'ayan yu'unique, ti cuxul ta xc'otic ti bu c'alal spajeb ti snatile, ja' to jech ta xana'ic, ti viniquetic li'e ja'ic laj sjipic laj stenic comel ti Diose.