Éxodo 16:3 - Bible in Tzotzil de Chamula

³ ti xi ta xalbeique: —¡Ja' lec ma' ti chamcuncutic yu'un ti Dios ta Egiptoe! Yu'un ti teye, jbej no'ox bin jbeq'uetcutic xichotetcutic, xchi'uc ta jti'cutic ti bu xa c'alal xal ti co'ntoncutique. Ja' no'ox un, ti vo'oxuque laj avic'uncutic talel ta sbajtical banomil yo' jech tal amiluncutic ta vi'nal jcotolcutic.

Bible in Tzotzil de Chenalhó with Deuterocanon

³ Jech laj yalic: —Ja' lec ti teuc no'ox laj yac' chamcuncutic ta Egipto li Muc'ul Diose. Tee jun no'ox co'ntoncutic chotoluncutic ta sts'el binal ti'bol chive'cutic, ja' to ti c'u yepal xnoj jch'utcutic oe. Li vo'oxuque laj avic'uncutic tal li' ta xocol banamil yu'un tal amiluncutic ta vi'nal jcotolcutic —xutic.

Éxodo 16:3 Iomraidhean Croise

2 Samuel 18:33

Mu x'ech' laj ya'i ti ajvalile. Muy batel ta jc'ol na ti oy ta xcha'cojal ti oy ta yac'ol ochebale, ti x'oc' xa liquele, ti xtal xbat xa ta xanobal ti xi ta xalilane: “¡Nich'on Absalón! ¡Nich'on Absalón! ¡C'u no'ox cha'al mu vu'ucun licham ti lic'ot ta aq'uexole! ¡Cuni nich'on, Absalón, cuni nich'on!”

Job 3:1

Ta jech yepal un, ti Jobe xvulvun liquel ta sbisel ta cotol chaval ti sc'ac'alil ti voc' talele.

Job 3:10

Biseuc ta cotol chaval ti ac'ubal ti ja' o livul ta voq'uele, mi ja'uc ta xquil ta jba ta jsat ti vi s'elan ti vocolajele.

Job 3:20

Ti Diose, ¿c'u cha'al ya'yel ta xac'be sq'uel saquil osil ti buch'u ta xlic yich' ti svocole? ¿C'u cha'al ya'yel ta xch'i xc'opoj yu'un ti buch'u ta xlic oc' avanuc yu'un ti svocole?

Salmos 107:5

Mu x'ech' ti vi'nal laj ya'iique, xchi'uc ti taqui ti'ile, ti jset'uc xa mu chamique.

Salmos 78:19

Xi lic c'opojicuc ta scontrainele: “¿Mi xu' la yu'un ta xlechan lequil ve'lil ta mexa li' ta sbajtical banomil ti Diose?

Salmos 78:25

Laj sve'beic span ánjeletic ti jnaclejetique. Ac'bat sve'ic yu'un Dios bu c'alal xal ti yo'ntonique.

Éxodo 14:11

Xi laj yalbeic ti Moisese: —¿Mi yu'un mu'yuc mucobbail ta Egipto ya'yel ti laj aloq'uesuncutic talel tey yo' xtal avac' chamcuncutic li' ta sbajtical banomile? ¿C'u cha'al jech laj apasbuncutic? ¿C'u cha'al laj aloq'uesuncutic talel ta Egipto?

Éxodo 17:3

Yu'un ta xlajic xa ta uch' vo' ti jteclume, ja' yu'un un, xi laj yalic ta scontrainel ti Moisese: —¿C'u cha'al laj aloq'uesuncutic talel ta Egipto? ¿C'u cha'al tal amiluncutic ta taqui ti'il jmoj xchi'uc ti calab jnich'nabcutique, xchi'uc scotol ti jchon jbolomcutique?

Éxodo 2:23

Ech' batel ti c'ac'ale, cham ti ajvalil yu'un jteclum Egiptoe. Ac'o mi jech un, ja' no'ox un, ti israeletique staoj yav x'ijetic to ta jic' o'nton yu'un ti oyic ta mosovile. Ja' yu'un un, ti Diose laj yil ti x'ijetic yu'un ti vocole.

Éxodo 5:21

Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Jeremías 2:6

Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Jeremías 42:14

ti xi ta xlic avalique: ‘Ja' xi smuc'ul ti bat naquicutic ta Egipto ti bu ch'abal letoe, ti bu mu junuc xava'i ta xbac' ti oq'uese, ti mu vi'naluc xca'i xijchamotique’,

Jeremías 44:17

Le'e, ta xcac'becutic yipal ta spasel ti c'usi jnopojcutique. Mu xquicta jbacutic ta yac'bel matanal pom, ta yac'bel matanal vino ti Sme' Vinajel jech c'u cha'al liquem ono'ox cu'uncutic talele, ti laj spasic talel ti jtot jme'cutic ta vo'nee, ti ajvaliletic cu'uncutique, ti banquilaletic yu'un ti Judae, jech c'u cha'al laj spasic ta scayeal ti Jerusalene. Oy no'ox ma' ti jve'el cuch'omcutic le' talel ta vo'nee. Mu'yuc quilojcutic ma' ti naca vocol no'ox ta xvul ta jtojolcutic une.

Lamentaciones 4:9

Ti buch'u cham lajic ta letoe, ech' xa ti svocolique. Ti buch'u ta xchamic ta vi'nale, mu x'ech' ta xa'i ti svocolique, yu'un naca xcham ta scoj ti mu'yuc c'usi staic ta lajesel ti c'usi x'ayan ta banomile.

Números 11:15

Ti mi ja' jech ta xapasbun batel le'e, ja' lec tuch'o ti jcuxleje, mi ta melel ti c'ux ta xava'iune. Va'i unbi, mu xa xquil ta jba ta jsat ti vocoletique.

Números 11:20

Ja' jun u sjalil ta sti'ic ti beq'uete, ja' to c'uxi x'ib ti yo'ntonique, ja' to c'uxi xloc' ta sni' ti xenelique. Yu'un laj sc'ac'al satiicun ti vu'un Ajvalilun ti oyun ta o'lol yu'unique, ti x'oc'olet xa ti xi ta xalic ca'ie: ‘¿C'u cha'al lijloc' talel ta Egipto?’

Números 14:2

Scotolic lic chopol c'opojicuc ta stojol ti Moisese xchi'uc ta stojol ti Aarón ti xi ta xalique: “¡Ti oc no'ox la ta alele teyuc lijchamotic ta Egiptoe, mi mo'oje, li'uc no'ox la ta sbajtical banomile!

Números 14:3

¿C'u cha'al ya'yel laj yic'otic talel ti Dios ta jteclum li'e? ¿Mi yu'un naca tal yac' lajcutic ta leto yo' ta x'och ta c'abal yu'un cajcontratic ti cantsiltique, ti jnich'nabtique? ¡Ja' xloc' venta ti sutcutic batel ta Egiptoe!”

Números 16:13

¿Mi yu'un ch'am xi no'ox la sc'oplal avaloj ti laj aloq'uesuncutic talel ta jun jteclum ti bu co'ol s'elan vo' ta xbein ti chu' vacaxe, ti ajapome, ti c'alal c'ajomal no'ox tal avac' chamcuncutic ta sbajtical banomile? Ma'uc no'ox taj xtoque, yu'un ta xabis aba ava'i ta jun banquilal ajvalil ta jtojolcutique.

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

Hechos 26:29

Xi laj yal ti Pabloe: —Mi ta liquel no'ox, mi ta sjalil ta xc'ot ta ch'unel avu'un, ti jechuc la sc'an ti Diose ti ma'uc no'ox ti vo'ote, ti jechuc la c'otuc ta stojol scotolic ti buch'utic ta xiya'ibeicun ti jc'op avi li'e jech c'u cha'al c'otem ta jtojol ti vu'une, ja' no'ox ti ma'ucuc ti carinae.

1 Corintios 4:8

Ti xaval yilele, jc'ulej xa xava'i abaic, ataojic xa scotol ti c'usi ta xac'anique, ajvalil xa xava'i abaic. Mu xa xac'an xavac'uncutic ta venta. Ti ajvalilucoxuc la ta melele, co'ol ta jpastic mantal ti jechuque.

2 Corintios 11:1

¡Ta lec no'ox, ts'icuc cuchuc avu'unic ti cuni chuvajil ta j'ech'ele! Jech melel, ts'icbeicun.

Deuteronomio 28:67

Bats'i yan sba ti xi'el ta xava'i ta j'ech'ele. Ti jech ta xavile, jech o xal ta xc'ot ta pasel ti xachi ta xaval ta sob ic'lumane: ‘¡Oc no'ox la ta alel ti ac'ubalticuc xa ti ic'luman une!’ Ja'uc ti ta ac'ubaltic une, xachi ta xavale: ‘¡Oc no'ox la ta alel ti sacubeluc xa ti osil une!’

Deuteronomio 8:3

Ac'o mi laj yac'bot avocolic, xchi'uc ta sts'iquel vi'nal yu'un, ts'acal to un, laj smalq'uinoxuc ta maná, ve'lil ti mu ja'uc jutebuc xavojtiquinique, mi ja'uc oy bu xojtiquinic ti amolmuc'totic ti laj ech'icuc ta vo'nee. Jech laj spas ti Dios taje, yo' jech ta xac' ana'ic ti ma'uc no'ox ta yip vaj ta xch'i xc'opoj ti vinique, ja' ta xch'i xc'opoj xchi'uc ta jujubel ti c'usi ta xloc' ta ye ta sti' ti Diose.

Josué 7:7

ti xi lic yalilan ti Josuee: —¡Teque' no'ox un, Cajval! ¿c'u cha'al jelav talel avu'un ta jot uc'um Jordán ti jteclum li'e? ¿Mi yu'un tal avac'uncutic ta yoc ta sc'ob ti amorreoetique yo' jech ta xistsutsesuncutic ta j'ech'ele? ¡Ja' lec jechuc ma' ti comcuncutic ta jot uc'um Jordane!