Éxodo 16:15 - Bible in Tzotzil de Chamula

¹⁵ Ti jech mu bac'ni xilic o ti israeletique, mu sna'ic c'usi ta xtun o. Ja' yu'un un, xi lic sjac'olanbe sbaique: “¿C'usi ti q'ue s'elan le'e?” Xi albatic yu'un ti Moisese: —Le'e, ja' c'ot ta xq'uexol avotic ti ta xac' atun alajesic ti Diose.

Bible in Tzotzil de Chenalhó with Deuterocanon

¹⁵ Li israeletique muc sna'ic c'usi ti c'alal laj yilique, jech laj yalbe sbaic: “¿C'usi le'e?”, xut sbaic. Li Moisese jech laj yal: —Le'e ja' manavaj laj yac' tal Muc'ul Dios sventa ta jve'tic.

Éxodo 16:15 Iomraidhean Croise

Nehemías 9:15

Laj avac'be ti ve'lil ti lic talel ta vinajele yo' jech ta snojes ti xch'utic yu'un ti vi'nale. Laj avac'be ti vo' ti loc' talel ta ch'ene yo' jech ta x'ech' ti taqui ti'il ta xa'iique. Ta jech yepal un, laj avalbe ya'i ti ta x'ochic ta yu'ninel ti jteclum ti avaloj ono'ox ta xu'ninique.

Nehemías 9:20

Ma'uc no'ox taje, laj avac'be ti alequil bijil yo' jech ta xtojobtasatic, ti mi ja'uc mu x'och ta ye ta sti'ic ti maná ti laj atac talele. Laj avac'be yuch' ti vo'e yo' jech ta x'ech' yu'unic ti taqui ti'il yu'unique.

Salmos 105:40

Laj sc'anbeic ve'lil, tacbatic talel muc'tiquil ubetic, xchi'uc vaj ti lic talel ta vinajele, nojesbat lec ti xch'utique.

Salmos 78:24

Xvajet vulel maná yu'un ta stojol ti steclumale, trigo ti lic talel ta vinajele yo' ta sve'ic yu'un.

Éxodo 16:31

Ti israeletique, maná, laj yac'beic sbi ti c'usi ta xc'ot stsobic talele. Yu'un sac ta q'uelel, xc'atajtic ta nich culantu yilel. Co'ol s'elan jayal pac'anbil bacubtasbil harina ti chi'chi'tic ta ajapome.

Éxodo 16:33

Yan ti Aarone xi albat eque: —Chapano junuc moch. Tic'o ochel cha'bochuc maná. Ts'acal to un, ac'o ta stojol ti Diose. Ac'o yich' q'uejel yo' ta sq'uelic ti anitilultaque.

Éxodo 16:4

Va'i un, ti Diose xi laj yalbe ya'i ti Moisese: —Ta xcac' taluc ve'lil ta vinajel. Ja' yu'un un, ti jnaclejetique, tsots sc'oplal jujun c'ac'al, ta xloq'uic batel ta stsobel ti c'u yepal ta stunesic ta sventa ti jujun c'ac'ale. Ta jc'an ta jq'uel ca'i buch'utic ta xch'unic ti c'u s'elan ta xich'ic albele, buch'utic mu'yuc.

Proverbios 9:5

“La' tunic lajesic ti jve'ele, xchi'uc ti vino laj jchapane.

Números 21:5

Jech o xal un, lic sjolic ta scontrainel ti Diose xchi'uc ti Moisese, ti xi lic yalilanique: —¿C'u cha'al laj aloq'uesuncutic talel ta Egipto? ¿Mi yu'un tal amiluncutic ta sbajtical banomil ya'yel? Yu'un ch'abal xa ti ca'alcutique, mi ja'uc jve'elcutic. ¡Yu'un xtaet xa ta slajesel ta xca'icutic ti ve'lil ti mu'yuc smuile!

San Lucas 12:30

Scotol ti va'i yepal taje, ja' batem yo'ntonic ta sa'el ti jnaclejetic li' ta banomile. Ja'uc ti vo'oxuque oy jun Atotic sna'oj lec scotol ti c'usitic ta xtun avu'unique.

San Juan 6:49

Ti amolmuc'totic ta vo'nee laj sve'ic ti maná ta xocol banomile. Manchuc mi jech un, chamic ono'ox.

San Juan 6:58

Ti pan ta xcal ti liquem talel ta vinajele, mu xco'olaj xchi'uc jech c'u cha'al ti maná laj sve'ic ti amolmuc'totic ta vo'nee, yu'un chamic ono'ox. Ti buch'u ta sve' ti pan li'e, ta xcuxi o sbatel osil.

1 Corintios 10:3

Ja' jech xtoc scotolic laj sve'ic ti ve'lil ti ac'batic yu'un ti Diose.

Deuteronomio 8:16

Yu'un ti ta sbajtical banomile, laj smalq'uinoxuc ta maná, ti ja' jun ve'lil ti mu'yuc laj yojtiquinic ti amolmuc'totic ti laj ech'icuc ta vo'nee. Jech laj spas ti Dios taje, yo' jech yamal ac'oplalic c'ot yu'un, xchi'uc ta sq'uelboxuc avo'ntonic, ti ja' c'ot ta alequilalic ta slajebe.

Deuteronomio 8:3

Ac'o mi laj yac'bot avocolic, xchi'uc ta sts'iquel vi'nal yu'un, ts'acal to un, laj smalq'uinoxuc ta maná, ve'lil ti mu ja'uc jutebuc xavojtiquinique, mi ja'uc oy bu xojtiquinic ti amolmuc'totic ti laj ech'icuc ta vo'nee. Jech laj spas ti Dios taje, yo' jech ta xac' ana'ic ti ma'uc no'ox ta yip vaj ta xch'i xc'opoj ti vinique, ja' ta xch'i xc'opoj xchi'uc ta jujubel ti c'usi ta xloc' ta ye ta sti' ti Diose.

Hebreos 9:4

Ti bu taje, oy jun altar meltsanbil ta oro sventa xchic'obil ti pome, xchi'uc xcaxail ti trate bonbil ta oro sbejele. Ta yut ti caxae, oy jun jarru meltsanbil ta oro ti bu tiq'uil ti manae. Tey tiq'uil xtoc ta yut caxa snabte' ti Aarón ti q'uelomaje, xchi'uc ti cha'pech ton ti bu ts'ibabil ti tratee.

Josué 5:12

Va'i un, ja' to jech ch'ay sc'oplal sve'el ti maná yu'unique. Ti jech jabil taje, ja' o yorail lic slajesic ti israeletic ti c'usi ta xch'i yu'un ti banomil ta Canaane.

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”