Éxodo 16:12 - Bible in Tzotzil de Chamula

¹² —Laj xa ca'i ti xbic'tal c'opojic xa ti israeletique. Ja' yu'un un, chi'ino ta lo'il ti xi xavalbe ya'ie: “Ta mal c'ac'al tanae, ta xave'ic ta beq'uet. Yan ti ta sobe, ta xave'ic ti jchop o ta vaje, ja' to ti c'uxi ta xnojic lec yu'une. Ja' to jech ta xana'ic ti vu'un Ajvalilune, ti ja' Diosun avu'unique.”

Bible in Tzotzil de Chenalhó with Deuterocanon

¹² —Laj xa ca'ay ti liquemic ta bic'talvulajetel li achi'iltaque. Jech xavalbe ya'yic: ‘Ta bat c'ac'al tanae chati'ic ti'bol. Sob oc'ome chave'ic manavaj, ja' ti c'u yepal xnoj ach'utic oe. Jech chana'ic o ti vu'un Muc'ul Diosun avu'unique’, uto —x'utat li Moisese.

Éxodo 16:12 Iomraidhean Croise

1 Reyes 20:28

C'alal jech taje, c'ot jun j'alc'op ti xi laj yalbe ya'i ti ajvalil yu'un ti Israele: —Ti Diose xi ta xale: ‘Ti loc' ta alel yu'unic ti sirioetic ti vitstical diosune, ti ma'ucun diosun yu'un ti stenleje, ta xcac'bot ta avoc ta ac'ob ti vi yepalic le'e. Ja' to jech ta xana' ti vu'un Ajvalilune.’

Salmos 105:40

Laj sc'anbeic ve'lil, tacbatic talel muc'tiquil ubetic, xchi'uc vaj ti lic talel ta vinajele, nojesbat lec ti xch'utique.

Éxodo 12:6

Chabiic to me un, yu'un ja' to ta xtun ta xchanlajunebal (14) sc'ac'alil ti u taje. Yu'un ti jech c'ac'ale, scotolic jujucot ta smilic ta smalil c'ac'al sjunul ti Israele.

Éxodo 16:11

Va'i un, ti Diose xi laj yalbe ya'i ti c'alal laj sc'opon talel ti Moisese:

Éxodo 4:5

Laj xtoc un, xi albat yu'un ti Diose: —Le'e, ja' to jech ta xch'unic ti laj yac' sba iluc ti Dios ta atojolale, ja' ti Dios yu'un ti amolmuc'totaque, Dios yu'un ti Abrahame, ti Isaaque, ti Jacobe.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Jeremías 31:24

Ta xnaquiic liquel un ti j'abteletic ta osil banomile, ti jq'uel-chijetique, xchi'uc ti c'u yepal jnaclejetic ta Judae, ti bic'tal lumetic yu'une.

Ezequiel 34:30

Va'i unbi, ta xlic sna'ic vu'un ti Ajvalilune, Diosun yu'unic, ti jva'anoj jba ta stojolique, ti ja' jteclumal ti Israele. Ti vu'un Ajvalilune, mu lo'iluc no'ox ta xcal.

Ezequiel 35:13

Laj ca'i ti xbet'bun no'ox ave stsaquelun ta c'ope, ti mu'yuc spajeb xavulvun ta scontrainelune.

Ezequiel 39:22

Ta xlic yilic Israel ti vu'un Ajvalilune, Diosun yu'unic ta yorail taje.

Joel 3:17

Xi ta xal xtoc ti Diose: “Ja' jech ta xana' ti vo'oxuc ti vu'un Ajvalil Diosun avu'unique, ti nacalun ta vits Sión ti ja' jch'ul vitse. Jech ti Jerusalén ti ja' jun ch'ul jteclume, xi s'elan ta xc'ot ta pasel cu'une: ta j'ech'el mi ja'uc xa ta xlic yu'ninic ti jyanlumetique.

Levítico 11:44

Yu'un vu'un ti Ajvalilune, ti Dios avu'unique, tsots sc'oplal ti oyuc ach'ulelic ta stuc'ulanel abaique, yu'un Ch'ul Diosun. Mu xavac'be aba avocolic ta soquesel abaic ta scoj jtosuc ti chonetic ti xjochet ta banomil ta xanave.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Números 11:4

Ta stojolic ti israeletique, ep xa scapoj sbaic ti yantic o ti c'u s'elan ti stalelic yich'ojic talele, ti ve'lil no'ox snopoltaojique. Jech ti israeletique laj xchanbeic yo'ntonic ti x'oc'oletic xa liquel ti xi lic yalique: “¡Ti oc no'ox la c'uxi ta utel ti yacal xa ta xijve' ta beq'uet une!

Números 14:27

—¿C'u to sjalil ta jts'ic ti xvulajetic ti jsoquesvanej israeletic li'e? Ca'binoj xa ti ta xischopol-c'optaique.