Éxodo 15:8 - Bible in Tzotzil de Chamula

⁸ Yu'un ta yic'al ave laj avuch'ta ti vo'e yo' jech laj spas sba ta cha'ch'ac; yu'un ti syuc'benaltaque lic joybijuc ta smac ti vo'e; yu'un j'ech'el lec tselel jelavel ta o'lol nab.

Bible in Tzotzil de Chenalhó with Deuterocanon

⁸ Laj ajuch'ta ta yic'al ave li vo'e jech la stsob sba; li yip nabe la sva'an sba muyel jech chac c'u cha'al ton. Li o'lol ya'lel natil nabe la spat sba.

Éxodo 15:8 Iomraidhean Croise

2 Samuel 22:16

Stuc xa yav t'ajal com snabil ti nabe; xvinaj xa ta q'uelel com yoyaltac ti banomile, ta sventa ti xi'el xac' sc'opojel ti Diose, ta sventa ti oy c'usi tsots xjumet no'ox laj yac' taluque.

Job 4:9

Ta x'ilbat svocol ta sventa sc'ac'al yo'nton ti Diose, ti ta stsutsesatic ta j'ech'ele.

Salmos 33:7

Ta stsob ta jmoj ti vo'etique; ta xc'ot ta jun muc'ul nab yu'un.

Salmos 78:13

Laj spas ta cha'ch'ac ti nabe, ech'ic jelavel yu'un un, co'ol s'elan jun pac'bal c'ot c'alal laj spajes sba yoc ti vo' yu'une.

Éxodo 14:29

Ac'o mi jech un, taquin banomil ech' xtuch'ic nab ti israeletique. Yu'un yijubem lec smac ta jujujot ti vo'e, co'ol s'elan ti oy ta bats'i c'obe, ti oy ta ts'et c'obe.

Isaías 11:4

Ta stuq'uilal ta yutsilal, ta stic' sba ta xchapanel ti buch'utic mu sna'ic c'u s'elan ta spac ti sc'oplalique; ta stic' sba ta spojel ta xchapanbel sc'op ti c'usitic c'otem ta yu'unic ti me'un mu'nat ti oy ta lume. Ta yip sc'op ta stsits ti buch'u cajal ye sti' xa'i sbae, ti co'ol to s'elan jmoj te' ti xc'avlij ta xc'ote; ta yic'al no'ox ye ta xcham yu'un ti buch'u toj chopol xa'i sbae.

Isaías 37:7

Q'uelo avil, vu'un ta jbain ti xpuquet no'ox liquel lo'il a'yej ti stsic'luj liquel ti yo'ntone, xchi'uc ti mu xa ta yocuc ta xa'i ta sut batel ta steclumale, ti naca xa ta xc'ot yac' sjol sbaquil cu'un ti bu taje.’ ”

Habacuc 3:10

Xnicnun no'ox ti vitsetic ti c'alal ta xilote; xchajet no'ox ta xyal talel ta vinajel ti chaquilo' ti ta xvul ta banomile. Jech xtoc ti natil nabe xpumlajet no'ox ta spas avu'un ti c'alal natic no'ox ti xva'i xcotie.

Habacuc 3:15

Ta xaxanilta xchi'uc aca'tac ti muc' ta nab ti mu no'ox albajuc ti sjamalile, ti xvocan no'ox ti vo'e.

2 Tesalonicenses 2:8

Va'i un, c'alal mi laj yich' loq'uesel ti Buch'u smacoj to ta bee, ja' o ta xvul ta loq'uel ti me'mulil vinique, ti ta xmile ta yic'al ye ta yutsilal xojobal ti Cajvaltic Jesús c'alal ta xcha'sut talele.

Josué 3:13

C'alal ta sts'aj yoquic ta vo' ti paleetic ti xchechojic batel xcaxa Dios yu'un ti sbejel banomile, ta spas ta cha'ch'ac ti uc'ume. Ti yoc ta xanav talel ta ac'ole, ta xpaj, ti co'ol to s'elan macbil ta xc'ot yilele.”

Josué 3:16

Ti yoc ti ta xlic talel ta ac'ole, nom to xil ti Adam ti ja' jun jteclum ti nopol xil sbaic xchi'uc ti pojobbail ti oy ta Saretane. Ti yoc taje lic pajuc, ti co'ol to s'elan macbil c'ot yilele. Ja'uc ti yoc ta xanav yalel ta stuq'uil Sts'ijlajan Nabe, x'oquin ono'ox ta xanav batel, ja' to ti c'uxi laje. Ja' jech c'ot ta pasel ti laj xch'ac sba yoc ti uc'ume. Jech ti israeletique ta yeloval jteclum Jericó ech' xtuch'ic ti uc'ume.