Éxodo 15:7 - Bible in Tzotzil de Chamula

⁷ Yu'un ta amuc'ul atsatsal, laj atsal ti buch'utic ta scontrainote; laj aloq'ues ti sc'ac'al avo'nton ta stojolique, ti c'aq'uic ta j'ech'el jech c'u cha'al ti jobele.

Bible in Tzotzil de Chenalhó with Deuterocanon

⁷ Ta amuc'ul atsatsal laj avules li boch'o la sva'lebinote; itsan li sc'ac'al avo'nton yu'unique. Li stuquique ic'aq'uic jech chac c'u cha'al taqui jobel.

Éxodo 15:7 Iomraidhean Croise

Job 9:4

Ti Diose, jelavem smuc'ul stsatsal, jelavem sbijil, ¿mi oy la buch'u xu' xtac'tun xa ta stsacolan ta c'op, mi ch'an no'ox la x'ute?

Salmos 148:13

Acotolicuc, lequil c'opojanic ta sventa ti Diose, yu'un stuc no'ox oy ta toyol ti sc'oplale. Ti yutsilale, ja' xcom ta be ti vinajel banomile.

Salmos 59:13

Ta sc'ac'aluc avo'nton, tsutseso, ch'aybo sc'oplal ta j'ech'el un. Tubuc ta j'ech'el ti sts'unubalique. Yich'uc na'el, ti Ajvalile, ja' Dios yu'un ti Jacobe, xchi'uc ti bu xa jujuti' oy ti banomile.

Salmos 68:33

ti Buch'u xcajet ta vinajel ta xanave, ti vinajeletic sventa sbatel osile. Tsots ta j'ech'el ti sc'opojele, a'yio ava'iic c'u s'elan xvo'o'et ti sc'opojele.

Salmos 83:13

Dios Cajval, paso ta stojolic un, baleticuc batel jech c'u cha'al jun ch'ix, jech c'u cha'al junuc taquin yanalte' ti bec'bil ta xbat ta iq'ue,

Éxodo 14:27

Ti Moisese laj xlich' batel sc'ob ta sba ti nabe. Ti c'alal yorail ta xjatavic loq'uel ya'iic ti egipcioetique, macal c'otic ta be yu'un ti nabe. Mut'iatic ta vo' yu'un ti Diose. Ja' yu'un un, ti c'alal sacub ti osile, sta xa yav ti c'u ono'ox s'elan ti nabe.

Éxodo 5:12

Jech ti israeletique tanijic ta sbejel Egipto ta sa'el c'ajben yo' jech ta stunesic ta sventa sjobelal ti xamite.

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Isaías 37:17

Ts'etanbun ani' achiquin, a'yibun jc'op. Ac'o talel asat avelov, Cajval, tuc'ulano lec ava'i. C'otuc ta ani' achiquin ti va'i s'elan ta sbisot ta cotol chaval ta scontrainelot ti laj stac talel ta yalel ti Senaqueribe. Yu'un scotol ti c'usi laj yale, ja' c'opetic acontrainel ti cuxul Diosote.

Isaías 37:23

¿Buch'u la avaloj ti laj asa'be ti smule, ti laj asoquesbe ti yo'ntone? ¿Buch'u la avaloj ti laj atoy ave ati' ta stojole, ti xnelet no'ox asat laj atoy aba ta stojole? Yu'un ja' laj acontrain ti Ch'ul Dios yu'un ti Israele.

Isaías 37:29

Ti jech xcojtiquin ti sti'emal ajole, ti atoyobbaile, ta jxojbot va'i xot-xot taq'uin snitobil ani'. Ta xcac'bot sprenoal ave ta joybinot sutel ta be ti bu latale.”

Isaías 37:36

Ti yaj'ánjel Diose loc' batel, laj smil vo'ob yo'lajunvinic ta mil (185,000) asirio viniquetic ti bu lamalique. Ti ta yoc'omal une, scotolic chamem sacub.

Isaías 37:38

Oy jun c'ac'al ti c'alal ja' o ta xc'opoj xti'in ta xch'ulna ti Nisroc ti ja' yajdiose, ti Adrameleque, xchi'uc ti Sarezere batic ec. Laj smilic comel ti stotique. Jatavic batel ta yosilal Ararat. Ts'acal to un, ja' lic xcuch abtel ta ajvalil ti Esarhadón ti ja' xnich'one.

Isaías 47:14

Ja'uc le' une, xi s'elanique: Q'uelo avil lec, co'ol s'elanic jech c'u cha'al ti taquin jobele: Ch'ab xi sc'oplal yu'un ti c'oq'ue. J'ech'el mi ja'uc ta xcolic yu'un ma' ti slebe, yu'un ma'uc yac'alil c'oc' ti chot xi xa ta sts'el ta sc'atinele.

Isaías 5:16

Ti Dios ti scotol xu' yu'une ta xac' ta ilel ti smuc'ul stsatsal ti c'alal ta xich' ti eale. Ti ch'ul Diose ta xac' ta ilel ti yutsilal slequilal ti c'alal yacal ta xchapanvane.

Isaías 5:24

Jech o xal un, jech c'u cha'al ti c'oq'ue ti naca xchic' no'ox batel ti jobele, ti slebe ti naca xchic' no'ox batel ti taquin yanal te'e, jech ta xavich' ti avocolique jech c'u cha'al ti te' taquin xa xchi'uc ti yibel ta xc'aq'ue, ti xvajet no'ox batel ti xnich jech c'u cha'al ti pucuque. Yu'un laj abajic, laj atenic ti chanubtasel yu'un Dios ti scotol xu' yu'une, ti ch'ul Dios yu'un ti Israele.

Jeremías 10:6

Dios, mu'yuc xa buch'u xtal jech ti xi c'otemote: ti vo'ote oy amuc'ul, ti ac'oplale, muc' ta j'ech'el, jelavem xu' avu'un.

Miqueas 4:11

Avi tana le'e, laj xa stsob sba epal lum ta scontrainelot ti xi ta xalique: “Xlaet to ya'yel ti ta to xquiltic ta jba ta jsatic ti soquem ta xcom sc'oplal ti Jerusalene.”

Zacarías 14:3

Ts'acal to un, ta xvul ta loq'uel ti Dios ti ta stsac ta leto ti muc'tiquil lum taje jech c'u cha'al junuc jtsacvanej ta letovajel ti c'alal xc'ot ti sc'ac'alile.

Zacarías 14:8

Va'i un, ti ta jteclum Jerusalene, ta xlic tucuc talel sat vo' ti jun no'ox yutsil siquete, ti x'oquin no'ox yoc ti c'alal yorail scomil ti c'ac'ale, ti c'alal snatil ti c'ac'ale. Ti o'lol yoque ta x'oquin ech'el ti bu sbiinoj Chamem Nabe. Yu'un ti o'lol yoque ta x'oquin ech'el ti bu sbiinoj Nab Mediterráneoe.

Zacarías 2:8

Ti Dios ti scotol xu' yu'une laj stacun talel ta stojol ti jteclum ti buch'u laj spojboxuc ti c'usitic x'ayan avu'unique, ti xi ta xich' albel ya'i ta sventa ti Diose: “Buch'uuc no'ox ta sta ta tijel ti jteclumale, ja' ta sta ta tijel ti yuninal jsate.

Malaquías 4:1

Ti Dios ti scotol xu' yu'une xi ta xale: “Ta xnopaj talel sc'ac'alil yorail ti oy bu co'ol s'elan stilemal sc'ac'al jornoe. Ta xc'aq'uic scotol ti buch'utic toyobbaique, xchi'uc ti buch'utic mu'yuc xch'ulel xa'i sbaique, ti natic no'ox sleb ta xtil jech c'u cha'al ta xc'ac' ti jobele. Ti jech ta xvul ta loq'uel ti jech c'ac'al taje, ta xchic'atic, ti mi ja'uc jutebuc xvinaj bu bate.

San Mateo 3:12

Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

Hechos 9:4

Toj yalel ta lum ti Sauloe. Laj ya'i ti oy Buch'u c'opoj ti xi ta xale: “Saulo, Saulo, ¿c'u cha'al avac'ojbe yipal ta snutselun?”

Deuteronomio 33:26

“Ta j'ech'el mu'yuc c'usi stac' co'oltasel Dios yu'un ti Jesurune, ti tsots yabtel yich'oj ti xcajet no'ox talel ta ba toc ti oy ta vinajele yo' ta xtal scoltaot.

Deuteronomio 4:24

Yu'un ti Ajvalil Dios avu'unique, ja' jun Dios ti mu sc'an ta xavac' abaic ta stojol yan. ¡Ja' jun c'oc' ti xlilij yu'un scotole!

Hebreos 12:29

Yu'un ti Dios cu'untique, ja' c'oc' ti xu' ta slilin scotole.