Éxodo 15:6 - Bible in Tzotzil de Chamula

⁶ Le' une, Cajval, ja' yip stsatsal ach'ul bats'i c'ob ti laj alilin ti jcontrainvaneje.

Bible in Tzotzil de Chenalhó with Deuterocanon

⁶ Muc'ul Dios, ta stsatsal svu'el abats'ic'ob laj alilin li avajcontrataque.

Éxodo 15:6 Iomraidhean Croise

Salmos 17:7

Ac'bun quil ti syail xc'uxul avo'nton une, ti ta xapoj yu'un scontra ti buch'u ta sa' spojel ta sventa ti amuc'ul atsatsale.

Salmos 2:9

Co'ol a'elan junuc taq'uin vaxton ta xatsutses ti ajvaliletique, ti stuc slilijemal busul ta xcom avu'un jech c'u cha'al ti lumal binetique.”

Salmos 24:8

¿Buch'u ti nichimal Ajvalil un cha'e? Ja' ti Diose, ti tsots xu' yu'une, ti mu'yuc xi'el ta yo'ntone, ja' ti Diose, ti mu sna' xi' ta letovajele.

Salmos 44:3

Laj yu'ninic ti banomile, ti tsalvanem c'otique; ma'uc ta sventa yip ti yoc sc'obique, mi ja'uc ti yespadaique. Laj yu'ninic un ta sventa ti amuc'ul atsatsale xchi'uc ti yipal avu'une, ta sventa ti xchijlajan no'ox ti axojobale, ti mu tenbaj tuch'baj ta avo'nton ta xava'ie.

Salmos 44:4

Ti Ajvalilote, ti Diosot cu'un une, jtsalvanej c'ot avu'un ti ateclumale.

Salmos 60:5

Paco sutel un, pojuncutic ta sventa ti amuc'ul atsatsale. C'otuc ta pojel avu'un ti buch'u mu xastuch'ot ta yo'ntone.

Salmos 74:11

¿C'u cha'al nac'al avu'un smuc'ul stsatsal ti avoc ac'ob une? ¿C'u cha'al ya'luc un ameyoj ti ac'ob une?

Salmos 77:10

Ti bu toj c'ux ta xca'i ta j'ech'ele, ja' ti c'alal ta jnop ti Buch'u oy ta toyole ti laj xa syanijes sba ta jtojolcutique.

Salmos 89:14

Ta sventa ti atuq'uil alequilale, oyot ta ventainvanej; ti syail xc'uxul avo'nton une, ti melel xavale, ta xvinaj ta sventa ti c'usi ta xapase.

Salmos 98:1

Q'uejintaic ta junuc ach' q'uejimol ti Diose, ch'ayal o'ntonal yu'un ti c'usitic ta spase. Tsalvanem c'ot ta sventa ti jelavem smuc'ul stsatsal xchi'uc ti xch'ul c'obe.

Éxodo 15:11

Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Éxodo 15:12

Yu'un laj abusanbe ta sba ti amuc'ul atsatsale, ti j'ech'el laj yac' o ti sjol sbaquilic ta lum ach'ele.

Éxodo 15:16

Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Isaías 30:14

Ta xavich'ic lilinel ta j'ech'el jech c'u cha'al junuc jarru bin ta xlilij, ti mu'yuc xa ta xcom ti sjepelule. Mi ja'uc xa jutebuc ta xtun xet'elul ti ta sloq'uesobil ac'al ta yavil ti c'oq'ue, mi ja'uc ti ta xtun ta pulobil vo' ta joq'ue.”

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Isaías 52:10

Yu'un ti Diose laj yac' ta ilel smuc'ul stsatsal ta sba ta sat scotol ti muc'tiquil lumetique. Yu'un scotol banomil ta sna'ic ti ja' jpojvanej cu'untic ti Diose.

Isaías 63:12

¿Bu oy ti Buch'u laj yac'be ta sba Moisés ti yutsilale, ti smuc'ul stsatsale? ¿Bu oy ti Buch'u laj xch'ac ta o'lol ti muc' ta nab ta sba ta sat ti steclumale yo' ta xc'ot ta pasel sbatel osil ta xpuc ti sc'oplalique?

Jeremías 13:14

Ts'acal to un, ta xich' contrainel ta jujun. Mu'yuc ta alel mi totil, mi nich'nabil, ta jbal ya'iic ta lilinel scotol jech c'u cha'al ta xich' voq'uel ti bine. Laj to sc'oplal ma' ti xc'uxul o'ntonal ta stojolique. Mu'yuc xa xc'uxulil ti xpich' to o'ntonal ta jlilinic ta j'ech'el une. Mu stselbuj jc'op ma' ti vu'un Diosun une.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Apocalipsis 2:27

jech c'u cha'al laj yac'bun cabtel ti Jtote. Jech tsots ta xich' yabtelic, jbel xc'opojic ta spasel ta mantal ti jnaclejetic ta banomil ti co'ol s'elan tsatsal taq'uin ti cajal ta xc'ot ta sba ti bine, ti toj lilijel ta xc'ote.

1 Samuel 2:10

Ti Diose ta slilin ti yajcontrae; ta vinajel to, xc'avlajet no'ox liquel yu'un ti chauc ta xac' vuluc ta stojolique. Ti Diose sbainoj ta xchapanel scotol ti banomile; ta xac'be yip ti ajvalil ti laj st'uje, ti jelavem ta j'ech'el ti smuc'ul stsatsal ta xac'bee.”