Éxodo 15:25 - Bible in Tzotzil de Chamula

²⁵ Va'i un, ti Moisese laj sc'anbe ti ac'o coltaatuc yu'un ti Diose. Jech ti Diose laj yac' iluc jpets te'. Ti jpets uni te'e, laj sjip ochel ta vo' ti Moisese, lecub ti vo' xtoque. Ti bu taje, lic q'uelbaticuc yo'ntonic yu'un ti Diose, ti ac'batic jun mantal ti lecuc ac'o spas sbaique.

Bible in Tzotzil de Chenalhó with Deuterocanon

²⁵ Li Moisese te lic sc'anbe vocol li Muc'ul Diose, jech i'ac'bat yil jpets te'. Bat sts'aj ta vo' li te'e, jech lec chi' icom li vo'e. Ja' te iq'uelbat yo'ntonic yu'un li Diose. I'albatic jun mantal li c'usi tsc'an tspasique.

Éxodo 15:25 Iomraidhean Croise

2 Reyes 2:21

ti Eliseoe bat ta sat vo', ti xi laj yal ti c'alal laj sjip ochel ti ats'ame: —Xi ta xal ti Diose: ‘Laj xa jlecubtas ti vo' li'e. Ta j'ech'el xc'ot ta pasel ti mu ja'uc xa ta xchamesvane. Mi ja'uc xa ta soques ti banomile.’

2 Reyes 4:41

Ja'uc ti Eliseoe xi lic yale: —Ich'beicun talel jutebuc ninal trigo. Laj stic' ochel ti ninal trigo ta bine, ti xi laj yale: —¡Ac'beic slajesic ti c'u yepal li' oyic tanae! Ti c'u yepal oyique laj slo'ic. Ma'uc xa jun jmilvanej ma' ti ve'lil oy ta bine.

2 Reyes 6:6

—¿Bu baj yalel un? —xi laj sjac' ti j'alc'ope. Ti june laj yac' iluc ti bu baj yalele. Va'i un, ti Eliseoe laj set talel jun te'. Laj sts'aj yalel ti bu yal ech'ele. C'ot ta pasel ti xcajet muyel talel ta ba vo' yu'un ti eq'uele.

Salmos 50:15

Taun ta c'oponel ta ti'inel ti c'alal oy c'usi chopol ta xc'ot ta atojole, ta jtic' jba ta apojel, ja' to jech ta xlic alequil c'optaun.”

Salmos 66:10

Cajval Dios, laj xa avac'uncutic ta lajeltsael; bec'bil xa loc' quic'obalcutic jech c'u cha'al ta xich' vosesbel sc'a'epal ti platae.

Salmos 81:7

Laj ac'anbun vocol ti ilbajinbilote, laj jtic' jba ta apojel un; laj jtac'bot talel ta toc ti bu xc'avlajet ti chauc une; laj jq'uelbot avo'nton ta sts'el vo' ti sbiinoj Meribae.

Salmos 91:15

C'alal ta xiyavtaune, ta jtac'be, ta jva'an jba ta stojol. Ta jpoj ta jcolta ti oy ta vocole, ta xcac' ta ich'el ta muc'.

Salmos 99:6

C'otic ta yajpaletac ti Moisese xchi'uc ti Aarone. Ti c'u yepal ta xlequil-c'opojic ta stojole, oy ta venta ec ti Samuele. C'alal ta sc'anic ti coltaele, ta xtac'batic talel yu'un ti Diose.

Éxodo 14:10

C'alal laj yilic ti israeletic ti nopol xa xtal snutselic yu'un ti faraone xchi'uc ti egipcioetique, toj xi'el c'otic. Laj sc'anic coltael ta stojol ti Diose.

Éxodo 16:4

Va'i un, ti Diose xi laj yalbe ya'i ti Moisese: —Ta xcac' taluc ve'lil ta vinajel. Ja' yu'un un, ti jnaclejetique, tsots sc'oplal jujun c'ac'al, ta xloq'uic batel ta stsobel ti c'u yepal ta stunesic ta sventa ti jujun c'ac'ale. Ta jc'an ta jq'uel ca'i buch'utic ta xch'unic ti c'u s'elan ta xich'ic albele, buch'utic mu'yuc.

Éxodo 17:4

C'alal c'opoj ti'in ta stojol Dios ti Moisese, xi xvulvun liquele: —¿C'usi xu' ta jpas ta stojol ti lum israeletic li'e? ¡Yu'un ti li'e, chapal xa jc'oplal ti ta xismilicun ta tone!

Éxodo 20:20

Ti Moisese xi laj staq'ue: —Mu xaxi'ic. Yu'un ti Diose tal sq'uel avo'ntonic yo' jech ac'o axi'taic, yo' mu xasa' amulic.

Proverbios 17:3

Ti oroe, ti platae, ta c'oc' ta xvinaj mi staoj yav ja' bats'i oro, plata; ti Diose sbainoj ta slajeltsael bu oy ti o'ntonale.

Jeremías 15:1

Ti Diose xi laj yalbune: “Manchuc mi ta xtal sva'an sbaic ta jtojol ti Moisese, ti Samuele, mi ja'uc ta xc'uxubaj co'nton yu'un ti jteclum li'e. Albo ya'i, loq'uicuc batel ta jtojol, baticuc.

Jeremías 9:7

Jech o xal ti vu'un Diosun ti scotol xu' cu'une, xi ta xcale: ¿Mi oy to la c'usi stac' ta jpas ta stojol ti jteclumal li' une, ja' xa xna'un xa'iic ta jtiq'uic ochel ta c'oc' yo' ta xtuq'uibique?

Ezequiel 47:7

Laj quil yepal no'ox te'tic oy ta xcha'jotal sti'il ti uc'ume.

Ezequiel 47:8

Va'i un, xi laj yalbune: “Ti yoc uc'um stamoj batel ta stuq'uil sloq'ueb c'ac'ale, ta xc'ot stsob sba yoc xchi'uc ti Jordane. Ta xc'ot ta tsutsel yoc ti sbiinoj Sts'ijlajan Nabe. C'alal ta xc'ot teye, ta xlecub ti ya'lel nab ts'anale.

1 Corintios 1:18

Ti sc'oplal cham ta curus ti Cristoe, lo'il no'ox ta xa'iic ti buch'utic ch'ayel ta xbatique. Ja'uc ti vo'otic ti jch'unojtic ta xijcole, ja' smuc'ul stsatsal ti Diose.

Deuteronomio 13:3

mu me ja'uc un ti toj c'otel ta avo'ntonique. Yu'un ti Ajvalil Dios avu'unique ta sc'an ta sq'uel ya'i avo'ntonic mi c'ux ta xava'iic ta sjunul avo'ntonic, ta sjunul ach'ulelic.

Deuteronomio 8:16

Yu'un ti ta sbajtical banomile, laj smalq'uinoxuc ta maná, ti ja' jun ve'lil ti mu'yuc laj yojtiquinic ti amolmuc'totic ti laj ech'icuc ta vo'nee. Jech laj spas ti Dios taje, yo' jech yamal ac'oplalic c'ot yu'un, xchi'uc ta sq'uelboxuc avo'ntonic, ti ja' c'ot ta alequilalic ta slajebe.

Deuteronomio 8:2

Mu me xch'ay xava'iic scotol ti bu c'alal la'ech'ic ta xanubal yu'un ti Ajvalil Dios avu'unic ti cha'vinic (40) jabil ta sbajtical banomile, yo' jech yamal no'ox c'ot ac'oplalic yu'un xchi'uc ta sq'uelel avo'ntonic, yo' jech ta xojtiquin c'u s'elan snopobil avu'unique, xchi'uc ta sna'el mi ta xc'ot ta pasel avu'unic ti smantaltaque, mi mu'yuc.

Jueces 2:22

Ti va'i s'elan taje, ta sc'an ta sq'uel ya'i ti Diose mi ta xlic ts'acliatuc yu'un ti Israel jech c'u cha'al laj spasic ti smolmuc'totic ta ba'yele, mi mo'oj.

Jueces 3:1

Li'e, ja' sc'oplal ti jteclumetic ti oy ta banomil ti mu'yuc xtijatic ta c'op yu'un ti Diose yo' jech ta xq'uelbat yo'ntonic ti israeletic ti mu'yuc to ox voq'uemic ti c'alal laj yich' u'ninel ti jteclum Canaane.

Jueces 3:4

Ti jech comic taje, yo' jech ta xq'uelbat yo'ntonic ti israeletic ti vinajuc mi ta xch'unbat ti smantaltac ti ac'batic comel ta sventa Moisés ti smolmuc'totique.