Éxodo 15:21 - Bible in Tzotzil de Chamula

²¹ ti c'alal ja' o xi ta xnitatic ta q'uejimole: “Q'uejinanic yu'un ti Diose, yu'un ch'ayal c'ot o'ntonal ti c'u s'elan pojvan ti c'alal laj smut'i ta nab ti ca'etique xchi'uc ti yajvale.”

Bible in Tzotzil de Chenalhó with Deuterocanon

²¹ Ja' jech la sq'uejinta: “Q'uejinanic sventa chquich'tic ta muc' li Muc'ul Diose, yu'un toj jun yutsil ti c'u x'elan itsalvane. Ja' ti la smuc ta nab xchi'uc yajvaltac li ca'etique”, xi li sq'ueoje.

Éxodo 15:21 Iomraidhean Croise

2 Samuel 1:20

Mu me xvinaj batel sc'oplal avu'unic c'alal to ta jteclum Gat, mi ja'uc xalo'iltaic ech'el sc'oplal ta scalleal Ascalone, yo' jech mu xmuyubajicuc xa ti filistea antsetique, mi ja'uc ti xbitic xa ta muyubajel ti jeche' antsetic taje.

2 Samuel 6:14

Ja'uc ti Davide slapoj ech'el ti luchbil jayal saquil c'u'ile, ti x'ac'otaj no'ox ti bu xa c'alal xu' yu'une.

2 Crónicas 5:13

Va'i un, jmoj vololic scotolic, lic yoq'uisanic ti oq'uese, ti jun no'ox snuq'uic lic q'uejinicuque, ta yalbel coliyal ti Diose. Xnic no'ox liquel ti oq'uese, ti set-set taq'uinetique, xchi'uc ti yan c'usitic ep ta tos vobetic ti c'alal xi yacal ta xq'uejinique: “Lequil c'optabiluc ti Diose, yu'un toj lec yo'nton. Sbatel osil oy syail xc'uxul yo'nton.” Ta jech no'ox yepal un, volibil c'ot ta toc xch'ulna ti Diose.

Salmos 76:6

Ti c'alal ta xatsacvan ta leto vo'ote, Dios yu'un Jacob, mi ja'uc xa junuc carreta, mi jcotuc ca' ta xbac' xchi'uquic ta stunesel.

Éxodo 15:1

Va'i un, ti Moisese xchi'uc ti israeletique, xi lic q'uejinicuc ta sventa yich'el ta muc' ti Diose: “Ta xiq'uejin ta yich'el ta muc' ti Diose, yu'un ch'ayal c'ot o'ntonal yu'un ti c'u s'elan pojvan ti c'alal laj smut'i ta nab ti ca'etic xchi'uc ti yajvaltaque.

Éxodo 15:4

Ti Diose laj smut'i ta nab ti carretaetique xchi'uc ti soldadoetic yu'un ti faraone; ti bijil jpas-mantaletic yu'une jic'avic ta Tsajal Nab.

Apocalipsis 14:3

Ta sq'uejintaic jun ach' q'uejimol ta stojol ti Buch'u chotol ta muc' ta chotlebale, ta stojol ti c'usi chanib cuxajtique, ta stojol ti moletique. Mi junuc oy buch'u xchan yu'un ma' ti q'uejimole. C'ajomal no'ox sna'ic sq'uejintael ti chanib xvaxacvinic mil (144,000) ta vo' ti buch'utic pojeic loq'uel ta stojol ti buch'utic oyic li' ta banomile.

Apocalipsis 15:3

Tey ta sq'uejintabeic sq'uejimol ti Moisés ti yajtunel ti Diose, xchi'uc sq'uejimol ti jcot ta Uni Chij ti xi ta xalique: “Cajval, Ch'ul Dios ti scotol xu' avu'une, jun yutsil, mu no'ox albajuc smuc'tiquil ti c'usi ta xapase. Ch'ul Ajvalilot yu'un ti muc'tiquil lume, ti bu atamoj batele, jbel sc'oplal lec tuc' scotol.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.

Jueces 5:3

A'yibeicun me ava'iic lec, banquilal ajvaliletic, ts'etanbun ani' achiquinic, ajvaliletic. Ta jq'uejinta ti Ajvalile, ta jq'uejinta ti Dios yu'un ti Israele.

1 Samuel 18:6

C'u stu un, oy bu c'ot ta pasel ti c'alal sutic talel ti j'ac'-letoetic ti c'alal laj xa ox smil comel filisteoetic ti Davide, scotol ti jteclum yu'un ti Israele xchi'uc ti antsetique, xmuyubajic xa, xq'uejinic xa, x'ac'otajic xa ta stijic batel ti chij-chij taq'uine, ti set-set taq'uine, ti loq'uic batele, ba snupic ta be ti ajvalil Saule.

1 Samuel 18:7

C'alal x'ac'otajic no'oxe, xq'uejinic no'ox ti xi ta xcha'alilanic ti antsetique: “Jmil ta vo' viniquetic laj smil ti Saule. Lajunmil ta vo' viniquetic laj smil ti Davide.”