Éxodo 15:16 - Bible in Tzotzil de Chamula

¹⁶ Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Bible in Tzotzil de Chenalhó with Deuterocanon

¹⁶ Muc'ul Dios, ac'o xi'icuc; ac'o c'unibuc yo'ntonic. Ta amuc'ul, ta atsatsaluc ac'o macuc yeic jech chac c'u cha'al tonetic, ja' to ti me ijelovic batel li jteclum avu'une, ja' li ateclumal ti laj acolta loq'uel tale.

Éxodo 15:16 Iomraidhean Croise

Génesis 35:5

Ti c'alal loq'uic batele, scotol ti jteclumetic c'u yepal joyole, ac'batic ep xi'el yu'un ti Diose. Jech o xal mu'yuc xbat slubiic ta be ti Jacob xchi'uc ti xnich'nabe.

2 Samuel 7:23

Ja'uc ec ti Israel ti ja' anich'nabe, ¡mu'yuc xa yan xco'olaj jech c'u cha'al ti stuquique! ¡Yu'un c'ajomal no'ox stuc muc' ta lum oy ta banomil! Yu'un vo'ot laj atic' aba ta spojel scoltael, Dios, ti c'ot ta alumale, ti cajal c'ot sc'oplal avu'un ta sventa ti oy c'usi muc'tic laj apas ti ch'ayal c'ot o'ntonal yu'une. Laj yil ta sba ta satic ti avalab anich'nabe ti tenbil c'ot ti jyanlumetic xchi'uc ti diosetic yu'unic ti laj atic' aba ta spojel scoltael ti oyic ta Egiptoe.

Salmos 105:38

Xmuyubajic xa ti egipcioetic ti loq'uic batele, yu'un batem xa xch'ulelic ta xi'el.

Salmos 74:2

Vuleso ta avo'nton ti ateclumale, ti ta sliquebal no'ox lalub lacham talel yu'une, ti laj atic' aba ta spojel yo' jech ta xc'ot ta avu'une. Vuleso ta avo'nton ec un ti vits Sión ti bu lanaquie.

Salmos 89:14

Ta sventa ti atuq'uil alequilale, oyot ta ventainvanej; ti syail xc'uxul avo'nton une, ti melel xavale, ta xvinaj ta sventa ti c'usi ta xapase.

Éxodo 11:7

Yo' jech ta xana'ic ti mu xco'olaj ta spas ti Dios ta stojol ti egipcioetique xchi'uc ta stojol ti israeletique, ja' yu'un un, ti bu oyique, mi ja'uc ti xme'lal oq'uic xa liquel ti ts'i'etic c'alal ta xlic yilic junuc jxanbile, mi ja' jun chon bolom yu'unic ti israeletique.

Éxodo 15:13

Ta xc'uxul avo'nton, ta xatojobtas batel ti avalab anich'nab ti laj apoje, yu'un ta amuc'ul atsatsal, ta xavic' batel ta xch'ul xcuxobil avo'nton ti avaloje.

Éxodo 15:5

Co'ol s'elan ton bajic yalel ta snatil ti nabe; ts'ajal comic ta snabil.

Éxodo 15:6

Le' une, Cajval, ja' yip stsatsal ach'ul bats'i c'ob ti laj alilin ti jcontrainvaneje.

Éxodo 18:8

Ti bu taje, ti Moisese lic xchapbe ya'i smuni' scotol ti c'u s'elan laj spas ti Dios ta stojol ti faraone, ta stojol ti egipcioetic ti laj sva'an sba ta spojel ti Israele. Laj xchapbe ya'i xtoc scotol ti vocoletic ti laj staic ta bee, xchi'uc ti c'u s'elan ep ta tos coltavan ti Diose.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 23:20

“A'yio ava'iic, ta jtac jelavel caj'ánjel ta atojol yo' jech ta xchabiot ta be. Ta xic'ot batel ti bu chapal cu'un ti ta xac'ote.

Éxodo 23:22

Yan ti mi j'ech'el ta xach'unbeique, ti mi ta xapas scotol ti c'usi caloje, ta jva'an jba ta scontrainel ti avajcontrae, ta xi'ilin yu'un ti buch'u ta xayilbajinote.

Éxodo 23:27

“Yu'un ti bu ta xa'ech'e, ta xc'ot ta pasel cu'un ti yan sba axi'elalic ta xa'iique, ti x'avlajetic no'ox ti jteclumetic avu'une. Ta xc'ot ta pasel cu'un ti c'usiuc no'ox lumalil xc'uletic no'ox batel ta jatobal avu'un ti bu ta xa'ech'e.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Isaías 51:10

Ma'uc no'ox taje, taquij avu'un ti nabe, ti bu slajeb xa sninabil ta j'ech'ele. Laj ajoybin ta be snatil ti nabe yo' ta xjelavic ech'el ti buch'utic colic xa batele.

Isaías 63:12

¿Bu oy ti Buch'u laj yac'be ta sba Moisés ti yutsilale, ti smuc'ul stsatsale? ¿Bu oy ti Buch'u laj xch'ac ta o'lol ti muc' ta nab ta sba ta sat ti steclumale yo' ta xc'ot ta pasel sbatel osil ta xpuc ti sc'oplalique?

Jeremías 31:11

Ti Diose laj stic' sba ta spojel steclumal ti Jacobe. Col loq'uel talel yu'un ta yoc ta sc'ob ti jun muc' ta lum ti cajal ta spas mantal ta stojolique.

Ezequiel 16:8

“ ‘Ts'acal to un, li'ech' ta ats'el, yorail xu' xa xamalij laj quil un. Laj jmacot ta jc'u'. Pixil lac'ot cu'un ti jech t'analote. Laj cac' que, laj jpas jtrate ta atojol, lac'ot ta cu'un. Ti vu'un Ajvalilune, mu lo'iluc no'ox ta xcal.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Deuteronomio 11:25

Yu'un mu'yuc buch'u xu' ta stsaloxuc, yu'un ti Ajvalil Dios avu'unique ta xlic yac' taluc jun muc' ta xi'elal ti bu ta xa'ech'ique, co'ol jech c'u cha'al yaloj ono'oxe.

Deuteronomio 2:25

Li' ta xlic batel tana ti ta xcac' xi'icuc avu'unic scotol ti jteclum ta banomile. C'alal ta xa'iic ti ac'oplalique, xnicnunic liquel, ta xlic u'ninaticuc yu'un ti xi'el ta j'ech'ele.’

Deuteronomio 2:4

Xi s'elan xavalbe ya'iic mantal ti jteclume: Ta xa'ech'ic ta yosilic snitilultac ti Esaú ti nacalic ta Seire, ti ja' avuts' avalalic xtoque. Ti stuquique batem xch'ulelic ta xi'el avu'unic. Ac'o mi jech un, bijanic me un.

Deuteronomio 32:6

¿Mi ja' jech ta xatojbeic ta xapacbeic sutel ti Diose? Pimil jteclum, mi ja'uc jutebuc oy abijilic, ¿mi yu'un ma'uc atot ti Buch'u laj yac' ach'ulele, ti laj smeltsanote? Ja' laj smeltsanot, laj yac'bot ach'ulel.

Deuteronomio 32:9

Yu'un xrextotac ta xa'i ti Diose, ja' ti steclumaltaque, snitilultac ti Jacobe.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Josué 2:9

—Ca'binoj lec, ti Diose yac'ojboxuc xa ti banomil li'e. Yu'un c'ot xa ta pasel ti ja' stuc ta xac' ep xi'el ta co'ntoncutique. Yu'un scotol ti c'u yepal nacalic li'e, batem xa xch'ulelic ta xi'el avu'unic.

Josué 4:24

Ti jech taj une, ja' jech ta sna'ic scotol ti jteclum ti oy ta sjoylej banomil ti jelavem xu' yu'un ti Diose. Jech ti vo'oxuc une ta j'ech'el ta xavich'ic ta muc' ti Ajvalil Dios avu'unique.”

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

2 Pedro 2:1

Ti ta jteclum Israel ta vo'nee, ayan loq'uel ta stojolic jlo'lavanej j'alc'opetic. Jech ta x'ayan loq'uel jlo'lavanej jchanubtasvanejetic ta atojolic ec. Yu'un ta mucul ta xchanubtasvanic ti c'u s'elan nopbil yu'unique yo' ta soquesvanic, ti ta svalopatinic comel ti Cajvaltic ti Jpojvanej Jcoltavanej yu'unique. Ti jech taje, q'uelel xa ono'ox talel ti vocol ta stojolic ti jech ta spasique.

1 Samuel 2:9

Yu'un ti buch'utic jun yo'ntonic ta stojole, ta xchabi ti buyuc no'ox ta xanavique, ja'uc ti jtoyobbaetique, ta ic'al osil xcham xlajic, ja' ti mu'yuc buch'u junuc xu' ta spas ta yip no'ox stuque.

1 Samuel 25:37

Ta yoc'omal un, ti c'alal laj xa ox xcux ti Nabale, jamal laj yal ti Abigail ti c'usi c'ot ta pasele. Toj alubel c'ot ti Nabale, ti co'ol s'elan junuc ton ti te' xuban come.