Éxodo 15:15 - Bible in Tzotzil de Chamula

¹⁵ Ti banquilal soldadoetic yu'un ti Edome mu xa xchi'ucuc xch'ulel ta xa'iic; ti banquilaletic yu'un ti moabitaetique ta xniquic ta xi'el; ti cananeoetique, scotolic, nom c'ot yu'unic ti jelavem xu' yu'unique.

Bible in Tzotzil de Chenalhó with Deuterocanon

¹⁵ Li banquilal soldadoetic yu'un Edome jeche' xa chcomic o; li banquilaletic yu'un moabetique chniquic ta xi'el, xchi'uc ta xlaj stsatsal yo'ntonic li canaanetique.

Éxodo 15:15 Iomraidhean Croise

Génesis 36:15

Snitilultac Esaú ti c'otic ta banquilal jtsobvanejetique, xi s'elane: Ta sventa snitilultac ti Elifaz sbanquilal nich'on ti Esaú ti c'otic ta banquilaletique, ja' ti Temane, ti Omare, ti Zefoe, ti Quenaze,

Génesis 36:16

ti Coree, ti Gatame, xchi'uc ti Amaleque. Taje, banquilaletic c'otic ti lic talel sts'unubalic ta stojol ti Elifaze ti oy ta Edom banomile. Scotolic taje, ja' snitilultac ti Adae.

Génesis 36:40

Sbitac ti jujuchop snitilultac Esaú ti laj ech'icuque, xi s'elane: ti Timnae ti Alvae ti Jetete ti Oholibamae ti Elae ti Pinone ti Quenaze ti Temane ti Mibsare ti Magdiele ti Irame. Yu'un ti Esaue laj sbiin Edom xtoc. Jech o xal ti snitilultac taj une, c'otic ta banquilaletic yu'un ti edometique. Sbi ti banomil bu nacalic ti jujuchope, co'ol s'elan jech c'u cha'al sbiic ti jujunique.

2 Samuel 17:10

Ti buch'u x'ech' to mu sna' xi'e, ti buch'u co'ol s'elan spucujil león ta j'ech'el ti stalele, ta j'ech'el ta stsic' yo'nton. Yu'un sna'ic lec scotol Israel, ti atote xchi'uc ti xchi'iltaque mu sna' xi'ic.

Salmos 48:5

C'alal laj yilic ti jteclume, ch'ayal c'ot yo'ntonic yu'un, mu xa stac' a'yeluc ta xa'iic c'usi ta spasic, jatavic batel.

Salmos 68:2

Co'ol s'elan ch'ail ta sac ch'ay ta ic', jun to cera s'elan ta x'ul ta c'oc'. Ta sba ta sat Dios, ch'ayemic xa ti buch'utic mu'yuc xch'ulel xa'i sbaique.

Isaías 13:7

Va'i un, scotol banomil ta x'alub ti yoc sc'obique. Scotolic ch'abal xa yipal yu'unic, batem xa xch'ulelic ta xi'el.

Isaías 19:1

Xi ta xcaj'albat ti muc' ta lum Egipto ti ta xich' contrainele: Q'uelo avilic ti Dios une: Ta xtal ta Egipto ti xvolet no'ox talel ta anil ti cajal ta ba toque. Ti c'usitic meltsanbil ta c'abal ta lum Egiptoe, xniquic xa ta xi'el ta stojol, ti batem xa xch'ulel ta xi'el ti egipcioetique.

Jeremías 49:23

Xi ta x'albat sc'oplal ti Damascoe: “Ti jnaclejetic ta Hamate xchi'uc ta Arfade, nijilic c'otic ta ic'al q'uexlal, yu'un xi'el yaloj ti lo'il a'yej c'ot ta stojolique. Bat xch'ulelic yu'un ti xi'ele. Nom c'ot ti mu'yuc c'usi sna'ique.

Ezequiel 21:7

Mi oy buch'u ta sjac' c'u cha'al ta xa'oq'ue, albo ya'i vinaj xa sc'oplal oy xa c'usi ta xc'ot ta pasel, ti scotol banomil toj batel xch'ulel ta xc'ot yu'une. Aluneb ta xc'ot yu'un. Mu'yuc xa buch'u spac sc'oplal, scotolic xnicnun yacanic yu'un ti xi'ele. Sta xa yorail un, ta xa xc'ot ta pasel. Mu lo'iluc no'ox ta xcal ti vu'un Ajvalilune.”

Nahúm 2:10

Tub xa sc'oplal, yu'un sicotan xa com, stuc xa pochol com ti jteclum Ninivee. Juteb xa tsacal ta xcom o'ntonal yu'un ti xi'ele, jeche' xa xt'elt'un ti oquile, scotolic ch'abal ti yipic ta xa'iique, ti sac pac'an xa ti satil yu'une.

Habacuc 3:6

Xnicnun no'ox yu'un ti banomil ti c'alal ta sva'an sbae. C'alal ta xilic ti muc'tiquil lumetique, ta xniquic yu'un. Chlaj lomuc yalel yu'un ti vitsetic ti mu'yuc sc'oplal ta xtube; chlaj jinuc yalel ti stselejaltic ti c'alal mu'yuc sc'oplal ta xtube, ja'uc ti c'usi snopoj ta spas ti Diose, sbatel osil mu xtub.

Habacuc 3:7

Ti jnaclejetic ta jteclum Cusane, laj xa quil ti u'ninbilic yu'un ti vocole; ti jnaclejetic yu'un jteclum Madiane, jeche' xa vutsajtic yu'un ti xi'ele.

Deuteronomio 2:4

Xi s'elan xavalbe ya'iic mantal ti jteclume: Ta xa'ech'ic ta yosilic snitilultac ti Esaú ti nacalic ta Seire, ti ja' avuts' avalalic xtoque. Ti stuquique batem xch'ulelic ta xi'el avu'unic. Ac'o mi jech un, bijanic me un.

Deuteronomio 20:8

“Mi laj taj une, xi ta xlic yalic ta ach' ti banquilal moletic ti ta xalbeic ya'iic ti soldadoetique: ‘Mi oy buch'u junucal avu'unic ti mu'yuc yip yo'ntone, ti ta xi' ta xa'ie, sutuc ech'el ta sna yo' jech mu stsiq'uesbe yo'nton ti xchi'iltaque.’

Josué 14:8

Ja'uc ti buch'utic ay jchi'inan une, c'ajomal no'ox laj yac'anbe xi'el ta yo'nton ti jteclume. Ja'uc ti vu'une mu'yuc stsic' co'nton ta stojol ti Dios ti ja' Ajvalil cu'une.

Josué 2:11

Ti c'alal ta xca'icutic ac'oplalic ti mu'yuc buch'u xu' xastsaloxuc ta letoe, toj ech'em ta xixi'cutic avu'unic. Yu'un ti Ajvalil ti ja' Dios avu'unique, yu'un ja' ono'ox Dios yu'un ti vinajele, ti banomile.

Josué 2:24

Xi laj yalique: “Ti Diose laj xa yac' ta coc ta jc'obtic scotol ti banomile. Yu'un scotol ti jnaclejetic yu'une batem xa xch'ulelic ta xi'el ta j'ech'el.”

Josué 2:9

—Ca'binoj lec, ti Diose yac'ojboxuc xa ti banomil li'e. Yu'un c'ot xa ta pasel ti ja' stuc ta xac' ep xi'el ta co'ntoncutique. Yu'un scotol ti c'u yepal nacalic li'e, batem xa xch'ulelic ta xi'el avu'unic.

Josué 5:1

Scotol ti ajvalil amorreoetic ti oyic ta yeloval smaleb c'ac'al yu'un ti uc'um Jordane, xchi'uc ti cananeo ajvaliletic ti oyic ta nopol muc' ta nab Mediterráneoe, laj ya'iic ti laj staquijesbe yoc uc'um ti Dios ti c'alal ech' xtuch'ic ti israeletique. Och ep xi'el ta yo'ntonic. Mi ja'uc sc'an xnopajic stsaquel ta leto ti israeletique.

1 Samuel 14:16

Ti jq'uel-osiletic yu'un ti Saúl ta Gabaa ti oy ta yosilal ti Benjamine, laj yilic ti xc'uletic no'ox ta jatobal ta jujujot ti filisteoetique.