Éxodo 15:13 - Bible in Tzotzil de Chamula

¹³ Ta xc'uxul avo'nton, ta xatojobtas batel ti avalab anich'nab ti laj apoje, yu'un ta amuc'ul atsatsal, ta xavic' batel ta xch'ul xcuxobil avo'nton ti avaloje.

Bible in Tzotzil de Chenalhó with Deuterocanon

¹³ Ta slequil avo'nton chatojobtas batel li ateclumal laj apoj loq'uel tale. Ta avu'el atsatsal chavic' batel ta ch'ulna avu'un.

Éxodo 15:13 Iomraidhean Croise

Génesis 19:16

Ti ánjeletic ti xch'ayet no'ox ta xilic ti Lote, laj snitbeic batel sc'ob, ja' ti tal to xc'uxul yo'nton ti Dios ta stojole. Ja' jech xtoc nitbil batel sc'ob ti yajnile xchi'uc ti yantsil nich'one. Loq'uesatic batel ta lum yo' jech ta xcolic.

2 Samuel 15:25

Ja'uc ti ajvalile xi laj yalbe ti Sadoque: —Ich'o sutel ti xcaxa Dios ta lume. Mi ta stic' sba ta jtojol ti Diose, ta xc'ot ta pasel yu'un ti ta xisut talele. Ta xquil ti xcaxa ta yavil ti bu ac'bile.

Nehemías 9:12

Ta jech yepal un, ta c'ac'altique, ta jun bal-bal voletel toc laj atojobtas ech'el. Ta jun bal-bal voletel leb c'oc' laj atojobtas ech'el ta ac'ubaltic yo' jech sac jaman ta stam ech'el ti sbeique.

Salmos 106:9

Ti Tsajal nabe, laj spas ta mantal, mac ti yoque, taquin com yu'un; co'ol s'elan sbajtical banomil jelavic ech'el yu'un ta spul-pulil ti snabile.

Salmos 74:2

Vuleso ta avo'nton ti ateclumale, ti ta sliquebal no'ox lalub lacham talel yu'une, ti laj atic' aba ta spojel yo' jech ta xc'ot ta avu'une. Vuleso ta avo'nton ec un ti vits Sión ti bu lanaquie.

Salmos 77:20

Co'ol s'elan lametel chij, laj atojobtas ta beinel ti ateclumal ta sventa ti Moisese, xchi'uc ti Aarone.

Salmos 78:35

Va'i un, ta svules ta yo'ntonic ti Dios oy ta toyole, ti chabiaticuque, ti pojeicuc yu'une.

Salmos 80:1

Ti co'ol a'elan j'il-chijot ta sq'uelel ti Israele, ti co'ol s'elan chij ta xatojobtas ech'el ta be ti Josee, ti oy apasob mantal bu oy ti c'usi oy xiq'uique, a'yio ava'i li'e, lecuc xavil ta aba ta asat ti Efraine,

Éxodo 15:16

Tey xa c'alaluc un, Cajval, ac'o xi'icuc, u'ninaticuc yu'un ti xi'el ta j'ech'ele. Ta sventa ti smuc'ul stsatsal ti avoc ac'obe, altsanbilicuc ti jeche' lamalic jech c'u cha'al ti tonetique, ja' to ti mi jelavic batel ti avalab anich'nab ti ja' jun jteclum ti laj abis ta avu'une.

Éxodo 15:17

Mu'yuc xa c'usi un, Cajval, ic'uncutic xch'a batel ta naclej ta ach'ul vits, ti bu t'ujbil avu'un sventa naclebale, ta ach'ulna ti bu ta avoc ta ac'ob laj ava'ane.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Isaías 51:10

Ma'uc no'ox taje, taquij avu'un ti nabe, ti bu slajeb xa sninabil ta j'ech'ele. Laj ajoybin ta be snatil ti nabe yo' ta xjelavic ech'el ti buch'utic colic xa batele.

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Jeremías 2:6

Mi ja'uc tsots sc'oplal laj ya'iic ta sa'elicun, manchuc mi laj yilic ti chi'inbilic cu'un ti c'alal laj jloq'uesic talel ta jteclum Egiptoe, ti ech'ic cu'un ta sbajtical banomile, ti bu taq'uin ta j'ech'ele, ti bu ch'abal ti vo'e, ti naca lican ch'entique, ti bu lajel xal oe, ti mu'yuc buch'u nacal teye, ti bu mu junuc jxanvil ta x'ech'e.

Efesios 2:4

Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

1 Pedro 1:5

Ti jech c'otem ta avo'ntonic ta xch'unel ti Diose, chabibiloxuc yu'un ta sventa ti smuc'ul stsatsale, yo' jech ta xataic acoltaelic, ti chapanbil xa yu'un ti ta xac' ta ilel ta slajebal c'ac'ale.