Éxodo 15:11 - Bible in Tzotzil de Chamula

¹¹ Le' une, Cajval, mu junuc dios xco'olaj jech c'u cha'al ti vo'ote. Mu'yuc buch'u xco'olaj xch'ul talel jech c'u cha'al ti vo'ote. Xi'bal sba ti c'usitic ti jun yutsiquil ta xapase. Ac'oteb o ti ac'bil ta toyol ac'oplale.

Bible in Tzotzil de Chenalhó with Deuterocanon

¹¹ Muc'ul Dios, me junuc yan dios mu xco'laj jech chac c'u cha'al vo'ot. Mu'yuc boch'o yan toj muc', toj tuc' jech chac c'u cha'al li vo'ote. Yu'un toj labalic sba, toj xi'balic sba li c'usitic chapase. Lec snup o ti ep chavich' q'uejintabel alequilale.

Éxodo 15:11 Iomraidhean Croise

2 Samuel 7:22

¡Toj jelavem yutsil smuc'ul un cha'e, Cajval, ti c'usi ta xapase! ¡Yu'un mu'yuc buch'u xco'olaj jech c'u cha'al ti vo'ote! Yu'un mu'yuc xa yan xco'olaj jech c'u cha'al ti vo'ote. Mu'yuc xa yan dios jech c'u cha'al ti vo'ote, jech c'u cha'al jcotolcutic ca'binojcutique.

1 Reyes 8:23

ti xi avane: “Ajvalil, Dios yu'un ti Israele, mi ja'uc ta vinajel, mi ja'uc ta banomil ti oy jech jun Dios jech c'u cha'al ti vo'ote, ti ta xc'ot ta pasel yu'un ti strate avalojane, ti ta xac' ta ilel ti slequil yo'nton ta stojol ti buch'u sjunul yo'nton ta xac' sba ta tunel ta atojole.

1 Crónicas 16:25

Yu'un ti Diose, jelavem ti smuc'ul yutsile, sc'otebal o ti lequil c'optabile, ti xjelav to xi'bal sbae, ja' mu sta scotol ti yan diosetique.

2 Crónicas 2:5

Ja'uc ti ch'ulna ta jva'ane, tsots sc'oplal muc' ta jmeltsan. Ti Dios cu'uncutique, stuc no'ox ech'em cajal c'otem yu'unic ta scotol ti yan diosetique.

2 Crónicas 6:14

Tsots ti xi liquel ti sc'opojel sti'inele: “Ajvalil, Dios yu'un ti Israele, mi ja'uc ta vinajel ta banomil oy jun Dios jech c'u cha'al ti vo'ote. Ta xc'ot ta pasel avu'un ti atratee, ta yaq'uel iluc ti yutsilal avo'nton ta stojol ti buch'u sjunul yo'nton ta xac' sba ta tunel ta atojole.

Salmos 113:5

Mu'yuc buch'u xco'olaj o xchi'uc ma' ti Ajvalil Dios cu'untic ti chotol ta xventainvan ta toyole.

Salmos 119:120

Ti jbec'tal jtacopale ta xnic yu'un ti xi'elal ta aba ta asate, ja' yu'un un, nijil chimilun ta spasel ti c'usitic nopbil avu'une.

Salmos 136:4

Colaval, utic ti Buch'u c'ajomal no'ox stuc ti oy c'usitic muc'tic ta xc'ot ta pasel ti ch'ayal ta xc'ot o'ntonal yu'une, yu'un sbatel osil oy syail xc'uxul yo'nton.

Salmos 145:17

Jun yutsil ti c'usitic ta spas batel ti Diose, ta slequil yo'nton ti c'usitic ta snope.

Salmos 22:23

Ti vo'oxuque avich'ojic ta muc' ti Diose, ¡lequil c'optaic un! Acotolic snitiluloxuc ti Jacobe, alic yutsilal slequilal ti Dios une. Acotolic snitiluloxuc ti Israele, nijano chimano abaic ta yich'el ta muc'.

Salmos 35:10

Ta sjunul co'nton xichi ta xcale: “¿Buch'u la xco'olaj xchi'uc jech c'u cha'al ti vo'ot une, Dios? Ti me'un mu'nate, xchi'uc ti buch'u mu'yuc xa c'usi xut sbaique, ta xc'ot ta colel, ta xatic' aba ta spojel ti ilbajinbilic yu'un ti buch'u cajal xa'i sbaique, ti ilbil ti svocolic yu'une.”

Salmos 60:2

C'ot ta pasel avu'un, nic ti banomile, ti laj javuque; snubuc sba talel avu'un ti laj javuc ech'ele, yu'un xcununet xa ta xjem ech'el.

Salmos 66:5

La' q'uelo avilic yabtel ti Diose, ti xi s'elan laj spas ta stojol ti jnaclejetique:

Salmos 77:11

Ta jvules ta co'nton un, ti c'usitic ch'ayal ta xc'ot o'ntonal yu'un ti laj spasanan talel le' ta vo'ne ti Cajvale.

Salmos 77:14

Vo'ot no'ox Diosot ti ch'ayal ta xc'ot o'ntonal yu'un ti c'usi ta xapase. Laj avac' ta ojtiquinel amuc'ul atsatsal ta stojol ti muc'tiquil lume.

Salmos 77:19

Laj ajam ech'el abe ta nab un; yepal no'ox vo' laxani ech'el, le' une, mu'yuc buch'u laj sta ta tunel ti yav avoque.

Salmos 86:10

Vo'ot no'ox ti Diosote, jelavem amuc'ul atsatsal, ti ch'ayal xc'ot o'ntonal yu'un ti c'usi ta xapase.

Salmos 86:8

Mu'yuc xa yan dios xco'olaj jech c'u cha'al ti vo'ote, Cajval. Mu'yuc xa yan xco'olaj yabtel jech c'u cha'al ti vo'ote.

Salmos 89:18

C'otem ta jmacobbailcutic ma' ti Dios une. Ti Ch'ul Dios yu'un ti Israele c'otem ta Ajvalil cu'untic un.

Salmos 90:11

¿Mi oy la buch'u xojtiquin ta j'ech'el ti sc'ac'al avo'ntone? ¿Mi oy la buch'u xojtiquin ti scapemal ajole?

Éxodo 18:11

ti mu albajuc chopol ti c'usi laj spasboxuque. Avi ta un, ta jna' lec ti jelavem smuc'ul stsatsal ti Diose, ti ja' mu sta scotol ti yan diosetique.

Éxodo 20:3

“Diosinicun ti vu'une, mu xadiosinic yan.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 8:10

—Oc'om no'ox —xi laj yal ti faraone. Ti Moisese xi laj staq'ue: —Jech ta xich' pasel yo' jech ta xana' ti mu'yuc xa yan Dios jech c'u cha'al ti Dios cu'uncutique.

Éxodo 8:6

Jech ti Aarone laj stoy ti svaxton ta sba ti vo' ti oy ta jteclum Egiptoe. Scotol ti jteclume noj ta rana ti loq'uic talel ta uc'ume.

Éxodo 9:14

Avi tana li'e, ta xcac' taluc scotol ti vocol ta atojole, ta stojol ti avaj'abteltaque, xchi'uc ta stojol ti avinquileltaque, yo' jech xana' ti mu'yuc buch'u jech yan ti li' ta banomil jech c'u cha'al ti vu'une.

Isaías 30:11

Ictaic ti bu lec atamojique. Valopatinic comel ti tuq'uil bee. Laj c'op ta xatsatsal iq'ueic batel ta stojol ti Ch'ul Dios yu'un ti Israele.”

Isaías 40:18

Ti vo'oxuque, ¿buch'u xu' ta xaco'oltasic o ti Diose? ¿Buch'u sat yelov ta xaco'oltasic o ti avalojic une?

Isaías 40:25

Yu'un ti ch'ul Diose xi ta sjaq'ue: “¿C'usi xu' ta xaco'oltasicun o ti avalojique? ¿Buch'u xico'olaj xchi'uc ti avalojique?”

Isaías 46:9

Vuleso ta ajolic ti c'usitic laj c'otuc ta pasel ti le' xa ta vo'ne talele. Vu'un ti Diosune, mu'yuc xa yan. Vu'un ti Diosune, mu'yuc xco'olaj jech c'u cha'al ti vu'une.

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 6:3

Xi ta xalbe sbaic ti jujune: “Ti ch'ul Dios ti scotol xu' yu'une, oy xch'ul lequilal, oy xch'ul lequilal. Smacoj sjunul banomil ti slequilal yutsilale.”

Jeremías 10:16

Ja'uc ti Dios yu'un ti Jacobe, cajal sc'oplal ta j'ech'el, yu'un ja' laj smeltsan scotol ti c'usitic oye, xchi'uc laj st'uj ti Israele yo' ta xc'ot ta yu'un. Xi ti sc'oplale: Ajvalil Dios ti scotol xu' yu'une.

Jeremías 49:19

Nax to ti jap xichi talel jech c'u cha'al junuc león ti ta xloc' talel ta pimilal pujtic yu'un ti uc'um Jordane, ti xbitet batel ta anil ta uninal ve'ebal yaxaltique, ti xbitic no'ox loq'uel ta jatobal cu'un ti jnaclejetic yu'un ti Edome. Ta xcac' ochuc ta pas mantal ti buch'u ta jt'uje. Ja' yu'un un cha'e, ¿Buch'u xco'olaj xu' yu'un jech c'u cha'al ti vu'une? ¿Mi oy buch'u xu' yu'un ta stsalelun? ¿Mi oy jun jq'uel-chij xu' yu'un xch'amelun ta be?

Levítico 19:2

“Xi xcholet xavalbe ya'iic scotol ti c'u yepal oy ti israeletic jech c'u cha'al li'e: Oyuc alequilalic avutsilalic, yu'un ti vu'un Ajvalil Diosun avu'unique, jelavem jlequilal cutsilal ta j'ech'el.

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

San Lucas 12:5

Ta xcalboxuc ava'iic, xi s'elan ma' ti buch'u sc'an xi'taele: Oy Buch'u yich'oj yabtel ta stacoxuc batel ta tojob mulil c'alal mi laj xa stub ti acuxlejalique. Le'e, ja' xi'anic yu'un.

Deuteronomio 1:30

Ti Ajvalil Dios avu'unique jba'be ech'el ta xbat avu'unic. Ja' ta xletovaj avu'unic jech c'u cha'al laj avilic ti laj spas ta Egiptoe.

Deuteronomio 3:24

‘Cajval, lic xa avac' ta ilel amuc'ul atsatsal ta stojol ti avajtunel li'e. Ti ta vinajele, ti ta banomile, mu'yuc xa yan Dios ti ta xac' ta ilel ti ch'ayal ta xc'ot o'ntonal yu'un jech c'u cha'al ta xapase.

Deuteronomio 33:26

“Ta j'ech'el mu'yuc c'usi stac' co'oltasel Dios yu'un ti Jesurune, ti tsots yabtel yich'oj ti xcajet no'ox talel ta ba toc ti oy ta vinajele yo' ta xtal scoltaot.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Apocalipsis 13:4

Ti jnaclejetic ta banomile lic yich'ic ta muc' ti muc' ta tsajal jti'oval chone, ta sventa ti ac'bat smuc'ul stsatsal yu'un ti jti'oval chon loc' talel ta nabe, xchi'uc laj yich'ic ta muc' ti jti'oval chon loc' talel ta nab ti xi ta xalbeique: “¿Buch'u xa la yan xu' yu'un jech c'u cha'al ti xi'bal sba jti'oval chon li'e, xchi'uc buch'u la xu' ta stsal yu'un?”

Apocalipsis 15:4

¿Buch'u la ti mu ta xi'taote, Cajval, Ch'ul Dios? ¿Buch'u la ti mu ta xalbot ti alequilale? Yu'un vo'ot no'ox Ch'ul Diosot. Scotol ti muc'tiquil lum oy ta sjoylej banomile, ta xtal snijan xchiman sbaic ta atojol, yu'un laj xa yilic ta sba ta satic ti oy slequil yutsil ti c'usi ta xapase.”

Apocalipsis 4:8

Ta jujun ti c'usi chanib cuxajtique, yich'oj vaquib xic' ti jujune, noj ta bec' satil ta yolon ta sba ti xiq'ue. C'ac'al ac'ubal mu xicta sbaic ta yalel ti xi ta xalique: “Ch'ul Dios, Ch'ul Dios, lequil Ch'ul Dios ma' ti Diose. Scotol xu' yu'un ma' ti Diose, ti jech no'ox stalel ta vo'nee, avi tana li'e, xchi'uc ti ta to xtale.”

1 Samuel 2:2

Mu'yuc xa yan Ch'ul Dios jech c'u cha'al ti vo'ote. Mu'yuc xa yan ta xchabivan jech c'u cha'al ti vo'ot Dios cu'uncutique. Mi junuc ti oy to buch'u x'ech' to jech c'u cha'al ti vo'ote.