Éxodo 14:4 - Bible in Tzotzil de Chamula

⁴ Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Bible in Tzotzil de Chenalhó with Deuterocanon

⁴ Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 14:4 Iomraidhean Croise

Nehemías 9:10

Muc'tic no'ox ti c'usi laj avac' ta ilel ti ch'ayal o'ntonal xc'ot yu'un ti c'usitic laj apas ta scontrainel ti faraone, ta stojol ti yajtuneltaque, ta stojol ti jnaclejetic yu'un ti steclumale. Laj avil ti jelavem xa'i sbaique, ti loq'uel ta xutilanic ti israeletique. Ja' jech puc ac'oplal avi tana ti jelavem xu' avu'une.

Éxodo 10:2

Taje, yo' jech xu' xalo'iltabe ya'i ti anich'nabtaque, ti amamubtaque, ti c'u s'elan laj jvinajes ti mu'yuc stuq'uil sjol yo'nton ti egipcioetique, ti elom sba laj jvinajes ti jmuc'ul jtsatsal ta stojolique, yo' jech ta xana'ic xtoc ti vu'un Ajvalilune.

Éxodo 10:27

Ja' no'ox un, ti Diose laj yac' pucujibuc yo'nton ti faraone. Mu'yuc x'aq'ue baticuc.

Éxodo 12:28

Laj taj une, jech laj spasic scotol jech c'u cha'al albilic yu'un Dios ti Moisese xchi'uc ti Aarone.

Éxodo 14:23

Scotolic ti buch'u cajalic ta ca'e, ti cajalic ta carretaetic yu'un ti faraone, nabal ochic ta spat ti israeletique, nutsvanemic batel c'alal to o'lol nab.

Éxodo 14:25

Soquesbat scarosal ti carretaetic yu'unique. Mu xa xu' xanavic lec. Ja' yu'un un, ti egipcioetique xi laj yalbe sbaique: —Jatavcutic, quictatic comel ti israeletique. Yu'un ja' ta xistsacotic ta leto stuc ti Diose. Ta spoj ti israeletique.

Éxodo 14:3

Ja' yu'un un, xu' xi ta snop ti faraone: ‘Ti israeletique mu sna'ic bu ta xbatic. Ch'ayemic xa ta be ta sbajtical banomil.’

Éxodo 14:5

Ti yorail taje, ti ajvalil yu'un ti Egiptoe laj yich' albel ya'i ti jatavic xa loq'uel ti israeletique. Ja' yu'un un, ti ajvalile xchi'uc ti yajtuneltaque lic sjelic ti c'usi yalojic ta stojolique, ti xi lic yalbe sbaique: “¿C'u no'ox cha'al laj cac'tic baticuc ti israeletique, ti laj yictabotic comel ti cabteltique?”

Éxodo 14:8

Jech ti Diose laj yac' pucujibuc yo'nton ti faraone yo' jech ta snuts batel ti israeletique. Ja' no'ox un, ti israeletique, ta smuc'ul stsatsal xa Dios ti jech loq'uic batele.

Éxodo 18:11

ti mu albajuc chopol ti c'usi laj spasboxuque. Avi ta un, ta jna' lec ti jelavem smuc'ul stsatsal ti Diose, ti ja' mu sta scotol ti yan diosetique.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Éxodo 7:17

Ja' yu'un un, ti Diose xi ta xayalbot ava'ie: Avi tana un, ta xavil ti Vu'un Ajvalilune. C'alal ta jmaj ti uc'um ta jvaxton ti oy ta jc'obe, ti uc'ume ta xjoybij ta ch'ich'.

Éxodo 7:3

Ja' no'ox un, vu'un ta xcac' pucujibuc ti faraone. Yu'un ti li' ta jteclum Egiptoe, ep ti c'usi ta xcac' iluc ti ch'ayal o'ntonal ta xc'ot yu'une.

Éxodo 7:5

C'alal mi laj xa cac' iluc ti jmuc'ul jtsatsal ta stojol ti Egiptoe, mi loc' xa talel cu'un ti israeletique, jech ti egipcioetique ja' jech ta sna'ic ti Vu'un Ajvalilune.

Éxodo 9:16

Ja' no'ox un, yu'un laj to cac' ch'ian c'opojan yo' jech ta xavil ta aba ta asat ti jmuc'ul jtsatsale, yo' jech ta aventa ta xiyojtquinicun ta sjunlej banomil.

Ezequiel 20:9

Le' une, ja' laj jpas ti mu jsoques ti jc'oplal ta sba ta sat ti muc'tiquil lumetic bu capal ta naclej xchi'uque, yu'un ta sba ta satic ti muc'tiquil lumetic taje, laj cac' jba iluc ta stojolic, laj calbeic ya'iic ti ta jloq'uesic ech'el ta Egiptoe.

Ezequiel 28:22

ti xi xavalbe une: ‘Xi s'elan ta xal ti Diose: Contra xaquil, jteclum Sidón. Cajal ta xc'ot jc'oplal ta aventa. C'alal ta xquich'bot ave ta xchapanelote, xchi'uc ta svinajesel ti jlequilal cutsilale, ta sna'ic unbi vu'un ti Ajvalilune.

Ezequiel 32:15

C'alal ta joybin ta sbajtical banomil ti muc' ta lum Egiptoe, ti sts'ijlajan xae, ti mu xa junuc ti jnacleje, ta sna'ic unbi vu'un ti Ajvalilune.

Ezequiel 38:16

vol xa xavut ti jteclumal Israele. X'ic'ubin no'ox liquel ti banomil avu'une, Gog, jech c'u cha'al lumal toc. Slajebal xa ech'el c'ac'al ta xavul ta loq'uel cu'un ta scontrainel ti cosilal jbanomilale. Ta aventa vo'ot, ta xlic sna'ic ti yan muc'tiquil lum ta xcac' iluc ti jlequilal cutsilal ta stojolique.

Ezequiel 38:23

Ta xcac'be yilic jmuc'ul jtsatsal, cutsilal jlequilal ti epal jteclumetique. Ta xcac' jba ta ojtiquinel ta stojolic. Ta xlic sna'ic un ti vu'un Ajvalilune.

Ezequiel 39:13

Batem yo'ntonic naca mucvanej yesinojic scotol ma' ti jnaclejetique, ti stuc xa no'ox laj sta ya'iic ich'bilic ta muq'ue. Ta yorail taje, ta xcac' iluc ti jlequilal cutsilale. Ti vu'un Ajvalilune, mu lo'iluc no'ox ta xcal.

Levítico 10:3

Ts'acal to un, ti Moisese xi laj yalbe ya'i ti Aarone: —Ti jech le' une, ja' smelol sc'an ta xal ti xi laj yal ti Diose: ‘Ti buch'u xac'touc ti lec xa xca'i ti yuni jol no'ox ta xtal snopune, ta xcac'be yil ti mu sts'ic cu'une. Ta xcac' ta ilel ti cutsil jlequil ta stojol scotol ti israeletique.’ Jech xtoc ti Aarone tey xa no'ox ts'ijil com.

Romanos 11:8

Yu'un xi ta xal ti ch'ul c'ope: “Ch'ayesbat snopbenic yu'un ti Diose. Jech to staoj yav ta spasic avi tana li'e. Ac'bil satic ta sq'uelel, mu xilic. Ac'bil xchiquinic ta ya'yiel, mu xa'iic.”

Romanos 9:17

Ti ts'ibabil ta ch'ul c'ope, xi albat yu'un Dios ti ajvalil ta Egipto banomile: “Laj jva'anot ta ajvalil yo' ta xcac' ta ilel ti jmuc'ul jtsatsal ta atojole, sventa yo' ta xtanij batel ti jc'oplal ta sjoylej banomile.”

Romanos 9:18

Va'i un cha'e, ti Diose ta xc'uxubin ti buch'u ta sc'an ta xc'uxubine. Ta spucujibtasbe yo'nton ti buch'u ta sc'an ta spucujibtasbee.

Josué 11:20

Yu'un pucujibtasbat yo'ntonic yu'un Dios ti yajcontraique, ti xu' xa yu'unic ta stsaquic ta c'op ti israeletique yo' jech mu'yuc syail xc'uxul o'ntonal ta stsutsesatic yu'un ti israeletique, co'ol jech c'u cha'al albil mantal yu'un Dios ti Moisese.

Jueces 4:7

Vu'un ta jliquesbe sjol ti Sisarae, ja' ti jtsob-soldado yu'un ti Jabine yo' jech ta xtalic ta uc'um Cisón ta stsacoxuc ta leto xchi'uc scarretaique, xchi'uc ti epal soldadoetic yu'une. Ja' no'ox un, chapal sc'oplal ta xcac' ta avoc ta ac'obic.