Éxodo 14:3 - Bible in Tzotzil de Chamula

³ Ja' yu'un un, xu' xi ta snop ti faraone: ‘Ti israeletique mu sna'ic bu ta xbatic. Ch'ayemic xa ta be ta sbajtical banomil.’

Bible in Tzotzil de Chenalhó with Deuterocanon

³ Yu'un jech ac'o snop li faraone: ‘Li israeletique mu sna' bu chbatic. Te chch'ayic ta be ta xocol banamil’, ac'o xiuc.

Éxodo 14:3 Iomraidhean Croise

Salmos 139:2

Xavojtiquin lec scotol ti c'usi yac'oj jol ta spasele; ac'o mi nom to oyot, chapal lec avu'un ti c'usi ta jnope.

Salmos 139:4

Ac'o mi mu to ta xloc' ta que ti c'usi ta xcale, ti vo'ote, Dios, xana' xa ono'ox.

Salmos 3:2

Ep ta j'ech'el ti xi ta xalic ta jtojole: “Mu xa ono'ox xpojat yu'un ma' ti Dios une.”

Salmos 71:11

Xi ta xalic une: “Nutsic tsaquic ya'i, yu'un jipat tenat xa comel yu'un ti Diose, mu'yuc xa buch'u stic' sba ta spojel.”

Éxodo 14:2

“Albo ya'iic ti israeletique ti ac'o suticuc batel yo' ta svol sbaic ta yeloval Pi-hahirot ti oy ta o'lol yu'unic ti Migdole xchi'uc ti nabe, ta yeloval ti Baal-zefone. Ac'o sva'an yaxibalnaic ta yeloval ti bu taje, ta sts'el ti ti' nabe.

Éxodo 14:4

Ja' no'ox un, vu'un ta xcac' pucujibuc yo'nton ti faraone yo' jech ta xlic sjol ta nutsvanej. Ti jech taje, ta xcac' iluc ti jmuc'ul jtsatsal ta stojole, xchi'uc ta stojol scotol ti yajsoldadotaque. Jech ti egipcioetique ta sna'ic ti vu'un Ajvalilune.” Ja' jech laj spasic ti israeletique.

Ezequiel 38:17

‘Xi ta xcal ma' ti vu'un Diosune: Ti cajtuneltaque, ti caj'alc'optaque, le' xa talel ta vo'ne, laj yalic ti oy buch'u ta jtac talel ta xtal stsac ta c'op ti Israele, ja' ac'oplal laj cal ma' taj une.’

Hechos 4:28

Ti jech taje, ja' c'ot ta pasel yu'unic scotol jech c'u cha'al nopbil avu'un ta xc'ot ta pasele.

Deuteronomio 31:21

Ja'uc le' une, c'alal lamal ta xc'ot ta sbaic ti mu albajuc ti vocole, ti ilbajinele, va'i un, ti q'uejimol une, ta xc'ot ta pasel ti ja' sc'oplal stuquic ti c'usi ta xale. Yu'un ti snitilulique ta svules ta sjolic, ta sq'uejintaic. Yu'un ti c'alal mu to ta x'ochic ta banomil ti caloj ta xcac'beique, jq'ueloj xa ono'ox ti c'usi ta snopique.”

Jueces 16:2

C'alal laj ya'iic ti jnaclejetic ta Gaza ti oy ta jteclum ti Sansone, sjunul c'ac'al xvoletic batel ti laj stsob sbaic ta spa'iel ta sti' ti jteclume. Ja'uc ti ta ac'ubaltique, bat vayicuc, yu'un laj snopic ti c'alal mi sacubel ti osile, ta smilic.

1 Samuel 23:23

Q'uelic lec ta scotol ti snac'obbail ti bu ta stic' sba ochele. Na'bil xa lec avu'un ti bu tiq'uile. C'alal mi lasutic talel ta jtojole, ta jchi'inoxuc batel ec un. Mi melel tey tiq'uil ti bu taje, ta jchaj ta sa'el ta scotol ti c'u yepal snitilultac ti Judae.

1 Samuel 23:7

Ja'uc ti Saule, albat ya'i ti oy xa ta jteclum Keila ti Davide, ti xi laj snope: “Laj xa yac'bun ta coc ta jc'ob ma' ti Dios une. Ti jech laj xa stic' sba ochel ta jteclume, bajal ta xcom ta j'ech'el ta smactac, ta syavialtac sti'tac ti jteclume.”