Éxodo 14:21 - Bible in Tzotzil de Chamula

²¹ Jech ti Moisese laj xlich' batel sc'ob ta sba ti nabe. Jech ti Diose laj yac' taluc tsots ic' ti xjumet sjunul ac'ubal ti lic talel ta sloq'ueb c'ac'ale. Jech ti nabe laj spas sba ta cha'ch'ac. Ja' yu'un un, ti Diose joybij yu'un ta taquin banomil ti nabe.

Bible in Tzotzil de Chenalhó with Deuterocanon

²¹ Li Moisese la stoy sc'ob ta sba li nabe, jech li Muc'ul Diose laj yac' taluc tsots ic' ta sloq'ueb c'ac'al. Sbejel ac'ubal ven tsots li iq'ue. Jech la svoc' sba ta o'lol li nabe. Taquin icom li banamil ta yut nabe.

Éxodo 14:21 Iomraidhean Croise

Génesis 8:1

Va'i un, ti Diose laj svules ta yo'nton ti c'usi yaloj ta stojol ti Noee, xchi'uc ta stojol scotol ti chon bolometic ti jmoj ochemic ta barcoe. Jech xtoc un, laj yac' taluc jumetel ic' ta banomil. Jech ti vo'e naca sta lic uluc yalel.

2 Reyes 2:8

Va'i un, ti Eliase laj svol ti smacob sic c'u'e. Laj smaj o ti uc'um xchi'uque. Lic xch'acan sba ta jujujot ti uc'um yu'une, ti taquin ech' xtuch'ic jelavel ti uc'um xchibalique.

Nehemías 9:11

Ta sba ta satic, laj apas ta cha'ch'ac ti nabe, ti taquin ti banomil ech' xtuch'ique, ti laj amut'i comel ta snabil ti jnutsvanejetique, ti co'ol to s'elan ton yal batel c'alal to snabile.

Job 26:12

Ta smuc'ul stsatsal, och ta be yu'un ti nabe; sna' c'usi ta xut sba ti laj yu'nin ti muc' ta jti'oval chon Rahab sbie.

Job 38:24

¿Bu beal ta stam batel ti ta spuc sba ech'el ti saquilal osile? ¿C'u s'elan ta xtanij ech'el ti ic' ta sbejel banomil ti ta xlic talel ta sloq'ueb c'ac'ale?

Salmos 136:13

Colaval, utic ti Buch'u laj spas ta cha'ch'ac ti Tsajal Nabe, yu'un sbatel osil oy syail xc'uxul yo'nton.

Salmos 148:8

Ti chaucote, ti botote, ti taivote, ti lumal tocote, lequil c'optaic ti Diose. Ti ts'otetel ic'ote, ti xc'ot ta pasel avu'un ti smantaltaque, lequil c'optao ti Diose.

Salmos 66:6

Ti nabe, ti uc'ume, laj sjoybin ta taquin banomil yo' ech' xtuch'ic ti jtot jme'tic ta vo'nee. Muyubajcutic ta stojol Dios un cha'e.

Salmos 74:13

Ta amuc'ul ta atsatsal, ch'ac ta o'lol ti nab avu'une; laj avoc'anbe sjol ti jsibtasvanej muc' ta chonetic oy ta muc' ta nabe.

Salmos 78:13

Laj spas ta cha'ch'ac ti nabe, ech'ic jelavel yu'un un, co'ol s'elan jun pac'bal c'ot c'alal laj spajes sba yoc ti vo' yu'une.

Éxodo 14:16

Jech ti vo'ote, tuneso ti avaxtone. lich'o batel ac'ob ta xtuchel ta toyol yo' jech ta xch'ac sba ta jujujot ti nabe, yo' jech taquin lec ta x'ech' xtuch'ic ti israeletique.

Éxodo 14:20

Ti voletel toque com ta o'lol yu'unic ti egipcio soldadoetic xchi'uc ti israeletique. Ti bu oy ti egipcioetique, ic' ta jmec ti toque. Yan ti bu oy ti israeletique, sac jaman ta xanavic batel. Jech o xal ti egipcioetique sjunul ac'ubal xanavic, ti mu ja'uc laj staic ta be ti israeletique.

Éxodo 15:8

Yu'un ta yic'al ave laj avuch'ta ti vo'e yo' jech laj spas sba ta cha'ch'ac; yu'un ti syuc'benaltaque lic joybijuc ta smac ti vo'e; yu'un j'ech'el lec tselel jelavel ta o'lol nab.

Éxodo 7:19

Ja' jech xtoc ti Diose xi laj yalbe ti Moisese: —Albo ya'i ti Aarone ti ac'o stsac ti svaxtone. Ac'o stoy batel sc'ob ta sba ti uc'umetique, ti bic'tal uc'ume, ti nabetique, ti ta joq'uetic yu'unic ti egipcioetique. Yu'un ta xjoybij ta ch'ich' scotol ti c'usiuc no'ox oy ya'lele. Ti buyuc no'ox ts'anajtic ti vo'e, mi ta ton, mi ta te', ta xjoybij ta ch'ich'.

Isaías 23:11

Ti Diose laj yac' talel sc'ob ta muc' ta nab ti nic ta xi'el ti muc'tiquil lumetique. Laj yal mantal ta slilinel ti nac'obbailetic ti oy ta Canaán banomile.

Isaías 43:16

Yu'un ti Diose laj sjam jelavel be ta nab. Ti bu xluchumaj no'ox yacan ti uc'ume, laj sjam jelavel be.

Isaías 44:27

Stac' xcal mantal ti taquijuc ti muc' ta nabe, ti ch'abaluc yuc'umal c'otuque.

Isaías 50:2

¿C'u cha'al ya'yel un ti c'alal livule, mu'yuc buch'u junuc laj jta? ¿C'u cha'al ya'yel un ti c'alal li'avtavane, mu'yuc buch'u laj stac'? ¿Mi tac'al c'ot avu'unic ti mu xu' cu'un spojele? ¿Mi tac'al c'ot avu'unic ti mu xa xc'ot ta pojel colel cu'une? Ta jbel no'ox jc'op, ta xc'ot ta taquijel cu'un ti muc' ta nabe, ti sts'ijlajan liquel ti banomil bu ta xanav ti uc'umetique, yo' jech ta xchamic ta taqui ti'il ti choyetique. Ta xlic c'a'icuc ti c'alal ch'abal ti vo'e.

Isaías 51:10

Ma'uc no'ox taje, taquij avu'un ti nabe, ti bu slajeb xa sninabil ta j'ech'ele. Laj ajoybin ta be snatil ti nabe yo' ta xjelavic ech'el ti buch'utic colic xa batele.

Isaías 51:15

“Vu'unun ti Ajvalil Diosun avu'une, biiltasbilun ti Dios scotol xu' yu'une. Ta xyuq'uilaj ti nab cu'une. Xpomlajet no'ox xva'i xcoti cu'un.

Isaías 63:12

¿Bu oy ti Buch'u laj yac'be ta sba Moisés ti yutsilale, ti smuc'ul stsatsale? ¿Bu oy ti Buch'u laj xch'ac ta o'lol ti muc' ta nab ta sba ta sat ti steclumale yo' ta xc'ot ta pasel sbatel osil ta xpuc ti sc'oplalique?

Isaías 63:13

¿Bu oy ti Buch'u ic'van jelavel ta sninabil muc' ta nab ti mu ja'uc jutebuc jaxbuj ti yacanique, ti co'ol s'elan junuc ca' ech'ic ta sbajtical banomile,

Habacuc 3:8

¿Mi yu'un ilinemot xa yu'un ti uc'umetic, Cajval? ¿Mi yu'un til xa sc'ac'al avo'nton yu'un ti muc' ta nabetique? ¿Mi yu'un xavilet no'ox ta aca'tac yu'un ti va'i s'elane? ¿Mi ja' to jech xa'och ta acarreta sventa ti tsalvaneje?

Hechos 7:36

Ja' ti Moisés ti laj sloq'ues talel ti jmolmuc'totic ti oyic to ox ta mosovil ta Egiptoe, ti laj yac' iluc ti c'usitic ch'ayal ta xc'ot o'ntonal yu'une, ti c'usitic muc'tic no'ox laj yac' iluc ta Tsajal Nabe xchi'uc ti cha'vinic (40) jabil oyic ta xocol banomile.

Josué 2:10

Jna'cutic lec ti c'alal laloq'uic talel ta Egiptoe, ti Diose laj staquijesbe ya'lel ti Tsajal Nabe yo' jech ta xajelavic. Jna'cutic lec xtoc ti laj atsutsesic ta j'ech'el ti Sehone, xchi'uc ti Oge, ja' ti chib ajvalil yu'un ti amorreoetic ti oy ta jot uc'um Jordane.

Josué 3:17

Scotol ti israeletique, taquin ti uc'um ech' xtuch'ique. Jech ti paleetique, jun yo'nton va'alic ta o'lol uc'um ta taquin banomil xchechojic xcaxail strate ti Dios ti c'alal yacal ta xjelavic ti Israele, mu'yuc ach'el, taquin lec ta j'ech'el.

Josué 4:23

ti c'ot ta pasel yu'un ti Ajvalil Dios avu'unic ti laj staquintas uc'um Jordán ti c'alal ech' atuch'ique jech c'u cha'al ta ba'yel ti laj staquintas ti Tsajal Nab ti c'alal lijelavcutic talele.