Éxodo 14:11 - Bible in Tzotzil de Chamula

¹¹ Xi laj yalbeic ti Moisese: —¿Mi yu'un mu'yuc mucobbail ta Egipto ya'yel ti laj aloq'uesuncutic talel tey yo' xtal avac' chamcuncutic li' ta sbajtical banomile? ¿C'u cha'al jech laj apasbuncutic? ¿C'u cha'al laj aloq'uesuncutic talel ta Egipto?

Bible in Tzotzil de Chenalhó with Deuterocanon

¹¹ Jech laj yalbeic li Moisese: —¿Me yu'un mu'yuc muquinaltic te ta Egipto ti laj aloq'uesuncutic tal, ti li' tal chamcuncutic ta xocol banamil avu'une? ¿C'u yu'un ti jech laj apasbuncutique? ¿C'u yu'un ti laj aloq'uesuncutic tal ta Egiptoe?

Éxodo 14:11 Iomraidhean Croise

Génesis 43:6

Va'i un, ti Israele xi laj yale: —¿C'u cha'al ta xavaq'uic ep jvocol? ¿C'u cha'al laj avalbeic ya'i ti vinique ti oy to yan achi'ilic ta voq'uele?

Éxodo 13:17

C'alal laj yac' loc'uc batel israeletic ti faraone, jech ti Diose ma'uc laj yic' batel ta sbelel slumal ti filisteoetique, ac'o mi ja' tuq'uil be. Yu'un laj snop ti Diose ti mu sc'an xletovajic ti israeletic ti mi oy bu ta xc'ot ta pasele, yu'un yic'al xc'ot ta pasel ti ta xcha'sutic ta Egiptoe.

Éxodo 32:1

C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Éxodo 5:21

Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Éxodo 5:22

Ja' yu'un un, ti Moisese xi laj yalbe Dios c'alal laj sta ta c'oponele: —Cajval, ¿c'u cha'al ta xavac'be svocol ti anich'nabe? ¿C'u cha'al laj atacun talel?

Números 11:1

Oy jun c'ac'al, lic coscoj c'opojicuc ti israeletic ta stojol ti Dios ta scoj ti vocol ta x'ech' yu'unique. C'alal jech laj ya'i ti Diose, ep soc sjol. Tey laj stacbe talel c'oc' ta stojolic ti laj xchic' ta joyob ti bu lamalic ta nacleje.

Números 11:15

Ti mi ja' jech ta xapasbun batel le'e, ja' lec tuch'o ti jcuxleje, mi ta melel ti c'ux ta xava'iune. Va'i unbi, mu xa xquil ta jba ta jsat ti vocoletique.

Números 14:22

ti buch'utic laj yilic ti jlequil cutsilale, xchi'uc ti jchop o ti laj yilic ti c'u s'elan laj jpas ta Egiptoe xchi'uc ti ta sbajtical banomile, ti ja' no'ox oy ta yo'ntonic ti jayib velta ta sq'uelic ya'iic ti co'nton ta sbajtical banomil ti mu sc'an xch'unic ti jmantale, ti buch'utic jech taje,

Números 16:41

Ta yoc'omal une, scotol ti jteclum Israele xi lic chopol c'opojicuc ta stojol ti Moisese xchi'uc ti Aarone: —¡Ti vo'oxuque yacal ta xamilic steclumaltac ti Diose!