Éxodo 14:10 - Bible in Tzotzil de Chamula

¹⁰ C'alal laj yilic ti israeletic ti nopol xa xtal snutselic yu'un ti faraone xchi'uc ti egipcioetique, toj xi'el c'otic. Laj sc'anic coltael ta stojol ti Diose.

Bible in Tzotzil de Chenalhó with Deuterocanon

¹⁰ C'alal laj yilic israeletic ti nopol xa xtalic li faraón xchi'uc egiptoetique, toj ep ixi'ic ta jyalel, jech lic sc'anic coltael yu'un li Muc'ul Diose.

Éxodo 14:10 Iomraidhean Croise

2 Crónicas 18:31

C'alal laj yilic Josafat ti banquilal soldadoetic ti oyic ta carretae, laj snopic ti ja' ajvalil yu'un Israele. Bat svoliic yo' ta stsaquic ta leto. Va'i ti Josafat une xviquet xa liquel ta sc'anel spojel ti coltaatuc yu'un ti Diose. Ch'aque loq'uel yu'un ti Diose.

Nehemías 9:9

Laj avil c'u s'elan oyic ta vocol ta Egipto ti jtot jme'cutic laj ech'uc ta vo'nee. Laj ava'ibe ti xvochetic ta oq'uel c'alal oyic ta sti'il ti Tsajal Nabe.

Salmos 106:44

Manchuc mi jech ti oy xa svocol ileique, ti a'yibatic ti x'oc' x'avanic xae,

Salmos 107:13

Ti oyic ta vocol une, lic yoq'uitaic ti Diose, pojeic ti oyic ta vocol une.

Salmos 107:19

Ti oyic xa ta vocol une, yoq'uitaic ti Diose, pojeic yu'un ti oyic ta vocole.

Salmos 107:28

Ti jech oyic ta vocole, lic yoq'uitaic ma' ti Diose, pojeic ti oyic ta vocol une.

Salmos 107:6

Lic yoq'uitaic Dios ti oyic ta vocol une, pojeic ti oyic ta vocole.

Salmos 34:17

Ti Dios une ta xchiquintabe sc'opojel sti'inel ti buch'u oy stuq'uil sjol yo'ntonique; ta spoj ta scotol ti c'alal oyic ta ilbajinele.

Salmos 53:5

Ti bu taje, ac'o mi ch'abal sc'oplal ti xi'el ta stojolique, yu'un ti Diose ta stsutses ti jcontrainvaneje. Lo'il maxiltabil ta xc'otic, bajbil tenbilic xa yu'un ti Dios une.

Salmos 81:7

Laj ac'anbun vocol ti ilbajinbilote, laj jtic' jba ta apojel un; laj jtac'bot talel ta toc ti bu xc'avlajet ti chauc une; laj jq'uelbot avo'nton ta sts'el vo' ti sbiinoj Meribae.

Éxodo 13:17

C'alal laj yac' loc'uc batel israeletic ti faraone, jech ti Diose ma'uc laj yic' batel ta sbelel slumal ti filisteoetique, ac'o mi ja' tuq'uil be. Yu'un laj snop ti Diose ti mu sc'an xletovajic ti israeletic ti mi oy bu ta xc'ot ta pasele, yu'un yic'al xc'ot ta pasel ti ta xcha'sutic ta Egiptoe.

Éxodo 15:25

Va'i un, ti Moisese laj sc'anbe ti ac'o coltaatuc yu'un ti Diose. Jech ti Diose laj yac' iluc jpets te'. Ti jpets uni te'e, laj sjip ochel ta vo' ti Moisese, lecub ti vo' xtoque. Ti bu taje, lic q'uelbaticuc yo'ntonic yu'un ti Diose, ti ac'batic jun mantal ti lecuc ac'o spas sbaique.

Isaías 26:16

C'alal yacal ti ilbajinele, laj jsa'otcutic, Cajval, ti laj atojobtasuncutique, naca ta uni coscos c'op no'ox.

Isaías 7:2

Ti yorail taje, xi bat yich' albel ya'i ti ajvalil Acaz xchi'uc ti c'u yepal oy ta snae: “Ti sirioetique laj xa sco'oltas sjolic xchi'uc ti Efraine.” Ti ajvalile xchi'uc ti jteclume, xt'el-t'unic no'ox liquel ta xi'el jech c'u cha'al ta xc'uyet ta jujujot ti te'tic ti ta xvuq'ue yu'un ti iq'ue.

Jeremías 22:23

Tana le'e, jun to avo'nton oyot ta avayeb ta ch'ut te'etic ti ich'bil talel ta vits Líbanoe. Le'e, q'uelel ta atojol ti mu x'ech' yipal ti avocole. ¡Mu yanuc xc'uxul jech c'u cha'al ta xvoc' ti olole!”

Deuteronomio 9:7

“Ta j'ech'el mi ja'uc sc'an xch'ay ta avo'ntonic ti laj acontrainic ti Ajvalil Dios avu'unic ta sbajtical banomile. Yu'un mi ja'uc ono'ox xava'ibeic xchiquinal ti c'alal laloq'uic talel ta Egiptoe, ti c'alal lavulic ta loq'uel li'e.

Josué 24:6

C'alal loq'uic talel ta Egipto ti amolmuc'totic ta vo'nee, ta epal ca', ta epal carreta sventa pasob leto ti nutsbilic talel yu'un ti egipcioetic c'alal to Tsajal Nabe.

Josué 24:7

Ti amolmuc'totique laj staicun ta c'oponel. Laj cac' taluc jun muc' ta ic'ubel osil ta o'lol yu'unic xchi'uc ti egipcioetique. C'ot ta pasel cu'un ti laj cac' taluc ti nab ta sbaique yo' jech mut'ijic ti egipcioetique. Yu'un ti c'usi laj jpas ta Egiptoe, rexticooxuc. ‘Ts'acal to un, jal lajalijic ta sbajtical banomil,

1 Juan 4:18

Mi oy ti syail xc'uxul o'ntonale, laj to c'op ma' ti oy xi'ele. Yu'un ti bats'i syail xc'uxul o'ntonal ta j'ech'ele, mi ja'uc oy xi'el. Yu'un ti xi'ele, naca vocol ta xac'. Ti buch'u tsacbil no'ox ta xi'el ta xa'ie, mu'yuc to c'otem lec ta yo'nton ti c'uxubinbil yu'un ti Diose.