Éxodo 13:9 - Bible in Tzotzil de Chamula

⁹ Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Bible in Tzotzil de Chenalhó with Deuterocanon

⁹ Ja' yu'un tsc'an chcom senyail ta ac'obic, o ta ati'baic ya'yel, yu'un jech cht'ab ta avo'ntonic ti tsc'an ja' chalo'iltaic o li mantaletic yu'un Muc'ul Diose. Yu'un ja' la sloq'uesutic tal ta smuc'ul stsatsal te ta Egipto banamil.

Éxodo 13:9 Iomraidhean Croise

Nehemías 1:10

“Ti avajtuneluncutique, ateclumaluncutic ti laj apojuncutic ta sventa ti amuc'ul atsatsale.

Salmos 136:11

Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

Salmos 136:12

Ta scotol smuc'ul stsatsal laj sye' ti sc'obe, yu'un sbatel osil oy syail xc'uxul yo'nton.

Salmos 89:13

Jelavem smuc'ul stsatsal ti avoc ac'obe; j'ech'el xu' yu'un ti abats'i c'obe, tsalvanem ta xc'ot ta j'ech'el.

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:16

Ti jech taj une, co'ol s'elan oy smarcail avu'unic mi ta ac'obic, mi ta ati'baic. Ti va'i s'elan liquem ta xich' pasel taje, ja' ta xac' ta na'el ti ta smuc'ul stsatsal ti Dios laj sloq'uesuncutic talel ta Egiptoe.’ ”

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Proverbios 1:9

Xi s'elan c'otem ta alequilal ti alac' aba xac'ot o xchi'uque: avuil ti jun yutsile, mi mo'oje, c'otem ta sronail ajol.

Proverbios 3:21

Oyuc ta ajol ti tuc'uc snopobil avu'une, cuni nich'on, mu xch'ay xava'i ti bijbijane.

Proverbios 7:23

ta jech yepal un, ts'apal ta xc'ot ta yo'nton ti sni' yolobe; co'ol s'elan jcot mut yacal ta xc'ot ta syacobil, ti mu sna' ti ta xac' o ti sjol sbaquil xchi'uque.

Cantares 8:6

Na'un ta avo'nton un, sbelucun avoc ac'ob. Ti mu tuch'baj ta o'ntonal ta xca'i jbatique, mu xtub ta be jech c'u cha'al ta xch'acvan ti chamel lajele. Ti vocolal yu'un ti sc'upijele, ta x'ic'van ta j'ech'el jech c'u cha'al ti muquinale. Yip ti mu tuch'baj ta o'ntonal xca'i jbatique, ja' jun ch'ul c'oc' ti natic no'ox sleb ta j'ech'ele.

Isaías 27:1

Ti Diose, ta sventa ti jelavem xu' yu'un ti yespadae, ta stsits o ti Leviatán ti muc' ta Dragón chon ti xnaquet ta muc' ta nabe, ti xotol xchapoj sba ti luquetel chon Leviatán ti jech c'ac'al taje.

Isaías 40:10

Ta xa xvul ta loq'uel ti Dios xchi'uc ti smuc'ul stsatsale. Ta xlic pasvanuc ta mantal ta sventa smuc'ul stsatsal ti yoc sc'obe. Ta xic' talel ti steclumal ti c'alal mi laj xa spoj loq'uele.

Isaías 44:5

Oy bu xi ta xalbe sbaique: ‘Ti vu'une, yu'unun ti Diose.’ Ti yane ta xalbe sba ti ja' snitilultac ti Jacobe. Ti yan eque xi ts'ibabil ta sc'obe: ‘Yu'unun ti Diose’, xchi'uc quich'ojbe sbi ti Israele.”

Isaías 49:16

Yu'un comem yavtac ta coc jc'ob. Bejel ta jol co'nton ti amoctaque.

Isaías 51:9

Ta smuc'ul stsatsal Dios, vic'o asat, julavan, tijo ach'ulel, tsatsajan, ac'bo yipal, vic'o asat jech c'u cha'al laj apas talel le' xa ta vo'nee. Laj asesinta ti muc' ta chanul-nab Rahab sbie.

Isaías 59:21

Ti Diose xi ta xale: “Ta jpas jtrate ta atojolic. Ta xcal ta jamal, ti mu sq'uej sba ta atojolic ti jmuc'ul jtsatsale, xchi'uc ti c'u s'elan ta jchanubtasoxuque. Sbatel osil, mi ja'uc ta xquictaoxuc comel xchi'uc ti anitilultaque.”

Jeremías 22:24

Ti Diose xi ta xalbe ti Jeconías xnich'on ti Joacim ajvalil yu'un ti Judae: “Xichi laj jva'an jba ta yalele: Manchuc mi jech a'elan jech c'u cha'al junuc ixtolal ni' c'abal ta xtun ta sventa ti seyo tiq'uil ta sni' ti jbats'i c'obe, ta xajpitsot loq'uel.

Daniel 9:15

“Yu'un ti vo'ote, Cajval, ti Diosot cu'uncutique, laj avac' ta ilel ti jelavem xu' avu'un ti c'alal laj aloq'ues talel ta Egipto ti ateclumale. Yu'un staoj yav ta xavinajes ac'oplal jech c'u cha'al laj avac' ta ilel ta vo'ne ti jelavem xu' avu'une. Ja'uc ti vu'uncutic une, ja' no'ox ochem yipal ta sa'el ti mulil cu'uncutique, ta spasel ti c'usi chopole.

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Números 15:39

Va'i un, ti c'alal ta xavilic noch'ajtic ti sts'acleb stsitsimale, ta xavules ta ajolic scotol ti jmantaltac ti laj cac'boxuque, ti c'otuc ta pasel avu'unique, yo' jech mu staojuc yav ava'binoj abaic ti mu junuc avo'ntonic ta jtojole.

San Mateo 23:5

Ta spasic scotol jech taje yo' ta staic ti lec ta x'ilatic yu'un ti yane. Yu'un lec ta xa'iic ti chucajtic ta sti'baic ta sc'obic ti smantal Dios ts'ibabil ta jamal poq'ue, xchi'uc lec nat ta slap ti sc'u'ic ti oy stsitsimaltaque.

Romanos 10:8

¿C'usi ta xac' ta na'el ti xi ta xale? “Oy ta ave ati' ti c'op a'yeje. Mu nomuc oy. Oy ta avo'nton.” Ti c'op a'yej taje, ja' sc'oplal ti c'otuc ta o'ntonal ta xch'unel ti yacal ta xcalcutique.

Deuteronomio 30:14

Ja'uc le'e, nopol no'ox oy ta atojolic ti mantaletique. Yu'un oy ta ave ati'ic. Oy ta snopobil avu'unic yo' jech ta xc'ot ta pasel avu'unic.

Deuteronomio 5:15

Mu xch'ay xava'i ti mosovinbiloxuc to ox la'ech'ic ta Egiptoe, ti laj sloq'uesot talel ti Ajvalil Dios avu'un ti bu taje, yu'un laj slaman ti smuc'ul stsatsale. Jech o xal ti Ajvalil Dios avu'une ta xalbot mantal ti c'otuc ta pasele, ich'o ta muc' ti sc'ac'alil cuxob o'ntonale.

Deuteronomio 6:21

Va'i un, xachi ta xatac'beique: ‘Ti ta Egiptoe, mosovinbiluncutic to ox yu'un ti faraone. Ja'uc ti Ajvalil Dios une, ta smuc'ul stsatsal laj sloq'uesuncutic talel ti bu taje.

Deuteronomio 6:6

“Bejluc c'otuc ta ajol scotol tana li'e ti va'i s'elan laj calbot ava'ie.

Deuteronomio 6:8

Chuquic ech'el ta ac'obic ta ati'baic ti mantaletic taje yo' jech ta xt'ab ta avo'ntonic.

Apocalipsis 18:8

Jech o xal un, ta jun no'ox c'ac'al, lamal ta xvul ta stojol ti svocole: lajel tubel xa'i xcham xlaj, vi'nal xa'i, yan vocol xa'i, chiq'uel ta c'oc' xa'i xlaj. Jech ta xc'ot ta stojol, yu'un oy smuc'ul stsatsal ti Diose, ti laj xa yac' ye ta xc'ot ti xchapanel ta stojole.”

Jueces 2:12

Laj yictaic comel ti Ajvalil Dios yu'un ti smolmuc'totic ti loq'uesatic talel ta Egiptoe. Lic snaban sbaic ta yich'el ta muc' ti diosetic yu'un ti jnaclejetic ti joyol ta spat ta xoconique. Lic sliquesbeic sc'ac'al yo'nton ti Dios ti jech taj une.