Éxodo 13:6 - Bible in Tzotzil de Chamula

⁶ Vucub c'ac'al (7) sjalil ta xave'ic pan ti mu'yuc ac'bil ti spajubtasobile. Ti ta stsutseb yucubal (7) c'ac'ale, ta xapasic q'uin ta sventa yich'el ta muc' ti Diose.

Bible in Tzotzil de Chenalhó with Deuterocanon

⁶ Vucub c'ac'al xave'ic pan ti mu'yuc yich'oj svolesubil xch'ute. Ta svucubal c'ac'ale ja' xa yorail chapasic li q'uin sventa chavich'ic ta muc' li Muc'ul Diose.

Éxodo 13:6 Iomraidhean Croise

2 Crónicas 30:21

Vucub c'ac'al (7) sjalil un, xmuyubajic no'ox ta j'ech'el oyic ta Jerusalén ti israeletic ta spasbel q'uin c'alal ta xich' ve'el pan ti ch'abal yich'oj spajubtasobile. Stuc xa no'ox jech xlomet yu'unic ti ep ta tos ch'ul músicaetic ti xlic xcaj stoyel xi'el Dios yu'unic jujun c'ac'al ti paleetique, xchi'uc ti levitaetique.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Levítico 23:8

Vucub c'ac'al sjalil, sc'an ti ta xachiq'uic matanal ta stojol ti Diose. Ja'uc ti ta yucubal c'ac'al une, ta xapasic jun ch'ul tsoblej. Tsots sc'oplal mi ja'uc stac' xa'abtejic jutebuc.”

Deuteronomio 16:8

Yu'un vaquib c'ac'al sjalil ta xave'ic pan ti ch'abal ac'bil ti spajubtasobile. Ja'uc ta yucubal c'ac'al une, ta xapasic jun muc' ta ch'ul tsoblej sventa stael ta na'el ti Ajvalil Dios avu'unique. Yu'un ti jech c'ac'al taje, mi jtosuc abtel ta xavabtelanic.

Josué 5:11

Ti jech c'ac'al taje, laj sve'ic pan ti ch'abal yich'oj ti spajubtasobile, xchi'uc ti bacubtasbil trigoe. Ja'uc ti ta yoc'omal une, lic xa slajesic ti c'usi xch'i x'ayan yu'un ti banomile.