Éxodo 13:5 - Bible in Tzotzil de Chamula

⁵ Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Bible in Tzotzil de Chenalhó with Deuterocanon

⁵ Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Éxodo 13:5 Iomraidhean Croise

Génesis 26:3

Avi tana li'e, naclan ta jteclum. Ta jchi'inot. Ta jva'an jba ta atojol. Yu'un ti banomil li'e, chapal sc'oplal ta xcac'bot avich' xchi'uc ti anitilultaque. Ti jech taje, ja' ta xc'ot ta pasel cu'un ti jtrate calojbe ti atot Abrahame.

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

Éxodo 12:24

Ti va'i s'elan laj yich' alel taje, ta me xavich'ic ta muc' xchi'uc ti anitilultaque, ti ja' c'ot ta jbel c'usi albil ti tsots sc'oplal com o sbatel osile.

Éxodo 13:10

Jech o xal un, pasic ti q'uin jujun jabil ti ta x'ech' batel ti c'usi ual ta xc'ote.’

Éxodo 13:11

“C'alal mi laj xa stic'oxuc ochel ti Dios ta slumalic ti cananeoetique, mi laj xa yac'boxuc ta avoc ta ac'obic xcaltique, jech c'u cha'al albiloxuc ono'ox xchi'uc ti amolmuc'totic ti ta xa'ac'batique,

Éxodo 3:17

Ja' jech xtoc laj yalbun ti ta xasloq'uesoxuc batele. Ta xaspojoxuc loq'uel ti jech mu x'ech' avocolic li' ta Egiptoe. Ta xayic'oxuc batel ta jteclum ti bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique, ta banomil ti bu co'ol s'elan vo' ta xbein ti chu' vacaxe, ti ajapome.”

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Éxodo 33:1

Ti Diose xi laj yalbe ti Moisese: —Tamo batel abe. Loc'an batel xchi'uc ti israeletic ti laj aloq'ues talel ta Egiptoe. Batanic ta banomil ti bu calojbe ya'iic ti Abrahame, ti Isaaque, ti Jacobe, ti caloj ti ta xcac'be ti snitilulique.

Éxodo 34:11

“C'otuc me ta pasel avu'unic ti va'i s'elan laj calboxuc ava'iic li'e. Ja' yu'un un, ta aba ta asatic ta jten loq'uel ti amorreoetique, ti cananeoetique, ti hititaetique, ti ferezeoetique, xchi'uc ti jebuseoetique.

Éxodo 6:4

Ac'o mi jech taje, ja' no'ox un, laj jpas jun jtrate ta stojolic. Laj cal ta xcac'beic ti Canaán banomil bu co'ol s'elan jyanlum xanavic c'uc sjalile.

Éxodo 6:8

Ta xaquic'oxuc batel ta banomil ti calojbe ono'ox ti ta xcac'be ti Abrahame, ti Isaaque, ti Jacobe. Vu'un ti Ajvalilune ta xcac'boxuc abanomilinic.

Jeremías 11:5

Mi ta xavac'beicun ta ventae, ta xc'ot ta pasel cu'un ec ti jtrate ti laj jva'an jba ta yalel ti ta xcac'beic banomil ti atot ame'ic ta vo'nee, banomil ti bu avich'ojic tana le'e, ti bu co'ol s'elan vo' xbein no'ox ti chu' vacaxe xchi'uc ti ajapome.” Xichi laj jtac' ec une: “Jechuc, Cajval.”

Jeremías 32:22

Laj avac'be yich' banomil ti israeletic ti bu co'ol s'elan vo' ta xbein ti chu' vacaxe, xchi'uc ti ajapome jech c'u cha'al laj ono'ox avalbe ya'iic ti stot sme'ic ta vo'nee.

Ezequiel 20:6

Ti jech c'ac'al taje, laj jva'an jba ta yalbel ya'iic ti ta jloq'uesic balel ta Egiptoe, ta yiq'uelic ech'el ta jun muc' ta lum ti laj jsa'ilan bu co'ol s'elan vo' ta xbein ti chu' vacaxe, ti ajapome, ¡ti stuc xa no'ox muc' ta lum c'upil sba ta scotole!

Levítico 20:24

Ta xcac' que jti' ti vo'oxuc ta xac'otic ta yajval ti slumalique. Yu'un ta jva'an jba jtuc ti ta xcac'boxuc ti jteclum taje, ti bu co'ol s'elan vo' ta xbein ti chu' vacaxe, ti ajapome. “Yu'un vu'un ti Ajvalil Diosun avu'unique, ti ch'acbiloxuc cu'un xchi'uc ti yan lumetique.

Números 11:12

¿Mi yu'un stoticun, mi sme'icun yo' jech ta xavac'bun jpet batel jech c'u cha'al jchu'nel olol c'alal to ta banomil ti avalojbe ya'i ti smolmuc'totic ta xavac'bee?

Números 13:27

Xi laj yalbeic ti Moisese: —Li'aycutic ta banomil ti bu laj atacuncutic batele. Ta melel, ja' jun banomil ti bu co'ol s'elan vo' ta xbein ti chu' vacaxe, ti ajapome. Q'uelo avil ti sat te'etic ti ta xac' ti banomil li'e.

Números 14:16

‘Ti Diose mu'yuc c'usi laj yut laj yac' ochuc batel ta banomil ti jteclum li'e ti yaloj ta jamal ta xac'bee. Jech o xal un, laj smil ta sbajtical banomil.’

Números 14:30

Mi junuc ta xa'ochic batel ta banomil ti laj calboxuc ta jamal ti ta xacac'beique. Ja' no'ox ta x'ochic batel ti Calebe xchi'uc ti Josuee.

Números 32:11

“Yu'un scotol ti querem viniquetic ti yich'ojic jtob jabile xchi'uc ti x'ech' xa ti c'alal loq'uic talel ta Egiptoe, mu x'ochic batel ta banomil ti caloj ta xcac'beic ti Abrahame, ti Isaaque, ti Jacobe, ta scoj ti yan ti sjol yo'ntonic ta jtojole.”

Deuteronomio 12:29

“C'alal ti Ajvalil Dios avu'unique mi laj xa stsutsesbe sc'oplal ti muc'tiquil lum ti bu ta xabat ta yu'ninele, ti c'ot xa o ta arextoe, ti nacaloxuc ta j'ech'el ta sbanomilique,

Deuteronomio 19:1

“C'alal mi laj xa xch'aybe sts'unubalic ti muc'tiquil lum ti Ajvalil Dios avu'unique, mi laj xa avu'ninic ti yosilic ti ja' to yu'unic tana li'e, mi laj xa avu'ninbeic ti slumalique, xchi'uc ti snaique,

Deuteronomio 26:1

“C'alal mi la'ochic xa ech'el ta banomil ti yaloj ti Ajvalil Dios avu'unic ti ta xac' ti arextoique, mi lanaquiic ta j'ech'ele,

Deuteronomio 7:1

“Ti Ajvalile, ti ja' Dios avu'unique, ta xac' ochanic batel ta lum ti bu ta xavu'ninique, ti xi s'elan ta xavilic ta aba ta asatic ta sjip loq'uel ti vucub muc'tiquil lume ti jelavem xu' yu'unique, ti ja' mu sta ti vo'oxuque: ti hititaetique, ti gergeseoetique, ti amorreoetique, ti cananeoetique, ti ferezeoetique, ti heveoetique, xchi'uc ti jebuseoetique.

Josué 24:11

Va'i un, ti vo'oxuc une cuch avu'unic ta xtuch'el jelavel ti uc'um Jordane. Lac'otic c'alal to Jericó. Ti jnaclejetic ta Jericoe laj stsacoxuc ta leto, (ti amorreoetique, ti ferezeoetique, ti cananeoetique, ti hititaetique, ti gergeseoetique, ti heveoetique, xchi'uc ti jebuseoetique). C'ot ta pasel cu'un ti tsalbil c'ot avu'unique.