Éxodo 13:3 - Bible in Tzotzil de Chamula

³ Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Bible in Tzotzil de Chenalhó with Deuterocanon

³ Li Moisese jech lic yalbe li xchi'iltac ta israelale: “Na'ic me ti tsots sc'oplal li jun c'ac'al li'i. Mu me xave'ic pan ti yich'oj svolesubil xch'ute, yu'un ja' sc'ac'alil la sloq'uesoxuc tal ta Egipto ta svu'el stsatsal li Muc'ul Dios ti bu to'ox tiq'uiloxuc ta mozoile.

Éxodo 13:3 Iomraidhean Croise

Génesis 15:16

Va'i un, c'alal mi ech' xa ox ti xchancoj jujuvoc' totil me'iletique, jech ti anitilultaque ta sutic talel li' ta banomile. Avie, yu'un mu to ta xc'ot bu xa c'alal mu ts'icbaj xchopolalic ti amorreoetique.

1 Reyes 8:42

ti ta xtal sc'anbot ti vocol li' ta ch'ulnae, (yu'un ta xvinaj, ta xpuc sc'oplal ti avutsilale, ti amuc'ul atsatsale, ti ch'ayal ta xc'ot o'ntonal yu'un ti c'usi ta xapase),

1 Crónicas 16:12

Ti vo'oxuc snitiluloxuc ti jtunel Israele, ti vo'oxuc xnich'naboxuc ti Jacob ti t'ujbiloxuc yu'une, vuleso ta ajolic smuc'tiquil ti yabtele, xchi'uc ti c'usitic ch'ayal ta xc'ot o'ntonal yu'une, xchi'uc ti c'usitic nopbil yu'un ti xi laj yalboxuque:

Nehemías 1:10

“Ti avajtuneluncutique, ateclumaluncutic ti laj apojuncutic ta sventa ti amuc'ul atsatsale.

Nehemías 9:10

Muc'tic no'ox ti c'usi laj avac' ta ilel ti ch'ayal o'ntonal xc'ot yu'un ti c'usitic laj apas ta scontrainel ti faraone, ta stojol ti yajtuneltaque, ta stojol ti jnaclejetic yu'un ti steclumale. Laj avil ti jelavem xa'i sbaique, ti loq'uel ta xutilanic ti israeletique. Ja' jech puc ac'oplal avi tana ti jelavem xu' avu'une.

Salmos 105:5

Vo'oxuc snitilul Abraham ti c'otem ta yajtunele, vo'oxuc xnich'nab Jacob ti t'ujbil yu'une, vuleso ta avo'ntonic un, ti yabteltaque, ti c'usitic muc'tic ta spas ti ch'ayal o'ntonal ta xc'ot yu'une, ti scaj'aloj c'usitic nopbil yu'une.

Salmos 114:1

Ti Israel snitilultac ti Jacobe, c'alal loq'uic talel ta Egipto ti oyic to ox ta yan lume,

Salmos 136:11

Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

Salmos 136:12

Ta scotol smuc'ul stsatsal laj sye' ti sc'obe, yu'un sbatel osil oy syail xc'uxul yo'nton.

Salmos 89:14

Ta sventa ti atuq'uil alequilale, oyot ta ventainvanej; ti syail xc'uxul avo'nton une, ti melel xavale, ta xvinaj ta sventa ti c'usi ta xapase.

Éxodo 12:15

Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Éxodo 12:17

Sq'uinal ti pan ti mu'yuc yich'oj ti spajubtasobile, ja' jun c'ac'al ti tsots sc'oplal ta xapasic ti q'uine. Yu'un jech yorail laj jloq'uesoxuc talel ta Egipto, ti ta xc'ot ta jbel c'usi albil ti tsots sc'oplal bejtsanbil ta xcom ta ajolique, ta stojol ti totil me'ile xchi'uc ti alab nich'nabiletique.

Éxodo 12:19

Vucub c'ac'al sjalil mi ja'uc jset'uc ta xavac'beic spajobtasobil ti pane. Buch'uuc no'ox ta sve' pan ti yich'oj spajubtasobile, ta xich' jipel loq'uel ta stojol ti Israele, manchuc mi ja' jyanlum, mi ja' israel.

Éxodo 12:2

—Ti u li'e, na'bil lec ta xcom avu'unic, yu'un ja' sliqueb u yu'un ti jabile.

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:42

Ti jech ac'ubal taje, lec stuc'ulanoj ti Diose yo' jech ta sloq'ues batel ta Egipto ti israeletique. Ti jech ac'ubal taje, ja' yich'el ta muc' ti Diose. Jech xtoc ti jech ac'ubal taje, ja' tsots sc'oplal ti ta xchabiic ti israeletic ti jaypoj chlaj ech'icuc xchi'uc ti yalab xnich'nabique.

Éxodo 12:8

Ti jech ac'ubal taje, vobil ta c'oc' ta xati'ic ti beq'uete, capal ta ch'ail itaj, xchi'uc pan ti mu'yuc yich'oj ti spajubtasobile.

Éxodo 13:14

Mi oy bu ta xc'ot ta pasel ti xi ta xlic sjac'boxuc ti anich'nabic ta ts'acale: ‘¿C'usi smelol ti jech ta xich' pasel le'e?’ xi xatac'beique: ‘Yu'un ja' o laj sloq'uesuncutic talel ta smuc'ul stsatsal ti Dios ti c'alal tiq'uiluncutic to ox ta mosovil ta Egiptoe.

Éxodo 13:9

Ti jech bejel ta o'ntonal avu'unic taje, co'ol s'elan avich'ojic marca ta ac'obic, mi ta ati'baic. Ti jech taje, ja' svulesobil ta ajolic ti tsots sc'oplal ta xalo'iltabe abaic ti oy c'usi tsots albil yu'un ti Diose. Yu'un ta smuc'ul stsatsal, laj sloq'uesuncutic talel ta Egipto.

Éxodo 20:2

“Vu'un Ajvalil ti ja' Diosun avu'unique, ti laj jloq'uesoxuc talel ta Egipto ti bu mosovinbiloxuc to oxe.

Éxodo 20:8

“Vuleso ta avo'nton sc'ac'alil ti cuxob o'ntonale yo' jech ich'bil ta muc' ta xc'ot ti Diose.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 3:20

Ac'o mi jech un, ja' no'ox un, ta xcac'be yil ti jmuc'ul jtsatsale. Ta xcac'be yil ti ch'ayal ta xc'ot yo'ntonic ti jujuti' xa mu ta xchamic o ti egipcioetic ti c'usi ta jpas ta slumalique. Mi laj taj une, ja' to jech xu' ta xac' loc'anic batel ti faraone.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.

Éxodo 6:1

Ti Diose xi laj staq'ue: —Avi tanae, ta xavil ti c'usi ta jpas ta stojol ti faraone, yu'un ja' to ta xac' loc'uc batel ta steclumal ti mi tsots ta sta ti ilbajinele. Va'i unbi, xu' xa ta xal stuc ti ac'o loq'uicuc batele.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 6:7

Ta xa jbisoxuc ta calab jnich'nab. Vu'un Diosun avu'unic. Ja' to jech ta xana'ic ti vu'un Ajvalilune, ti Diosun avu'unique, ti ta jpojoxuc loq'uel ti yacaloxuc ta tsots abtel yu'un ti egipcioetique.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Jeremías 34:13

“Ti vu'un Ajvalilune, Diosun yu'un ti Israele, laj jpas jtrate xchi'uc ti atot ame'ic ta vo'ne c'alal laj jloq'uesic talel ta Egipto ti bu ochemic ta mosovile.

Daniel 9:15

“Yu'un ti vo'ote, Cajval, ti Diosot cu'uncutique, laj avac' ta ilel ti jelavem xu' avu'un ti c'alal laj aloq'ues talel ta Egipto ti ateclumale. Yu'un staoj yav ta xavinajes ac'oplal jech c'u cha'al laj avac' ta ilel ta vo'ne ti jelavem xu' avu'une. Ja'uc ti vu'uncutic une, ja' no'ox ochem yipal ta sa'el ti mulil cu'uncutique, ta spasel ti c'usi chopole.

San Mateo 10:12

C'alal ta xa'ochic batel ta snae, ‘tal cac'boxuc spatobil avo'ntonic’, chianic.

San Lucas 22:19

C'un to un, laj stsac ti pane. Laj yalbe vocol ti Diose. Lic xet', laj yac'be jelavel ti yajchanc'optac ti xi laj yale: —Ti li'e, ja' jbec'tal jtacopal ta xich' aq'uel ta c'abal yo' ta xmile ta sventa alequilalic. Jech xapasolanic o sventa jna'obil.

1 Corintios 11:24

C'alal laj yalbe vocol ti Diose, laj xet' ti jbej pane, ti xi laj yale: “Ve'anic ti pan li'e, ja' senyail ti jbec'tal ta xyayij ta xcham ta sventa alequilalique. Jech me xapasic o yo' ta xavulesicun ta avo'ntonic.”

1 Corintios 5:8

Tsots sc'oplal, sjunuluc o'ntonal xquich'tic ta muc' ti Cajvaltique, ti ma'uc capal xchi'uc ti mulile, xchi'uc ti c'usi chopol ta q'uelel jech c'u cha'al ti poco' spajubtasobil ti pane. Mi mu jechuc ta jpastique, melel unbi, co'ol j'elantic jech c'u cha'al ti pan ch'abal yich'oj ti spajubtasobile.

Efesios 1:19

Jech ta xc'ot ta avo'ntonic ti mu no'ox bisbiluc smuc'ul stsatsal ti Dios ta x'abtej ta jtojoltic ti vo'otic c'otem ta co'ntontic ta xch'unele.

Deuteronomio 13:10

Ac'beic ya'i ton ja' to ti c'uxi ta xcham ta scoj ti laj yac' sjol yo'nton ta sc'an ta xch'acoxuc loq'uel ta stojol ti Ajvalil Dios avu'unic ti ja' laj sloq'uesoxuc talel ti bu to ox mosovinbiloxuc ta Egiptoe.

Deuteronomio 13:11

Ti jech taj une, scotol israeletic ta xc'ot ta sni' ta xchiquinic, xi'bal xa sba ta xa'i mi ta xlic xcha'pas yan velta chopol mulil jech c'u cha'al taje.

Deuteronomio 13:5

Yu'un ti j'alc'op taje, mi ja' ti jvaichinajel vinique, chapal xa sc'oplal ta xich' milel ta scoj ti laj sbijubtasoxuc ta scontrainel ti Ajvalil Dios avu'unic ti c'alal ja' laj scoltaoxuc loq'uel talel ta mosovil ta Egiptoe. Yu'un ti vinic taje ta xac' sjol yo'nton ti ta xch'acoxuc ya'i loq'uel ta be ti bu laj yalboxuc ti Ajvalil Dios avu'unic ti ac'o atamic batele. Yu'un ja' to jech ta xc'ot ta tsutsel ti c'usi ta soquesvan ta atojolique.

Deuteronomio 13:6

“Ja'uc le' une, oy bu ma' ti ta xc'ot ta pasel ja' achi'il ta voq'uele, mi aquerem nich'on, mi atseb, mi ac'uxubinbil ajnil, mi ja' ti buch'u spajem lec xavil abaic xchi'uque, ta mucul ta sc'an ta syanijes ajol yo' jech ta xanijan xachiman abaic ta yich'el ta muc' yan diosetic ti mu ja'uc xavojtiquinique, mi ja'uc laj yojtiquinic ti atot ame'ic ti laj ech'icuc ta vo'nee,

Deuteronomio 15:15

Mu me xach'ay ta avo'nton ec ti mosovinbilot la'ech' ta Egiptoe. Yu'un ti Dios avu'une laj spojot loq'uel talel. Jech o xal avi une, ta xcalbot ava'i ti tsots sc'oplal sc'an ta xapase.

Deuteronomio 16:1

“C'alal ta xc'ot yual ti Abib sbie, c'otuc ta pasel avu'unic ti ta xapasic sna'obil ti q'uin Colel sventa yich'obil ta muc' ti Ajvalil Dios avu'unique, yu'un ja' o me yu'al jech ac'ubal ti c'alal laj sloq'uesoxuc talel ti Ajvalil Dios avu'unic ta Egiptoe.

Deuteronomio 16:12

Vuleso ta avo'ntonic ti mosovil la'ech'ic ta Egiptoe. Ja' yu'un un cha'e, abtelanic ta spasel scotol ti va'i s'elan ti oy c'usi jbel ti tsots albil sc'oplale.

Deuteronomio 16:3

“Ti milbil chon bolometique, ta xalajesic xchi'uc pan ti ch'abal ac'bil ti spajubtasobile. Vucub c'ac'al sjalil ta xave'ic pan ti ch'abal ac'bil ti spajubtasobile, ti ja' jun pan sventa svinajeb oy ti vocole, yu'un ta jech no'ox yepal laloq'uic talel ta anil ta Egiptoe. Ti jech to cuxuloxuc une, vuleso ta avo'ntonic ti sc'ac'alil laloq'uic talel ta Egiptoe.

Deuteronomio 24:18

Mu me xch'ay xava'iic ti mosovil la'ech'ic ta Egiptoe. Ti Ajvalil Dios avu'unique laj sloq'uesoxuc talel ti teye. Jech o xal un, ta xcalboxuc ava'iic, c'otuc ta pasel avu'unic scotol ti va'i s'elan laj calboxuc ava'iique.

Deuteronomio 24:22

Mu me xch'ay xava'iic ti mosovil la'ech'ic ta Egiptoe. Jech o xal ta xcalboxuc ava'iic, c'otuc ta pasel avu'unic scotol ti va'i s'elan laj calboxuc ava'iique.

Deuteronomio 26:8

Laj syales talel ti smuc'ul stsatsal yoc sc'obe, ti mu no'ox albajuc xi'elal laj c'otuc ta pasel yu'une, ti ch'ayal ta xc'ot o'ntonal yu'un ti lijloc'cutic talel yu'un ta Egiptoe.

Deuteronomio 4:34

¿Mi yu'un oy bu c'otem ta pasel ya'luc sc'oplal junuc dios ti laj stsob loq'uel jun lum ta stojol yan lum ti ep ta tos ti c'usitic laj spase? Yu'un ti tey ta aba ta asatique, laj cotuc ta pasel yu'un ti jchop o ta q'uelele, ti ch'ayal ta xc'ot o'ntonal yu'une, ti xletovaj no'oxe, ti laj slaman ta bail ti bu xa c'alal xu' yu'une, ti smuc'ul stsatsal ti xi'bal sbae, laj c'otuc ta pasel yu'un ti laj spas ta atojolic ti Ajvalil Dios avu'unic ta Egiptoe.

Deuteronomio 5:15

Mu xch'ay xava'i ti mosovinbiloxuc to ox la'ech'ic ta Egiptoe, ti laj sloq'uesot talel ti Ajvalil Dios avu'un ti bu taje, yu'un laj slaman ti smuc'ul stsatsale. Jech o xal ti Ajvalil Dios avu'une ta xalbot mantal ti c'otuc ta pasele, ich'o ta muc' ti sc'ac'alil cuxob o'ntonale.

Deuteronomio 5:6

‘Yu'un vu'unun ti Ajvalil Diosun avu'unique ti laj jloq'uesoxuc talel ta Egipto ti bu mosovinbiloxuque.

Deuteronomio 6:12

C'alal jech ta xc'ot ta pasel taj une, tsotsanic ti mu xch'ay ta avo'ntonic ti Ajvalil Diose, ti ja' laj sloq'uesoxuc talel ta Egipto ti bu to ox mosovinbiloxuque.

Deuteronomio 6:21

Va'i un, xachi ta xatac'beique: ‘Ti ta Egiptoe, mosovinbiluncutic to ox yu'un ti faraone. Ja'uc ti Ajvalil Dios une, ta smuc'ul stsatsal laj sloq'uesuncutic talel ti bu taje.

Deuteronomio 7:8

Ti Diose, ta smuc'ul stsatsal laj spojoxuc loq'uel talel ta yoc ta sc'ob ti faraón ti bu to ox mosovinbiloxuc ta Egiptoe, yu'un c'uxoxuc ta yo'nton. C'otuc la ta pasel yu'un ti strate ti yaloj no'ox ta stojol ti amolmuc'totic laj ech'icuc ta vo'nee.

Deuteronomio 8:14

mu me ja'uc ti cajal tojol xa xava'i abaic ti ta xach'ay ta avo'ntonic ti Ajvalil Dios avu'unic ti laj sloq'uesoxuc talel ta Egipto ti bu to ox tiq'uiloxuc ta mosovile.

Deuteronomio 9:12

Va'i un, xi laj yalbune: ‘Yalan batel ta anil ti li'e. Yu'un ti jteclum ti laj aloq'ues talel ta Egiptoe, ch'ayic xa ta be. Yu'un ta jech no'ox yepal ta anil laj yicta sbaic ta spasel ti c'usitic calojbe ta spasique. Yu'un laj xa smeltsan jun sdiosic ti ulesbil ta taq'uine.’

Josué 24:17

Yu'un ja' stuc ti Diose laj sloq'uesuncutic talel ta Egipto xchi'uc ti jmolmuc'totcutic ti bu to ox tiq'uiluncutic ta mosovile. Yu'un ja' stuc ti laj yac' ta ilel ta jba ta jsatcutic ti ep ta tos ti ch'ayal ta xc'ot o'ntonal yu'une. Yu'un ja' laj xchabiotic. Yu'un laj spojotic ti c'u sjalil ti bu xijoyetotic talel ta xanvile, ti c'alal lij'ech' talel ta epal jteclumetique.

Jueces 2:12

Laj yictaic comel ti Ajvalil Dios yu'un ti smolmuc'totic ti loq'uesatic talel ta Egiptoe. Lic snaban sbaic ta yich'el ta muc' ti diosetic yu'un ti jnaclejetic ti joyol ta spat ta xoconique. Lic sliquesbeic sc'ac'al yo'nton ti Dios ti jech taj une.

Jueces 6:8

tacbatic talel jun j'alc'op ti xi albatic yu'une: “Xi ta xal ti Ajvalil Dios yu'un ti Israele: ‘Laj jloq'uesoxuc talel ta Egipto ti bu to ox tiq'uiloxuc ta mosovile.