Éxodo 13:21 - Bible in Tzotzil de Chamula

²¹ Ja' jba'be batel yu'unic ti Diose. Ti ta c'ac'altique, ta xac' sba iluc ta jun voletel toc yo' jech ta xtojobtasvan batel ta be. Ti ta ac'ubaltique, ta xac' sba iluc ta jun muc' ta tilemal c'oc' yo' ta xil sbeic yu'un. Ja' jech cuch yu'unic ti xanvil ta c'ac'al ac'ubale.

Bible in Tzotzil de Chenalhó with Deuterocanon

²¹ Li Muc'ul Diose ja' ba'yucbe ital yu'unic. Ta c'ac'altique laj yac' sba ta ilel ta jun toc, yu'un ja' tsbeiltasatic ti bu xu' chbatique. Yan ta ac'ubaltique, ta c'oc' laj yac' sba ta ilel yu'un jech chil sbeic. Ja' jech ivu' yu'un ixanovic ta c'ac'al ta ac'ubal.

Éxodo 13:21 Iomraidhean Croise

Nehemías 9:12

Ta jech yepal un, ta c'ac'altique, ta jun bal-bal voletel toc laj atojobtas ech'el. Ta jun bal-bal voletel leb c'oc' laj atojobtas ech'el ta ac'ubaltic yo' jech sac jaman ta stam ech'el ti sbeique.

Nehemías 9:19

Ta sventa ti mu albajuc ti syail xc'uxul avo'ntone, mu'yuc xaten comel c'alal oyic ta sbajtical banomile. Mi ja'uc laj xch'ac sba ta stojolic ti bal-bal voletel toc ta c'ac'altic yo' jech ta xtojobtasatic batel ta be, mi ja'uc ti bal-bal voletel leb c'oc' ta ac'ubaltique, yo' ta xil batel sbeic ti bu ta stamic batele.

Salmos 105:39

Laj yac' taluc voletel toc ti Diose yo' ta xqueovtaatic batel, xchi'uc voletel leb c'oc' yo' sac jaman ta xilic batel ta ac'ubaltique.

Salmos 68:7

Ch'ul Dios, c'alal jba'beot ech'el xchi'uc ti steclumale, ti xavoletic no'ox batel xchi'uc ta sbajtical banomile,

Salmos 77:20

Co'ol s'elan lametel chij, laj atojobtas ta beinel ti ateclumal ta sventa ti Moisese, xchi'uc ti Aarone.

Salmos 78:14

Ti ta c'ac'altique, ta st'unic batel yu'un ti toc xvolet batele; ti ta ac'ubaltic une, ta st'unic batel yu'un ti leb c'oc' xvolet batele.

Salmos 99:7

Ta voletel toc to c'oponatic talel yu'un ti Diose; ti stuquic une, c'ot ta pasel yu'unic ti smantaltaque, ti oy c'usi jbel tsots albilique.

Éxodo 10:10

Ja' no'ox un, ti faraone xi laj yale: —Xvinaj lec ti chopol ti c'usi ta xanopique: ¿Mi xavac'toicuc la ta xchi'inoxuc batel ti Diose, ti jech ta xcac' batanic xchi'uc ti avalab anich'nabique?

Éxodo 16:10

C'alal yacal ta xc'opoj ti Aarón ta stojol ti israeletique, scotolic laj sq'uelic batel ta stuq'uil sbajtical banomil. Ja' o vinaj talel ta toc yutsilal slequilal ti Diose.

Éxodo 32:1

C'alal laj yilic ti israeletic ti jalij tey ta vitse, ti mu xyal talel ti Moisese, laj stsob sbaic ta stojol ti Aarone, ti xi laj yalbeique: —Mu teyuc no'ox xach'ayet, meltsanbun diosetic cu'uncutic yo' jech ta xistojobtasuncutic batel. Yu'un mu jna'cutic c'usi laj spas ti Moisés ti ja' laj sloq'uesuncutic talel ta Egiptoe.

Cantares 3:6

¿C'usi ti vi s'elan le' xtal ta sbajtical banomil ti volibil talel ta jun muc' ta tometel ch'aile, ti capal talel ta xch'ailal ti mirrae, ti pome, xchi'uc ta scotol ti ep ta tos ti muil poxiletique?

Números 10:34

Ta yorail no'ox ta sliquebal ti c'alal chapalic xa ta stam batel ti sbeique, xvolet talel ta stojolic ti toc yu'un ti Diose.

Números 14:14

ta slo'iltabeic ya'i ti jnaclejetic ti oy ta jteclum Canaane. Yu'un ti stuquique ya'binojic ac'oplal ti vo'ote, Dios, ti oyot ta o'lol yu'un ti jteclum li'e, ti ta xavac' aba ta ilel ta stojolic ti volol ta sbaic ti toc avu'une, ti jba'beot batel yu'unic ta jun voletel toc ti ta c'ac'altique. Ja'uc ti ta ac'ubaltique, oyot ta jun muc' ta voletel leb c'oc'.

Deuteronomio 1:33

ti c'alal ja' jba'be ech'el avu'unic ta st'ujel ti bu xu' ta xc'ot alaman abaique. Yu'un ti ta ac'ubaltique, jun to c'oc' s'elan ta svinajes batel bu ti be ti xu' ta xatamic ech'ele. Ja'uc ti ta c'ac'altique, jun to voletel toc s'elan ta svinajes batel ti bu xu' ta xatamic batele.’

Deuteronomio 31:8

Ja' stuc jba'be ech'el ti Dios avu'une, ta xaschi'inot. Mi ja'uc xayictaot comel. Mi ja'uc ta stenot comel. Ja' yu'un un cha'e, mu xavicta aba, mi ja'uc xaxi'.”