Éxodo 13:19 - Bible in Tzotzil de Chamula

¹⁹ Ti Moisese laj yich'be loq'uel sbaquil ti Josee. Yu'un ti Josee laj sc'ubanbe ti xnich'nab Israele ti ac'o yalic ta jamal ti xu' ta spasic jeche. Yu'un xi laj scaj'albee: “Ta melel ta xtal scoltaoxuc ti Diose. Ja' yu'un un, ti c'alal jech ta xc'ot ta pasele, ich'beicun me loq'uel ti jbaquiltaque.”

Bible in Tzotzil de Chenalhó with Deuterocanon

¹⁹ Li Moisese la xcuchbeic loq'uel tal sbaquil li Josee. Yu'un li Josee laj ono'ox yalbe israeletic ti ac'o yalic ta jamal me tspasic jeche. Jech laj yalbe: “Ta melel, ta to sta yorail chtal sloq'uesoxuc batel li Diose; c'alal me ic'ot ta pasel jeche, xacuchbicun me batel li jbaquile”, xut ono'ox.

Éxodo 13:19 Iomraidhean Croise

Génesis 48:21

Ts'acal to un, xi albat ti Josee: —A'yio ava'i, yu'un ta xa xicham. Ja' no'ox un, ti Diose ta xchi'inoxuc. Ja' jech xtoc ta xac' sutanic batel bu oy sbanomilic ti amolmuc'totic ta vo'nee.

Éxodo 4:31

Jech ti jteclume c'ot ta yo'ntonic, yu'un laj ya'iic ti mu'yuc tenbilic yu'un ti Diose, ti ilbilic mu x'ech' ti svocolique. Jech o xal un, ta sjunul yo'ntonic laj snijan sbaic ta yich'el ta muc'.

San Lucas 1:58

Ti slac'nataque, ti yuts' yalaltac ti Isabele, c'alal laj ya'iic ti laj yac' iluc syail xc'uxul yo'nton Dios ta stojolale, tal spatbeic yo'nton.

San Lucas 7:16

Ta xi'el xa laj slequil-c'optaic Dios c'alal jech laj yilic scotolique, ti xi laj yalique: —Vul ta loq'uel jun muc' ta j'alc'op ta jtojolcutic. Tal scolta steclumal ti Diose.

Hechos 7:15

Ja' jech bat nacluc ta Egipto banomil ti Jacobe, ti bu c'ot chamuque, ti bu chamic ec ti jmolmuc'totic laj ech'uc ta vo'nee.

Hechos 7:16

Sbaquil ti jmolmuc'totic Jacobe laj xcuchbeic loq'uel ti ta Egiptoe, bat smuquic ta smuquinal ti bu laj sman ti Abrahame, ti ja' yosilic to ox xnich'nab ti Hamor ti oy ta Siqueme.

Hebreos 11:22

Ti jech c'otem ta yo'nton ta xch'unel ti Josee, c'alal po'ot xa ta xchame, laj yalbe ya'i ti xchi'iltaque ti ta xc'ot sc'ac'alil ta xloq'uic batel ta Egipto banomile, xchi'uc laj yal mantal sventa sc'oplal ti sbaquiltaque.

Josué 24:32

Sbaquiltac ti José ti laj yich'ic loq'uel talel ta Egipto ti israeletique, bat smuquic ta Siquem ta yosil Jacob ti laj sman ta vo'vinic (100) ta sep plata taq'uin ti ja' yu'unic xnich'nabtac ti Hamore, ti ja' stot ti Siqueme. Ts'acal to xtoc un, c'ot ta xrextoic xnich'nabtac ti Josee.