Éxodo 13:15 - Bible in Tzotzil de Chamula

¹⁵ C'alal pucujib yo'nton ti faraón ti c'alal mu xiyac' loc'uncutic talele, jech o xal ti Diose laj smilbe sba xnich'onic ti jujuchop jnaclej egipcioetique, xchi'uc scotol sba yoltac ti xchon sbolomique. Jech o xal ta xcac'becutic ta smoton Dios scotol sba yoltac ti chon bolometic ti stot chlaj voc'uque. Ja' yu'un un, ta xcac'cutic jcot matanal sventa xq'uexol ti sba nich'onil querem ta xvoq'uique.

Bible in Tzotzil de Chenalhó with Deuterocanon

¹⁵ Yu'un li faraone toj tsots yo'nton jech muc xac' loc'cuncutic tal. Ja' yu'un li Muc'ul Diose la smilbe sba xnich'nabic li egiptoetic ta jujubej snaique xchi'uc scotol li sba yol sts'unub yovolique. Ja' yu'un ja' smelol ti chcac'tic ta smoton Dios li sba yol jts'unub covoltic ti me stote, xchi'uc chcac'becutic xq'uexol li sba jqueremcutique.

Éxodo 13:15 Iomraidhean Croise

Salmos 105:36

Ti ta Egiptoe, ti Diose laj syayijesbe ta milel scotol sba yol xnich'onic ti jnaclej egipcioetique.

Éxodo 12:29

Ta o'lol ac'ubal un, ti Diose, mu yalel toyoluc ech' smilbe sbanquilal nich'nabtac ti jujuchop jnaclej egipcioetique. Yu'un jech c'ot ta stojol sbanquilal nich'on ti faraón ti oy sc'oplal ti ta xich' comel ti abtele, xchi'uc ti banquilal nich'oniletic ti tiq'uilic ta chuquele, xchi'uc sba yoltac ti chon bolometique.

Éxodo 3:19

Ac'o mi jech ta xavalbeic ya'i ti ajvalil yu'un ti Egiptoe, ja' no'ox un, jna' lec ti mu xac' loc'anic batel ti mi mu'yuc c'usi tsots ta xc'ot ta stojole.

Éxodo 34:20

Ja'uc sc'oplal ti sba yol me' burro ti stot ta svoq'uese, tsots sc'oplal sc'an xq'uexol jcotuc ch'iom tot chij, mi ja' jcotuc ch'iom tot tentsun. Yan ti mi mu xc'ot ta yo'ntonic ta xaq'uique, ja' ta xich' c'asbel snuc' ti ch'iom burroe. Ja' jech xtoc ti sba nich'onil querem chlaj voc'uque, tsots sc'oplal ta xavaq'uic junuc matanal sventa xq'uexolic. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Éxodo 4:23

Laj xa calbot ava'i, coltao loq'uel ti jnich'one yo' jech ta xbat yich'icun ta muc'. Ja' no'ox un, ti jech mu xac'an xavac' loc'uc batele, ta jmil ti abanquilal nich'one.’ ”

Números 18:15

“Scotol sba xnich'nab ti israeletique, mi ja' ti sba yoltac ti xchon sbolomic ti oy sc'oplal ta xiyac'beique, ta xc'ot ta aventa. Ja' no'ox un, ti sba xnich'nab ti viniquetique, yan xa sc'oplal c'u s'elan ta chapel unbi, yu'un tsots sc'oplal ta stoj comel spojel scolelic ti ja' xc'ot ta q'uexolil yu'unique. Jech ti sba yoltac ti yan chon bolom ti albil sc'oplal ti mu stac' lajesele, yu'un ja' no'ox ta xac'anbe yan xq'uexol ti ac'o yac'bote.

Números 3:46

Ja'uc ti sbanquilal xnich'nabtac ti israeletique, ja' bolemic ta j'ech'el, ja' mu sta xnich'nabtac ti levitaetique. Ja' yu'un un, yo' jech ta xich' pojel loq'uel ti oxlajuneb xchanlajunebal vinic (273) ta vo' ti sbanquilal xnich'nabic xchi'uc ti oy to yan xtoque,