Éxodo 13:11 - Bible in Tzotzil de Chamula

¹¹ “C'alal mi laj xa stic'oxuc ochel ti Dios ta slumalic ti cananeoetique, mi laj xa yac'boxuc ta avoc ta ac'obic xcaltique, jech c'u cha'al albiloxuc ono'ox xchi'uc ti amolmuc'totic ti ta xa'ac'batique,

Bible in Tzotzil de Chenalhó with Deuterocanon

¹¹ “C'alal me laj xa'ox yic'oxuc ochel ta yosilal canaanetic li Muc'ul Diose, me laj xa'ox yac'boxuc avich'ic jech chac c'u cha'al yalojboxuc, xchi'uc jech chac c'u cha'al yalojbe li jmoltotic ta vo'onee,

Éxodo 13:11 Iomraidhean Croise

Génesis 15:18

Ti jech c'ac'al taje, ja' o ti Diose laj yac' strate xchi'uc ti Abram ti xi laj yalbee: —Ti banomil li'e, ja' ta xcac'be ti anitilultaque. Ta xlic ta yuc'umal Egipto, ta x'ech' ta muc' ta uc'um yoc ti uc'um Eufratese.

Génesis 17:8

Ti vo'ote xchi'uc ti stuquique, ta xcac'boxuc scotol yosilal Canaán ti bu nacalot avie. Yu'un j'ech'el ta xcom o ta arextoic cu'un, xchi'uc ta jva'an jba ta Dios avu'unic.

Génesis 28:15

Li' jchi'inojote. Ta jchabiot ti buyuc no'ox ta xabate. Ta xcac' sutan batel ta banomil ti bu lalic talele. Ta xc'ot ta pasel cu'un jech c'u cha'al ta xcalbote. Mu xa xquictaot comel.”

Salmos 105:42

Laj svules ta yo'nton ti xch'ul trate laj spas ta stojol ti Abraham ti yajtunele.

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 32:13

Vuleso ta avo'nton c'u s'elan albil avu'un ta sventa ti Abrahame, ti Isaaque, ti Israele, ti ja'ic avajtuneltaque. Yu'un ja'ic laj ya'iic ti vo'ot atuc loq'uem ta ave ta ati' ti jbel sc'oplal mu xch'ay ta be ti laj aval ti xi ta xapas ta stojolique: “Ti anitilulique, ta jpas ta stojolic ti ta x'epajic ta j'ech'el jech c'u cha'al ti c'analetic ti oy ta vinajele. Ja' jech xtoc scotol ti banomil li'e, loc' ta que ta jti' ta xcac'boxuc ti ta xc'ot o ta arextoic cu'un ta sbatel osile.”

Números 11:12

¿Mi yu'un stoticun, mi sme'icun yo' jech ta xavac'bun jpet batel jech c'u cha'al jchu'nel olol c'alal to ta banomil ti avalojbe ya'i ti smolmuc'totic ta xavac'bee?