Éxodo 13:10 - Bible in Tzotzil de Chamula

¹⁰ Jech o xal un, pasic ti q'uin jujun jabil ti ta x'ech' batel ti c'usi ual ta xc'ote.’

Bible in Tzotzil de Chenalhó with Deuterocanon

¹⁰ Ja' yu'un ja' tsc'an jech chapasilanic o jujun jabil li q'uin jech ora chac c'u cha'al li'i’, utic.

Éxodo 13:10 Iomraidhean Croise

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 12:17

Sq'uinal ti pan ti mu'yuc yich'oj ti spajubtasobile, ja' jun c'ac'al ti tsots sc'oplal ta xapasic ti q'uine. Yu'un jech yorail laj jloq'uesoxuc talel ta Egipto, ti ta xc'ot ta jbel c'usi albil ti tsots sc'oplal bejtsanbil ta xcom ta ajolique, ta stojol ti totil me'ile xchi'uc ti alab nich'nabiletique.

Éxodo 12:42

Ti jech ac'ubal taje, lec stuc'ulanoj ti Diose yo' jech ta sloq'ues batel ta Egipto ti israeletique. Ti jech ac'ubal taje, ja' yich'el ta muc' ti Diose. Jech xtoc ti jech ac'ubal taje, ja' tsots sc'oplal ti ta xchabiic ti israeletic ti jaypoj chlaj ech'icuc xchi'uc ti yalab xnich'nabique.

Éxodo 13:5

Jech me yual ta xapasic ti q'uin Colele c'alal mi j'ech'el laj xa yac' ochanic batel ti Dios ta banomil ti bu co'ol s'elan vo' ta xbein ti chu' vacaxe, ti ajapome. Yu'un ti osil taje, ja' yosilic ti cananeoetique, ti hititaetique, ti amorreoetique, ti heveoetique, xchi'uc ti jebuseoetique, ti albilic ono'ox ti amolmuc'totic ti ta xa'ac'batique.

Éxodo 23:15

Ta xapasbeic sq'uinal pan ti ch'abal ac'bil ti spajubtasobile. Jech c'u cha'al calojboxuc ava'iic ti jmantale, vucub (7) c'ac'al sjalil ta xave'ic pan ti ch'abal ac'bil ti spajubtasobile. Ti jech albil sc'oplal taje, ja' me ta yual Abib, yu'un ti jech u laloq'uic talel ta Egiptoe. Yu'un mu'yuc buch'u junuc xu' ta xtal ta jtojol ti mi mu'yuc c'usi yich'oj talele.

Levítico 23:6

“Ta yo'lajunebal sc'ac'alil ti ja' ono'ox yuale, ta xich' pasel sq'uinal ti pan ti mu'yuc ac'bil ti spajubtasobile ti ja' yich'el ta muc' ti Diose. Yu'un vucub c'ac'al sjalil, mu'yuc ta xich' ve'el ti pan ti ac'bil ti spajubtasobile.