Éxodo 12:51 - Bible in Tzotzil de Chamula

⁵¹ Ti jech c'ac'al taje, ja' o ti Diose laj sloq'ues batel ta Egipto ti mu albajuc yepal xvoletic batel ti israeletique.

Bible in Tzotzil de Chenalhó with Deuterocanon

⁵¹ Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 12:51 Iomraidhean Croise

Génesis 50:24

Oy jun c'ac'al un, ti Josee xi laj yalbe ti xchi'iltac ta voq'uele: “Jutuc xa sc'an xicham. Le' une, ja' no'ox Dios ac'o xtal stic' sba ta scoltaeloxuc yo' jech ta sloq'uesoxuc batel li' ta muc' ta lume, yo' jech ta xic'oxuc batel ta banomil bu albilic ono'ox ta x'ac'batic ti Abrahame, ti Isaaque, xchi'uc ti Jacobe.

1 Reyes 6:1

Ti Salomone och ta sva'anel xch'ulna Dios ti c'alal oy xa ta xchanibal jabil yochel ta ajvalilal yu'un ti Israele, ta yu'al Ziv ti ja' xa xchibal u yu'un ti jabile, c'alal xchanibal xa ciento xchi'uc chanvinic (480) jabil ti sloq'uelic talel ta Egipto ti israeletique.

2 Crónicas 14:12

Ti Diose laj yac'be stsal yajcontra ti Asa xchi'uc ti svinquileltac Judá ta stojol ti etiopeetique, ti jatvil loq'uic ta stojolique.

Salmos 114:1

Ti Israel snitilultac ti Jacobe, c'alal loq'uic talel ta Egipto ti oyic to ox ta yan lume,

Salmos 136:11

Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

Éxodo 12:41

C'alal ts'aqui sc'ac'alil ti chanib ciento xchi'uc lajuneb xcha'vinic (430) jabile, xvoletic no'ox loq'uel ta j'ech'el ta Egipto ti yu'untac ti Diose.

Éxodo 12:50

Jech ti israeletique laj spasic scotol jech c'u cha'al albilic yu'un Dios ti Moisese xchi'uc ti Aarone.

Éxodo 13:1

Ti Diose xi laj yal ti c'alal laj sc'opon ti Moisese:

Éxodo 16:1

Scotol ti c'u yepal xvoletic ti israeletique, loq'uic batel ti ta Elime. Batic ta sbajtical banomil Sin ti oy ta o'lol yu'unic ti Elime xchi'uc ti Sinaie. Ja' xa ta yo'lajunebal (15) sc'ac'alil ti xchibal (2) yual ti loq'uic talel ta Egiptoe.

Éxodo 19:1

Ti israeletique c'otic ta sbajtical banomil yu'un Sinaí c'alal yoxibal (3) xa ox yual sloq'uelic talel ta Egiptoe.

Éxodo 3:8

Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 6:26

Ti Aarone xchi'uc ti Moisés taje, ja'ic ti buch'utic albatic yu'un Dios ti ac'o sloq'uesic batel ti israeletic ta Egipto banomil jech c'u cha'al junuc soldado ta svol loq'uele.

Éxodo 6:6

Ja' yu'un un, batan, ba albo ya'iic ti israeletique ti vu'un Ajvalilune ta jpoj loq'uel ta mosovil ti tsots ta sujatic ta abtel yu'un ti egipcioetique. Ta jvinajes ep ta tos ti c'u s'elan tuc' jna' xichapanvane.

Éxodo 7:4

Ti faraone mu xayac'oxuc ta venta. Manchuc mi jech un, ta jbusanbe ya'i talel ta stojol Egipto ti jmuc'ul jtsatsale. Ta jva'an jba ta spasel ti ep ta tos ti c'usitic ta xc'ot ta pasele yo' xu' ta jloq'uesic batel ti cajsoldadotaque, ti xcaltique, ja' ti israeletic ti ja' jteclumale.

Levítico 23:43

yo' jech ta sna'ic scotol ti anitilulique ti lanaquiic cu'un ta yolon axibal yanal te' na ti c'alal laj jloq'uesoxuc talel ta Egiptoe. Yu'un vu'un ti Ajvalil Diosun avu'unique.”

Amós 2:10

Ti vo'oxuque, laj jloq'uesoxuc talel ta jteclum Egipto. Cha'vinic (40) jabil laj quic'oxuc batel ta sbajtical banomil yo' jech ta xacac'beic ti sbanomilique.

Miqueas 6:4

Laj jloq'uesot talel ta jteclum Egipto; laj jpojot ti jech ochemot ta mosovile. Laj jtac talel ta atojolal ti Moisese, ti Aarone, ti Mariae yo' jech ta xastojobtasoxuc batel.

Números 23:22

Yu'un ti Diose laj sloq'ues talel ta Egipto, ti ja' c'otem ta jpojvanej yu'unic jech c'u cha'al ta spoj sba xchi'uc xulub ti te'tical vacax ti ja' bufalo sbie.

Números 26:4

ti ac'o stsacbeic sbi scotol ti buch'utic yich'ojic jtob (20) jabile, xchi'uc ti buch'u x'ech' xa ta jtob jabile jech c'u cha'al albat mantal ti Moisés yu'un ti Diose. Ti israeletique xi s'elan ma' ti buch'utic loq'uic talel ta Egiptoe:

Números 33:1

Ti li'e, ja' ti bu ech'ic ti israeletic ti c'alal loq'uic talel ta Egiptoe, ti xvoletic talel ti co'ol s'elan jvoc' soldadoetic ti stamoj batel ti sbeique, ti ja' ic'bilic batel yu'un ti Moisese xchi'uc ti Aarone.

Hechos 13:17

Ti jmolmuc'totic ta vo'nee, t'ujeic yu'un ti Dios yu'un ti jteclum Israele. C'ot ta jun muc' ta jteclum yu'un c'alal tiq'uilic ta mosovil ta Egipto banomile. Ts'acal to un, ta sventa smuc'ul stsatsal stuc, laj sloq'ues talel ta mosovil.

Deuteronomio 16:1

“C'alal ta xc'ot yual ti Abib sbie, c'otuc ta pasel avu'unic ti ta xapasic sna'obil ti q'uin Colel sventa yich'obil ta muc' ti Ajvalil Dios avu'unique, yu'un ja' o me yu'al jech ac'ubal ti c'alal laj sloq'uesoxuc talel ti Ajvalil Dios avu'unic ta Egiptoe.

Deuteronomio 4:37

Yu'un laj xc'uxubinan ti amolmuc'totic laj ech'icuc ta vo'nee. Laj st'ujanan ti snitilultac yu'une, ti poj loq'uel talel yu'un ta Egipto ta sventa smuc'ul stsatsale.

Josué 24:5

Va'i un, laj jtac ech'el ti Moisese, xchi'uc ti Aarón ti bu taje. Laj jyayijesan ta milel ti egipcioetic ti ep chamic ta j'ech'ele, ja' to ti c'uxi laloq'uic talel cu'un teye.

Judas 1:5

Ac'o mi ava'binojic ono'ox ti c'usi pasbatic yu'un Dios ti israeletic ta vo'nee, ta jc'an ta jvulesboxuc ta avo'ntonic tana le'e. Manchuc mi loq'uesatic talel yu'un Dios ta Egipto banomile, ts'acal to un, mileic ti buch'utic mu'yuc c'usi c'ot ta yo'ntonic ta xch'unele.