Éxodo 12:5 - Bible in Tzotzil de Chamula

⁵ Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Bible in Tzotzil de Chenalhó with Deuterocanon

⁵ Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Éxodo 12:5 Iomraidhean Croise

Éxodo 12:4

Mi mu'yuc ep ti jchop ta na ti mu xlaj ta ti'el yu'un ti jcot chon bolome, ja' yu'un unbi, ti yajval nae, ac'o scomon chi'in sbaic ta ve'el xchi'uc ti buch'u nopol xil sbaic ta naclej xchi'uque. Ja' ac'o xch'acbe sbaic ti c'u yepal xu' yu'unic ta sti'el ti jujunique.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 23:12

Ti sc'ac'alil ti ta xich' aq'uel ti jchuc ts'unubile, ja' o ta xac' xtoc jcot chij ti yich'oj jun jabile, ti mu'yuc xchopolile, ti ta xich' chiq'uel sventa yich'el ta muc' ti Diose.

Malaquías 1:14

Bac svocol xa'i o ti buch'u xac' xa ye yilel ti ta xac' jun lequil matanal chon bolom ti oy ta corral ti c'alal ja' ta xac' ti oy xchamele. Ti jech banquilal Ajvalilune, xi'tabilun yu'unic jlomuc ti muc'tiquil lumetique.” Ti va'i s'elan taje, ja' ta xal stuc ti Dios ti scotol xu' yu'une.

Deuteronomio 17:1

“Mi ja'uc jcotuc tot vacax, mi jcotuc chij ti oy yuni vocol xa'i sbae, ti oy c'usi soquem yu'une, mu xamilbeic ta sventa smoton ti Ajvalil Dios avu'unique. Yu'un ti jech taje, toj ech'em chopol ta xil.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

1 Samuel 13:1

Vulem xa xch'ulel ti Saúl ti c'alal lic ochuc ta ajvalilal yu'un ti Israele. C'alal oy xa ox sjayibal jabil yochel ta ajvalilale,