Éxodo 12:43 - Bible in Tzotzil de Chamula

⁴³ Ti Diose xi laj yalbe ya'i ti Moisese xchi'uc ti Aarone: “Ti oy c'usi tsots albil ta sventa ti q'uin Colele, xi s'elane: Ti milbil chon bolome, mu xu' ta sti'ic ti jyanlume.

Bible in Tzotzil de Chenalhó with Deuterocanon

⁴³ Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:43 Iomraidhean Croise

2 Crónicas 30:18

Yepal ono'ox jnaclejetic yu'un ti Efraine, ti Manasese, ti Isacare, xchi'uc ti Zabulone, lic chi'invanicuc ta ve'el ta sventa ti q'uin Colele, ti mu xco'olaj jech c'u cha'al albil ti sc'oplale, yu'un mu'yuc spocoj stusoj sbaic. Ja'uc ti Ezequías une c'opoj ti'in ta sventaic ti xi laj yale: “Ti atalel oy yutsil slequilal avo'ntone, Dios, ch'aybo smul scolo' scotolic ti buch'u ta sjunul yo'ntonic ta sa'ote.

Éxodo 12:11

Caj lapic xa ti ac'u'ique, ti axonobique, ti teyuc xa ta ac'obic ti anabte'ique, ti sujomoxuc ta ve'ele. Yu'un ja' xa sliquebal Colel yu'un ti Diose.

Éxodo 12:48

Ac'o mi jech taje, ja' no'ox un, mi oy jun jyanlum ti nacal ta atojolic ti ta sc'an ta spas ya'i ti q'uin Colel sventa yich'el ta muc' ti Diose, ja' ta sc'an ti ba'yel ta xac'be yich' circuncisión scotol ti viniquetic ti c'u yepal oy ta snae. Ts'acal to un, xu' ta spas ti q'uine, ja' ti co'ol xa s'elan voq'uem ta alumalique. Ja' no'ox un, ti buch'u mu'yuc yich'oj ti circuncisione, mu xu' ta sti'ic ti milbil chon bolome.

Ezequiel 44:7

Yu'un aq'uelojic no'ox ta xasoquesic ti jch'ulnae, ti ta x'ochic batel avu'unic ta yac'belun xepu', ch'ich' ti jyanlumetique, jnaclejetic ti mu'yuc yich'oj senyail jtrate ta snopbenal, ta sbec'talic. Ta xavalopatinic ti jtrate ta scoj ti mu stac' albel sc'oplal ti c'usitic ta xapasique,

Levítico 22:10

“Mu xu' sve'ic ti c'usi ts'uiltasbil ti mi ma'uc yich'oj yabtel ta paleale. “Mi ja'uc yulo'tac ti palee, mi ja'uc ti yaj'abteltaque ti xu' ta sve'ic ti c'usi ts'uiltasbile.

Levítico 22:13

Yan ti mi ja' me'unal ants xae, mi sutesbil ants, ti ch'abal ti yalab xtoque, ti sut batel ta sna ti stot co'ol jech c'u cha'al ti c'alal tojol tseb to oxe, xu' ta slajes sve'eltac ti stote. Ja'uc ti yane mu xu' ta stun ta slajes ti mi ma'uc ti buch'u yich'oj yabtel ta paleale.

Números 9:14

“Ti jyanlumetic ti nacal ta atojolique, tsots sc'oplal ta spasic q'uin Colel, yu'un ja' quich'el ta muc'. Jun smantalil jech c'u cha'al laj calboxuc ava'iique. Manchuc mi jyanlum, mi ja' yajval jteclum, co'ol oy yip ti smantalile.”

Efesios 2:12

Vuleso ta avo'ntonic ti le' talel ta vo'nee, mu'yuc ava'binojic sc'oplal ti Cristoe, ch'acaloxuc ta stojol ti muc' ta lum Israele, mi ja'uc c'otem ta aventaic trateetic yu'un ti Diose, mi ja'uc c'otem ta aventaic ti oy c'usi yaloj ti Dios ta xaq'ue. Laj to ta alel ma' ti oy spatobil avo'ntonic ti cuxuloxuc li' ta banomile, ti sva'an stec'anoj sba ti Dios ta atojolique.

1 Samuel 2:27

Ti jech yorail ta vo'ne taje, ja' o c'ot vu'lanatuc yu'un jun j'alc'op ti Elie, ti xi albate: “Ti Diose xi xcholet ta xal ta jamale: ‘C'alal oyic to ox ta Egipto ti ta xac' sbaic ta tunel ta stojol ti faraón ti amolmuc'totique, laj cac' jba iluc ta stojolic.