Éxodo 12:42 - Bible in Tzotzil de Chamula

⁴² Ti jech ac'ubal taje, lec stuc'ulanoj ti Diose yo' jech ta sloq'ues batel ta Egipto ti israeletique. Ti jech ac'ubal taje, ja' yich'el ta muc' ti Diose. Jech xtoc ti jech ac'ubal taje, ja' tsots sc'oplal ti ta xchabiic ti israeletic ti jaypoj chlaj ech'icuc xchi'uc ti yalab xnich'nabique.

Bible in Tzotzil de Chenalhó with Deuterocanon

⁴² Ja' jun ac'ubal ti xchabioj stuc Muc'ul Dios sventa tsloq'ues batel ta Egipto li israeletique. Li ac'ubal le'e ja' yu'un Muc'ul Dios; ja' sventa ac'o ich'atuc ta muc' yu'un li israeletique. Ja' yu'un li israeletique xchi'uc li jayc'ol yalab xnich'nabique tsc'an jech chchabi sbaic ta sventa li jun ac'ubal le'e.

Éxodo 12:42 Iomraidhean Croise

Salmos 136:11

Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

Éxodo 12:14

Taje, ja' jun c'ac'al ti tsots sc'oplal ti ta xavules ta ajolique, xchi'uc ti ta xapasic jun muc'ul q'uin ta sventa yich'el ta muc' ti Diose. Yu'un ta xc'ot ta jbel c'usi albil ti tsots sc'oplale, ti na'bil ta xcom ta ajolic ta spasel ti q'uine, ti jech ta xcom ta stojol ti totil me'ile xchi'uc ti alab nich'nabiletique.

Éxodo 13:10

Jech o xal un, pasic ti q'uin jujun jabil ti ta x'ech' batel ti c'usi ual ta xc'ote.’

Éxodo 13:3

Va'i un, ti Moisese xi laj yalbe ya'i ti xchi'iltaque: “Mu xach'ay ta avo'ntonic ti c'ac'al li'e. Ja' o yorail ta smuc'ul stsatsal ti Diose, laj sloq'uesoxuc talel ta Egipto, ti bu to ox tiq'uiloxuc ta mosovile. Tsots sc'oplal ti mu xave'ic ti pan ti yich'oj spajubtasobile.

Éxodo 34:18

“Pasic ti q'uin ti yorail ta xich' ve'el ti pan ti mu'yuc ac'bil spajubtasobile. Co'ol s'elan jech c'u cha'al laj calboxuc ava'iique, vucub c'ac'al sjalil ta xave'ic pan ti mu'yuc ac'bil spajubtasobile. Ti t'ujbil ta sc'ac'alil ta x'ech'e, ja' me ta yual Abib, yu'un ja' jech yual laloq'uic talel ta Egipto.